త్రివిక్రమ్ శ్రీనివాస్(Trivikram Srinivas)..ఈ పేరు వింటే చాలు మనకు నువ్వే నువ్వే సహా అతడు, జల్సా వంటి చిత్రాలు గుర్తుకొస్తాయి. ఇతను రాసిన పలు చిత్రాల్లో డైలాగ్స్.. విమర్శకులతోపాటు అనేక మంది ప్రశంసలు కూడా పొందాయి. ఆ క్రమంలో స్క్రీన్ రైటర్ నుంచి సినిమాలకు దర్శకత్వం చేసే స్థాయికి చేరుకుని ప్రస్తుతం స్టార్ హీరోలతో సినిమాలు చేస్తూ త్రివిక్రమ్ బిజీగా మారిపోయారు. అయితే ఈ మధ్య కాలంలో ఈ డైరెక్టర్ పై అనేక పుకార్లు వస్తున్నాయి. గతంలో మాదిరిగా మంచి డైలాగ్స్ తోపాటు డైరెక్షన్ చేయడం లేదని అంటున్నారు.
ఇక ఇటివల విడుదలైన పవన్ కల్యాణ్ బ్రో చిత్రానికి త్రివిక్రమ్ శ్రీనివాస్ స్క్రీన్ ప్లే, మాటలు అందించారు. కానీ పెద్దగా ప్రేక్షకులను ఆకట్టుకోలేదని పలువురు ఫ్యాన్స్ చెబుతున్నారు. అంతేకాదు పవన్ కళ్యాణ్‌(pawan kalyan)కు మద్దతుగా నిలిచే త్రివిక్రమ్ ట్రేడ్‌మార్క్ డైలాగ్స్ లేవని అసంతృప్తిని వ్యక్తం చేస్తున్నారు. అంతేకాదు ఈ చిత్రంలో పెట్టిన పలు క్యారెక్టర్లు ప్రస్తుతం వివాదాలకు దారి తీశాయి. మరోవైపు గతంలో వచ్చిన చిత్రాల్లో అజ్ఞాతవాసి, అరవింద సమేత వీర రాఘవ చిత్రాల్లో కూడా డైలాగ్స్ తోపాటు ఈ చిత్రాలు పెద్దగా బాగుండవని సినీ వర్గాలు కామెంట్లు అంటున్నాయి. అంతేకాదు ఇక వీటికి ముందు డైరెక్షన్ చేసిన ఖలేజా, ఆఆ వంటి సినిమాలు కూడా ఫ్లాప్ చిత్రాలేనని కామెంట్లు చేస్తున్నారు.
దీనికి తోడు ప్రస్తుతం త్రివిక్రమ్ శ్రీనివాస్ స్టార్ హీరో మహేశ్ బాబు(Mahesh Babu)తో గుంటూరు కారం(guntur karam) చిత్రం చేస్తున్నారు. కానీ ఈ మూవీ మొదలైనప్పటి నుంచి అనేక సమస్యలు, మార్పులు జరుగుతున్నాయి. అంతేకాదు ఈ చిత్రం నుంచి ఇప్పటికే వచ్చిన గ్లింప్స్ కూడా సాధారణంగా ఉన్నాయని పలువురు ఫ్యాన్స్ ఆవేదన వ్యక్తం చేశారు. మరోవైపు ఈ మూవీకి సంబంధించి హీరోయిన్ తోపాటు మ్యూజిక్ డైరెక్టర్ సహా పలువురిని మార్చడం పట్ల సినిమా పట్టుతప్పిందా? ఎందుకు మారుస్తున్నారని పలువురు కామెంట్లు చేస్తున్నారు. దీనికితోడు ఈ డైరెక్టర్ పలువురు హీరోయిన్లతో డేటింగ్ చేస్తున్నారనే పుకార్లు కూడా గట్టిగానే వినిపిస్తున్నాయి. ఇలాంటి పుకార్లు కామెంట్ల నేపథ్యంలో త్రివిక్రమ్ ఈ మూవీతో ప్రేక్షకులను ఆకర్షించకపోతే మరింత గడ్డుకాలం ఎదుర్కొంటారని పలువురు అంటున్నారు. అంతేకాదు ఇప్పటికే నిరాశతో ఉన్న మహేష్ ఫ్యాన్స్ త్రివిక్రమ్ పై మరింత అసంతృప్తి చెందే అవకాశం ఉందని సినీ వర్గాలు చెబుతున్నాయి.
ఇది కూడా చూడండి: Sai DharamTej : మంత్రిని ఉద్దేశించి ఆ సీన్లు తీయలేదు : సాయిధరమ్
