తేనెలో నానబెట్టిన బాదంపప్పు తినడం వల్ల బోలెడు లాభాలు ఉన్నాయి. మెదడు పనితీరును మెరుగుపరుస్తుంది. గుండె ఆరోగ్యాన్ని కాపాడుతుంది. రోగనిరోధక శక్తిని పెంచడంతో పాటు బరువు, రక్తంలో చక్కెర స్థాయిని అదుపులో ఉంచుతుంది. జీర్ణక్రియను మెరుగుపరుస్తుంది. శరీరానికి తక్షణ శక్తిని అందిస్తుంది. చర్మాన్ని మృదువుగా, ప్రకాశవంతంగా చేస్తుంది. సీజన్ వ్యాధులను తగ్గిస్తుంది.
చక్కెర ఎక్కువగా తీసుకోవడం వల్ల గుండె సమస్యలు వస్తాయని, బరువు పెరుగుతారని వైద్య నిపుణులు చెబుతున్నారు. అంతేకాకుండా చక్కెర మన మెదడును కూడా ప్రభావితం చేస్తుందని అంటున్నారు. జ్ఞాపకశక్తి కోల్పోవడం, నెమ్మదిగా ఆలోచించడం వంటి సమస్యలకు దారితీస్తుందని.. దీర్ఘకాలంలో ఆల్జీమర్స్ వ్యాధి వచ్చే అవకాశం ఉందంటున్నారు. టైప్ 3 డయాబెటిస్ రావొచ్చని హెచ్చరిస్తున్నారు.
దీపావళి అంటేనే దీపాల పండుగ కాబట్టి, ఇళ్లు ఆ దీపాల వెలుగుతో కళకళలాడుతూ ఉంటాయి. ఈ వెలుగులు పండుగకు ఉండే సంప్రదాయమైన, ఆహ్లాదకరమైన వాతావరణాన్ని సూచిస్తాయి. అయితే, వేడుకల పేరుతో పటాకులు పేల్చడం వల్ల వచ్చే దట్టమైన పొగ, శబ్దం వల్ల పిల్లలకు, జంతువులకు ఇబ్బందికరమైన పరిస్థితులు ఏర్పడుతున్నాయి. అందుకే పండుగలను ప్రశాంత వాతావరణంలో జరుపుకోవాలని నిపుణులు చెబున్నారు.
కొన్ని చిట్కాలతో కడుపుబ్బరంను తగ్గించుకోవచ్చు. తక్కువ ఆహారం ఎక్కువసార్లు తినడం వల్ల ఈ సమస్యను తగ్గించుకోవచ్చు. టీ, కాఫీలు తాగడం తగ్గించాలి. రోజూ తగినన్ని నీళ్లు తాగాలి. కూల్ డ్రింక్స్‌కు దూరంగా ఉండాలి. ఆహారాన్ని బాగా నమిలి, నెమ్మదిగా తినాలి. పాస్తా, వైట్ బ్రెడ్ వంటివి మితంగా తినాలి. వ్యాయామం చేయాలి. అల్లం టీ, పుదీనా టీ తాగితే మంచి ఫలితం ఉంటుంది.
దీపావళి సందర్భంగా చాలామంది టపాసులు కాలుస్తుంటారు. అయితే ఆ సమయంలో కొన్ని జాగ్రత్తలు తీసుకోవాలి. జనావాసాలు, వాహనాలు ఉన్న ప్రాంతాల్లో టపాసులు కాల్చవద్దు. వదులుగా ఉండే కాటన్ దుస్తులు వేసుకోవాలి. తప్పకుండా కళ్లద్దాలు, చెప్పులు ధరించాలి. ఊపిరితిత్తుల సమస్యలు ఉన్నవారు బయటకెళ్లినప్పుడు మాస్క్ పెట్టుకోవాలి. పేలుడు వస్తువులు ఉన్న దగ్గర టపాకాయలు కాల్చకూడదు.
కొన్ని చిట్కాలతో నోటి దుర్వాసనను తగ్గించుకోవచ్చు. ప్రతిరోజూ ఉదయం, రాత్రి పడుకునే ముందు దంతాలను క్లీన్ చేయాలి. నీళ్లు ఎక్కువగా తాగాలి. మౌత్ వాష్ ఉపయోగించాలి. డెంటల్ ప్లాసింగ్ కూడా చేయాలి. వెల్లుల్లి, ఉల్లిపాయలు వంటి వాటికి దూరం ఉండాలి. ఆల్కహాల్, పొగతాగడం మానేయాలి. అంతేకాదు ఎక్కువగా ఉండే పండ్లు , కూరగాయలు తినాలి.
బార్లీ నీళ్లతో బోలెడు ఆరోగ్య ప్రయోజనాలు ఉన్నాయని నిపుణులు చెబుతున్నారు. రక్తంలో చక్కెర స్థాయి నియంత్రణలో ఉంటుంది. జీర్ణక్రియ మెరుగుపడుతుంది. రక్తపోటు నియంత్రణలో ఉంటుంది. మూత్రపిండాల పనితీరు మెరుగుపడుతుంది. బరువు తగ్గడంలో సహాయపడుతుంది. రోగనిరోధక శక్తి పెరుగుతుంది.
ముక్కు ద్వారా జరిపే శ్వాసక్రియ గాలిని శుద్ధి చేస్తుంది. అయితే చాలా మంది నిద్రలో నోటి ద్వారా గాలి పీలుస్తుంటారు. ఈ అలవాటు ఆక్సిజన్ సామర్థ్యాన్ని తగ్గించి, ఒత్తిడిని పెంచుతుంది. అంతే కాకుండా నోటితో గాలిని తీసుకోవడం వల్ల కొన్ని శరీర భాగాల్లో మార్పులు, సమస్యలు వస్తాయి. అందుకే నోటితో గాలిని పీల్చుకోవడం ప్రమాదమని ఆరోగ్య నిపుణులు హెచ్చరిస్తున్నారు.
విటమిన్లు, ఖనిజాలు పుష్కలంగా ఉన్న పండ్లు, కూరగాయలు, గుడ్లు వంటివి తినాలి. గోరు వెచ్చని నీళ్లు, సూప్‌లు తాగాలి. సమతుల్యమైన ఆహారం తీసుకోవాలి. స్వెటర్లు, మఫ్లర్‌లు, గ్లౌజులు ధరించాలి. ముఖ్యంగా చెవులు, ముక్కు, పాదాలకు చల్లగాలి తగలకుండా జాగ్రత్తపడాలి. చర్మానికి మాయిశ్చరైజర్, క్రీములు, లోషన్లు వాడాలి. పెదాలకు లిప్‌బామ్ రాయాలి, వ్యాయామాలు చేయాలి.
మార్కెట్లో ORSL పేరుతో దొరికే డ్రింక్స్‌లో ఎక్కువ శాతం షుగర్, తక్కువస్థాయిలో ఎలక్ట్రోలైట్‌లు ఉంటాయి. చాలా మంది వీటినే నిజమైన ఓఆర్ఎస్‌గా భ్రమించి ఉపయోగిస్తున్నారు. ముఖ్యంగా విరేచనాలు, వాంతులయ్యే సమయంలో పిల్లలకు ఎక్కువగా తాగిస్తున్నారు. ఈ డ్రింక్స్‌లో షుగర్ ఎక్కువగా ఉండటంతో.. విరేచనాలు ఇంకా పెరుగుతాయని డాక్టర్ శివరంజని తెలిపారు.
స్కూల్లో చేరకముందే పిల్లలకు ABCDలు, రైమ్స్ చెబుతున్నారు. కానీ తెలియని వ్యక్తులతో ఎలా మెలగాలో నేర్పిస్తున్నారా?. అపరిచితులు పిల్లలకు చాక్లెట్లు, బొమ్మలు ఆశచూపి.. కిడ్నాప్, ట్రాఫికింగ్ వంటివి చేస్తారు. అందుకే అపరిచితులు ఎవరైనా చాక్లెట్లు, బొమ్మలు, పైసలు ఇస్తే తీసుకోవద్దని చెప్పాలి. అంతేకాదు తల్లిదండ్రుల ఫోన్ నంబర్లను తప్పనిసరిగా నేర్పించాలి. SHARE IT
తమలపాకు దగ్గు, జలుబు నుంచి ఉపశమనాన్ని ఇస్తుంది. జీర్ణక్రియను మెరుగుపరుస్తుంది. నోటి దుర్వాసన తగ్గించి ఆరోగ్యంగా ఉంచుతుంది. ఎముకలను దృఢంగా మారుస్తుంది. శరీరంలో వేడిని తగ్గిస్తుంది. ఇందులో ఉండే యాంటీ ఆక్సిడెంట్లు శరీరాన్ని ఫ్రీ రాడికల్స్ నుంచి రక్షిస్తాయి. అయితే అతిగా తీసుకుంటే అలెర్జీలు, రక్తపోటు, క్యాన్సర్ మూత్రపిండాల సమస్యలు వస్తాయి.
ఎంతో విలువైన సమయాన్ని మనం మనకు తెలియకుండానే వృథా చేసుకుంటాం. అలా కాకుండా ఉండాలంటే.. ✦ మీ దైనందిన చర్యలకు ముందుగానే ప్రణాళిక వేసుకోండి✦ ప్రధానమైన పనిపైనే ఎక్కువ దృష్టి పెట్టండి✦ సామాజిక మాధ్యమాల్లో స్క్రోలింగ్‌కు స్వస్తి చెప్పండి✦ మీ సమయాన్ని హరించేవాటికి దూరంగా ఉండండి✦ మీ భవిష్యత్తు మీపైనే ఆధారపడి ఉంది.
మీ పిల్లలు చిన్నారులుగా ఉన్నప్పుడు వారితో ఎక్కువ సమయం ఆనందంగా గడపండి. పిల్లల్ని పెంచడాన్ని ఓ విధిగా భావించొద్దు. చిన్నారుల ఆటపాటల్లో మీరు పూర్తిగా లీనం అవ్వాలి. వారిని అభినందించాలి. వారి ముద్దుమాటల సంభాషణల్లో భాగం కావాలి. వారి ఆలింగనాల్లో మైమరచాలి. వీటిని కోల్పోయారంటే మీ జీవితంలో అద్భుతమైన అనుభూతులకు దూరమైనట్లే.
కొన్ని చిట్కాలతో వెన్ను నొప్పిని తగ్గించుకోవచ్చు. కొబ్బరి నూనెలో కర్పూరం వేసి 5 నిమిషాలు వేడి చేసి చల్లార్చాలి. దాన్ని నిల్వ చేసుకుని రోజూ వెన్నుపై మర్దనా చేస్తే మంచి ఫలితం ఉంటుంది. సముద్రపు ఉప్పును వేడి చేసి దాన్ని ఓ బట్టలో చుట్టి నొప్పి ఉన్న చోట కాపడం పెట్టాలి. లేదా ఆవనూనెను కొద్దిగా వేడి చేసి వెన్నుపై మర్దనా చేసి స్నానం చేయడం వల్ల నొప్పి తగ్గుతుంది.
