గంటల తరబడి ఒకే చోట కూర్చుని పనిచేసే వారికి వెన్నునొప్పి, ఊబకాయం, మధుమేహం వచ్చే అవకాశాలు ఎక్కువ. ప్రతి గంటకు ఒకసారి సీట్లో నుంచి లేచి 5 నిమిషాల పాటు అటుఇటు నడవాలి. స్ట్రెచింగ్ చేయడం వల్ల రక్తప్రసరణ సాఫీగా సాగుతుంది. డెస్క్ జాబ్స్ చేసేవారు ఈ చిన్న చిట్కా పాటిస్తే వెన్నుపూస సమస్యల బారిన పడకుండా ఉండొచ్చు.
రోజంతా అలిసిపోయి పడుకునే బెడ్షీట్స్ శుభ్రత ఆరోగ్యంపై ప్రభావం చూపుతుంది. నిద్రించేటప్పుడు శరీరం నుంచి రాలే చర్మ కణాలు, చెమట, జిడ్డు వల్ల కంటికి కనిపించని బ్యాక్టీరియా, డస్ట్ మైట్స్ చేరతాయి. ఇవి చర్మ అలర్జీలు, మొటిమలు, శ్వాసకోశ సమస్యలకు దారితీస్తాయి. అందుకే వారానికి ఒకసారి తప్పనిసరిగా బెడ్షీట్స్, దిండు కవర్లను మార్చాలి. వేడి నీటితో ఉతికి, ఎండలో ఆరబెట్టడం మంచిది.
ఎండల నుంచి ఉపశమనం ఇచ్చే అమృతం గుల్కంద్. రోజా పూల రెక్కలు, చక్కెర లేదా కలకండతో చేసే ఈ సాంప్రదాయ స్వీట్ వేసవి తాపాన్ని అద్భుతంగా తగ్గిస్తుంది. ఇది సహజ శీతలీకరణిగా పనిచేస్తూ శరీరాన్ని చల్లబరుస్తుంది. ఎసిడిటీ, గ్యాస్, నోటి పూతలను నివారిస్తుంది. చర్మ కాంతిని పెంచి, అలసటను దూరం చేస్తుంది. రోజుకు ఒక చెంచా గుల్కంద్ తింటే ఈ ఎండల్లో ఆరోగ్యం పదిలంగా ఉంటుంది.
కంప్యూటర్లు, మొబైల్స్ ఎక్కువగా చూడటం వల్ల కంటి చూపు మందగిస్తుంది. విటమిన్-ఏ పుష్కలంగా ఉండే క్యారెట్లు, బొప్పాయి, కీరదోస, ఆకుకూరలను రోజూ తీసుకోవడం వల్ల కంటి చూపు మెరుగవుతుంది. ఇవి కళ్లు పొడిబారకుండా కాపాడతాయి. రేచీకటి వంటి సమస్యలు రాకుండా ఉండాలంటే చిన్న వయసు నుంచే పిల్లలకు వీటిని అలవాటు చేయాలి.
బరువు తగ్గాలనుకునే వారు డైటింగ్ పేరుతో ఆకలితో అలమటించాల్సిన అవసరం లేదు. ఫైబర్, ప్రొటీన్లు ఎక్కువగా ఉండే మొలకెత్తిన గింజలు, ఓట్స్, ఆకుకూరలు, పీచు పదార్థాలు ఉన్న పండ్లను ఆహారంలో చేర్చుకోవాలి. ఇవి కడుపు నిండిన భావనను కలిగించి, అనవసరపు ఆకలిని తగ్గిస్తాయి. జంక్ ఫుడ్కు దూరంగా ఉంటే బరువు సులభంగా అదుపులోకి వస్తుంది.
నేరేడు, రేగు, మామిడి, పిచ్ వంటి ‘స్టోన్ ఫ్రూట్స్’ ఆరోగ్యానికి ఎంతో మేలు చేస్తాయి. వీటిలో విటమిన్ సి, ఎ, పీచు పదార్థాలు, యాంటీఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని పెంచడమే కాకుండా, జీర్ణక్రియను మెరుగుపరుస్తాయి. గుండె ఆరోగ్యాన్ని కాపాడటంలో, చర్మాన్ని కాంతివంతంగా ఉంచడంలో ఇవి అద్భుతంగా పనిచేస్తాయి.
మధ్యాహ్నం ఆలస్యంగా భోజనం చేయడం వల్ల ఆరోగ్యంపై తీవ్ర ప్రభావం పడుతుంది. దీనివల్ల జీర్ణక్రియ మందగించి గ్యాస్, ఎసిడిటీ, అజీర్తి వంటి సమస్యలు వస్తాయి. రక్తంలో చక్కెర స్థాయిల్లో హెచ్చుతగ్గులు వంటి సమస్యలు ఏర్పడే అవకాశం ఉంది. అందుకే ఆరోగ్యకరమైన, పోషకాలు అధికంగా ఉండే ఆహారం మానసిక, శారీరక అభివృద్ధిని మెరుగుపరుస్తుంది. ప్రతి ఒక్కరూ సమతుల్య ఆహారం తీసుకోవడం చాలా ముఖ్యం.
ఇటీవల చాలామంది కాలేయ సంబంధిత వ్యాధుల బారిన పడుతున్నారు. లివర్ ఆరోగ్యంగా ఉండాలంటే కొన్ని చిట్కాలు పాటించాలని ఆరోగ్య నిపుణులు చెబుతున్నారు. రోజూ ఉదయాన్నే గ్రీన్ టీ తాగాలి. పసుపు పాలు ఎంతో మేలు చేస్తాయి. క్యారెట్, బీట్ రూట్ జ్యూస్ తీసుకోవాలి. గోరువెచ్చని నీటిలో నిమ్మరసం, తేనె కలుపుకుని పరగడుపున తాగాలి. ఇలా చేస్తే శరీరంలోని వ్యర్థాలు తొలగిపోయి, కాలేయ ఆరోగ్యం మెరుగుపడుతుంది.
సబ్జా గింజలు శరీరానికి ఎంతో మేలు చేస్తాయని ఆరోగ్య నిపుణులు చెబుతున్నారు. ఇవి నీటిలో నానితే మెత్తని జెల్ లాంటి పదార్థంలా మారుతాయి. ఈ గింజల్లో ఫైబర్ అధికంగా ఉండట వల్ల వల్ల ఆకలి అదుపులో ఉంటుంది. బరువు తగ్గేందుకు ఈ గింజలు సహాయ పడటంతో పాటు జీర్ణవ్యవస్థను ఆరోగ్యంగా ఉంచుతుంది. మలబద్ధకం సమస్య, గ్యాస్, అసిడిటీ, కడుపు ఉబ్బరం నుంచి ఉపశమనం కల్పిస్తుంది.
ప్రస్తుత కాలంలో చాలా మంది టిఫిన్ చేయడం మానేస్తున్నారు. వర్క్ బిజీ, బరువు తగ్గాలని టిఫిన్ మానేస్తారు. కానీ దీనివల్ల ఆరోగ్యంపై తీవ్ర ప్రభావం పడే అవకాశం ఉంది. దీనివల్ల టైప్ 2 డయాబెటిస్ వచ్చే ప్రమాదముంది. అలాగే జీర్ణక్రియ మందగించి.. త్వరగా బరువు పెరగడం, అలసట వంటి సమస్యలు వస్తాయి. ఇది శారీరక ఆరోగ్యంపైనే కాకుండా, మానసిక ఆరోగ్యంపై కూడా చాలా చెడు ప్రభావం చూపిస్తుంది.
మనం నేర్చుకున్నవాటిని అన్నిసార్లూ కొలమానాలతో నిర్దిష్టంగా కొలవడం సాధ్యం కాదు. అనుభవం ద్వారా నేర్చుకున్న అంశాలు బయటకు కనిపించకపోవచ్చు. కానీ, నిర్ణయాలు తీసుకోవడం, సమస్యలను ఎదుర్కోవడం వంటివాటిలో అవి కూడా మీకు తెలియకుండానే దోహదపడతాయి. నిన్నటితో పోలిస్తే నేడు పరిస్థితులను మెరుగ్గా అర్థం చేసుకోగలుగుతున్నారంటే.. మీరు క్రమంగా నేర్చుకుంటున్నట్లే.
భుజపీడాసనం అనేది చేతుల బలాన్ని, శరీరం యొక్క సమతుల్యతను పెంచే అధునాతన యోగాసనం. ఈ ఆసనంలో శరీరం మొత్తం బరువును చేతులపైనే మోయాల్సి ఉంటుంది. చేతులు, మణికట్టు, భుజాలు దృఢంగా మారతాయి. పొత్తికడుపు కండరాలపై తీవ్రమైన ఒత్తిడి పడటం వల్ల బొడ్డు చుట్టూ ఉన్న కొవ్వు కరిగి ఉదర కండరాలు బలపడతాయి. ఉదర భాగంపై పడే ఒత్తిడి జీర్ణ వ్యవస్థను ఉత్తేజపరుస్తుంది. మలబద్ధకం వంటి సమస్యలు దూరమవుతాయి.
రోజుకు 7 నుంచి 8 గంటల నిద్ర లేకపోతే మానసిక ఆరోగ్యం దెబ్బతింటుంది. నిద్రలేమి వల్ల మెదడులో ఒత్తిడిని పెంచే హార్మోన్లు విడుదలవుతాయి. ఇది దీర్ఘకాలంలో డిప్రెషన్, యాంగ్జైటీకి దారితీస్తుంది. రాత్రి పూట స్క్రీన్ టైమ్ తగ్గించి, సరైన సమయానికి నిద్రపోవడం వల్ల మానసిక ప్రశాంతత లభిస్తుంది. అందుకే నిద్రను నిర్లక్ష్యం చేయొద్దని వైద్యులు సూచిస్తున్నారు.
రోజూ కనీసం 30 నిమిషాల పాటు వేగంగా నడవడం (బ్రిస్క్ వాకింగ్) వల్ల గుండె జబ్బుల ముప్పు 30 శాతం తగ్గుతుందని వైద్యులు చెబుతున్నారు. నడక వల్ల రక్తప్రసరణ మెరుగవుతుంది. బీపీ అదుపులో ఉంటుంది. గుండె కండరాలు బలంగా మారతాయి. ఎటువంటి ఖర్చు లేని ఈ చిన్న అలవాటుతో గుండెను పదిలంగా ఉంచుకోవచ్చు. అందుకే వాకింగ్ అలవాటు చేసుకోవాలని వైద్యులు సూచిస్తున్నారు.
మధుమేహం (డయాబెటిస్) ఉన్నవారికి నేరేడు గింజల పొడి వరప్రసాదం. ఇందులో జాంబోలిన్, జాంబోసిన్ అనే సమ్మేళనాలు ఉంటాయి. ఇవి శరీరంలో పిండిపదార్థాలు చక్కెరగా మారే ప్రక్రియను నెమ్మదింపజేస్తాయి. దీనివల్ల రక్తంలో గ్లూకోజ్ స్థాయిలు అకస్మాత్తుగా పెరగకుండా అదుపులో ఉంటాయి. మలబద్ధకం సమస్యను నివారిస్తుంది. కడుపులో గ్యాస్, అసిడిటీ, అజీర్ణం వంటి సమస్యల నుంచి తక్షణ ఉపశమనం కలిగిస్తుంది.
