పురుషుల్లో సంతానోత్పత్తి సామర్థ్యం తగ్గడానికి ‘వేడి’ ప్రధాన శత్రువు. హెల్తీ స్పెర్మ్ కోసం వృషణాలు శరీర ఉష్ణోగ్రత కంటే 2°C- 3°C తక్కువ ఉష్ణోగ్రత వద్ద ఉండాలి. ల్యాప్టాప్ను ఒడిలో ఉంచుకోవడం, టైట్ జీన్స్ ధరించడం, వేడి సీట్లపై కూర్చోవడం వల్ల వీర్యకణాల నాణ్యత, కదలిక మందగిస్తాయి. కాటన్ లోదుస్తులు ధరించండి. బైక్ సీటు చల్లారిన తర్వాత కూర్చోండి.
మైగ్రెయిన్ తగ్గాలంటే సరైన జీవనశైలి అవసరమని నిపుణులు చెబుతున్నారు. రోజుకు 3 లీటర్ల నీరు తాగడం, తగినంత నిద్ర, సమయానికి భోజనం వంటివి ముఖ్యం. ఖాళీ కడుపుతో టీ, కాఫీలకు బదులు కొబ్బరి నీళ్లు తీసుకోవాలి. నొప్పి తీవ్రంగా ఉంటే నిర్లక్ష్యం చేయకుండా వెంటనే వైద్యులను సంప్రదించాలి. జంక్ ఫుడ్కు దూరంగా ఉండటం చాలా మంచిది.
బొప్పాయి గింజల్లో అపారమైన పోషకాలు ఉన్నాయి. ఇవి లివర్ను శుద్ధి చేయడమే కాకుండా, కిడ్నీల ఆరోగ్యానికి ఎంతో మేలు చేస్తాయి. రోజుకు 5 నుండి 8 గింజలను నేరుగా లేదా పొడి రూపంలో తీసుకుంటే జీర్ణక్రియ మెరుగుపడి బరువు తగ్గుతారు. శరీరంలో రోగనిరోధక శక్తిని పెంచే గుణం వీటిలో ఉంది. అయితే, గర్భిణీలు మాత్రం వీటికి దూరంగా ఉండటం మంచిదని ఆరోగ్య నిపుణులు సూచిస్తున్నారు.
మెరిసే చర్మం కోసం కొన్ని చిట్కాలు పాటించాలి. రెండు స్పూన్ల శనగపిండిలో కొంచెం పెరుగు కలిపి ప్యాక్లా వేసుకోవాలి. ఇది చర్మాన్ని శుభ్రం చేసి కాంతినిస్తుంది. మచ్చలు తగ్గి ముఖం మెరవాలంటే తేనె, నిమ్మరసం మిశ్రమం మంచిగా పనిచేస్తుంది. రోజూ పడుకునే ముందు అలోవెరా జెల్ రాస్తే చర్మం మృదువుగా మారుతుంది. రోజుకు కనీసం 3 లీటర్ల నీరు తాగడం వల్ల టాక్సిన్స్ తొలగి చర్మం సహజంగా మెరుస్తుంది.
బంగ్లాదేశ్లో గత 20 ఏళ్లలో లేనంతగా తట్టు వ్యాధి విలయతాండవం చేస్తోంది. టీకా కార్యక్రమాలు ఆలస్యం కావడంతో ఇప్పటివరకు 143 మంది మరణించగా, 12,000 మందికి పైగా వ్యాధి బారిన పడ్డారు. మృతులలో ఎక్కువమంది చిన్నారులే ఉండటం విషాదకరం. ప్రస్తుతం UNO సహకారంతో ప్రభుత్వం 12 లక్షల మంది పిల్లలకు అత్యవసరంగా టీకాలు వేయించే కార్యక్రమాన్ని ప్రారంభించింది.
భారతీయులకు అమెరికన్లలా పింక్ లిప్స్ ఉండకపోవడానికి కారణం ‘మెలనిన్’ అని నిపుణులు చెబుతున్నారు. సూర్యరశ్మి నుండి రక్షణ కోసం మన చర్మం ఎక్కువ మెలనిన్ ఉత్పత్తి చేస్తుంది. అందుకే పెదవులు గోధుమ లేదా నలుపు రంగులో ఉంటాయి. విదేశీయులలో మెలనిన్ తక్కువగా ఉండటం వల్ల వారి పెదవులు పింక్ కలర్లో కనిపిస్తాయి. ఇది కేవలం జన్యుపరమైన మార్పు మాత్రమే.
వేసవిలో మండే ఎండలతో శరీరం త్వరగా శక్తిని కోల్పోతుంది. దీంతో బాడీ నిరసంగా అనిపిస్తుంది. ఇలాంటి సమయాల్లో శీతల పానియాలు, కొబ్బరి నీళ్లు తీసుకుంటారు. వాటితో పాటు పుచ్చకాయ, నారింజ పండ్లు తినడం మంచిదని ఆరోగ్య నిపుణులు సూచిస్తున్నారు. వీటి ద్వారా శరీరానికి మంచి హైడ్రేషన్ అందుతుంది. కీరదోస, అనాసపండు , స్ట్రాబెర్రీలు కూడా తక్షణ శక్తినిస్తాయని చెబుతున్నారు.
ఉత్తర భారత వేసవి పానీయాలు కేవలం దాహం తీర్చడమే కాకుండా ఆరోగ్యాన్ని కాపాడుతాయి. పచ్చి మామిడితో చేసే ఆమ్ పన్నా ఎండదెబ్బ నుంచి రక్షిస్తే, జీలకర్ర, పుదీనాల జల్జీరా జీర్ణక్రియను మెరుగుపరుస్తుంది. ఇక పాలు, డ్రై ఫ్రూట్స్ కలిపిన ఠండాయి శరీరానికి చల్లదనం, శక్తిని ఇస్తుంది. కృత్రిమ పానీయాల కంటే ఈ సహజ సిద్ధమైన పానీయాలే వేసవి తీవ్రతను తట్టుకోవడంలో కీలక పాత్ర పోషిస్తాయి.
కొంతమంది ఎంత తిన్నా సన్నగా ఉండటానికి వేగవంతమైన జీవక్రియ ప్రధాన కారణమని నిపుణులు చెబుతున్నారు. దీనికి తోడు లెప్టిన్ హార్మోన్ ఆకలిని అదుపులో ఉంచుతుంది. ఆహారంతో పాటు వారి జన్యువులు, తగినంత నిద్ర, చురుకైన జీవనశైలి, మెరుగైన జీర్ణక్రియ వంటి అంశాలు వారు బరువు పెరగకుండా, ఎప్పుడూ ఫిట్గా ఉండేలా చేస్తాయని ఆరోగ్య నిపుణులు చెబుతున్నారు. అందుకే వారు ఆరోగ్యంగా కనిపిస్తారట.
ఆహారపు అలవాట్లు, జీవితంపై అతిగా నియంత్రణలు విధించుకోవడం అనవసరపు ఒత్తిడికి దారితీస్తుంది. ఏది మంచిది, ఏది కాదు అనే అవగాహన కలిగి ఉంటే సరిపోతుంది కానీ, ప్రతి చిన్న విషయాన్ని భూతద్దంలో చూస్తూ ఆందోళన చెందకూడదు. క్రమశిక్షణ అవసరమే అయినా, అది మనల్ని భయపెట్టేలా ఉండకూడదు. సహజమైన పద్ధతులతో, ప్రశాంతమైన మనసుతో సాగిపోతేనే సంపూర్ణ ఆరోగ్యం. మనసు బాగుంటేనే మనిషి బాగుంటాడు.
మజ్జిగ ప్రతి ఒక్కరికి మేలు చేయదు. లాక్టోజ్ ఇన్టోలరెన్స్ ఉన్నవారు మజ్జిగ తాగితే కడుపు ఉబ్బరం, గ్యాస్, డయేరియా వంటి సమస్యలు రావచ్చు. జలుబు, దగ్గు, అలర్జీ ఉన్నవారు మజ్జిగను తగ్గించాలి. ఆస్తమా, శ్వాస సంబంధిత సమస్యలు ఉంటే పరిమితంగా మాత్రమే తీసుకోవాలి. కిడ్నీ సమస్యలు ఉన్నవారు మజ్జిగ విషయంలో జాగ్రత్తగా ఉండాలి. కడుపులో అల్సర్, అసిడిటీ ఉన్నవారు మజ్జిగను జాగ్రత్తగా తీసుకోవాలి.
ఎండ వల్ల చర్మం కందిపోకుండా దానిమ్మ, స్ట్రాబెర్రీ, జామ వంటి పండ్లు మేలు చేస్తాయి. దానిమ్మలోని ‘ఎల్లాజిక్ ఆమ్లం’ యూవీ కిరణాల నుంచి రక్షణనిచ్చి, కొత్త కణాలను ఉత్పత్తి చేస్తుంది. గ్రీన్ టీలోని సమ్మేళనాలు చర్మాన్ని కాపాడతాయి. బంగాళాదుంపలోని పిండి పదార్థాలు చర్మం కందిపోకుండా అడ్డుకోవడమే కాకుండా, చర్మ మెరుపును పెంచి ఆరోగ్యంగా ఉంచుతాయి.
వివాహం చేసుకున్న వారిలో క్యాన్సర్ ముప్పు తక్కువగా ఉంటుందని తాజా అధ్యయనం వెల్లడించింది. పెళ్లికాని పురుషుల్లో 68%, మహిళల్లో 83% అధిక ప్రమాదం ఉన్నట్లు పరిశోధకులు గుర్తించారు. భాగస్వామి మద్దతు, క్రమశిక్షణతో కూడిన జీవనశైలి వల్ల ఆరోగ్యం మెరుగుపడుతుందని నిపుణులు విశ్లేషించారు. ఒంటరితనం కంటే బలమైన సామాజిక బంధాలు ఉండటం క్యాన్సర్ నివారణకు తోడ్పడుతుందని ఈ నివేదిక స్పష్టం చేసింది.
వేసవిలో సొరకాయ, కాకరకాయ, టిండా వంటి కూరగాయలు శరీరానికి ఎంతో మేలు చేస్తాయి. వీటిలో 90-92% నీరు ఉండటం వల్ల శరీరం చల్లగా ఉంటుంది. ఇవి తక్కువ క్యాలరీలు కలిగి ఉండి, సులభంగా జీర్ణమవుతాయి. మెటబాలిజం మెరుగుపరచడమే కాకుండా, రోగనిరోధక శక్తిని పెంచుతాయి. ముఖ్యంగా కాకరకాయ డయాబెటిస్, క్యాన్సర్ వంటి వ్యాధుల నివారణలోనూ, శరీర వాపులను తగ్గించడంలోనూ కీలక పాత్ర పోషిస్తుంది.
మానసిక ప్రశాంతత కోసం రోజుకు 15 నిమిషాల ధ్యానం, 8 గంటల నిద్ర తప్పనిసరి. ప్రకృతిలో గడపడం, స్క్రీన్ సమయాన్ని తగ్గించడం వల్ల ఒత్తిడి తగ్గుతుంది. మనల్ని మనం ప్రేమించుకుంటూ, బలాబలాలను అంగీకరించాలి. పౌష్టికాహారం, వ్యాయామం మానసిక ఆరోగ్యాన్ని పెంచుతాయి. ఇబ్బందుల్లో ఉన్నప్పుడు స్నేహితులతో పంచుకోవడం లేదా నిపుణుల సలహా తీసుకోవడం మంచిది.
