భారతీయ రిజర్వ్ బ్యాంక్ (RBI) దాదాపు 100 టన్నుల బంగారాన్ని విక్రయించినట్లు బ్లూమ్బర్గ్ ఒక కథనాన్ని ప్రచురించింది. తాజాగా దీనిపై RBI స్పందిస్తూ.. ఆ కథనాల్లో ఎలాంటి నిజం లేదని స్పష్టం చేసింది. ఈ ఏడాది ఏప్రిల్ నాటికి ఆర్బీఐ వద్ద ఉన్న 880.52 టన్నుల బంగారు నిల్వలు సురక్షితంగా ఉన్నాయని పేర్కొంది.
కృత్రిమ మేధ(AI) విప్లవం కారణంగా డేటా సెంటర్లకు ప్రపంచవ్యాప్తంగా డిమాండ్ విపరీతంగా పెరిగింది. ముఖ్యంగా సైబర్ భద్రతా నిపుణులకు ఐటీ కంపెనీలు భారీ ప్యాకేజీలతో ఆఫర్లు ఇస్తున్నాయి. కొన్ని కీలక పాత్రల కోసం $1.43 లక్షల(రూ.1.38 కోట్లు) నుంచి $1.91 లక్షల(రూ.1.85 కోట్లు) వరకు వార్షిక వేతనాన్ని అందిస్తున్నాయి. జీతంతో పాటు పలు అదనపు సౌకర్యాలను కూడా కల్పిస్తున్నాయి.
ప్రముఖ కన్జ్యూమర్ గూడ్స్ సంస్థ హిందుస్థాన్ యునిలీవర్ ఉద్యోగుల సంఖ్యను భారీగా తగ్గించింది. 2026 ఆర్థిక సంవత్సరం మార్చి 31 నాటికి పర్మినెంట్ ఉద్యోగుల సంఖ్యను 8,202 నుంచి 7,499కి కుదించింది. అలాగే మొత్తం సిబ్బంది సంఖ్యను 18,465 నుంచి 17,490కి తగ్గించింది. కన్జ్యూమర్ గూడ్స్ తయారీ రంగంపై ఉన్న ఒత్తిడికి సంస్థ చర్యలే స్పష్టమైన నిదర్శనం.
హైదరాబాద్ బులియన్ మార్కెట్లో రెండు రోజులుగా బంగారం, వెండి ధరలు స్థిరంగా ఉన్నాయి. 24 క్యారెట్ల 10 గ్రాముల బంగారం ధర రూ.1,56,220 ఉంది. అలాగే, 22 క్యారెట్ల 10 గ్రాముల పసిడి ధర రూ.1,43,200 పలుకుతోంది. అటు కిలో వెండి ధర రూ.2,90,000 వద్ద కొనసాగుతోంది. రెండు తెలుగు రాష్ట్రాల్లో దాదాపు ఇవే ధరలు ఉన్నాయి.
TG: లాసెట్ ఫలితాలు రేపు మధ్యాహ్నం 3:30 గంటలకు విడుదల కానున్నాయి. ఉన్నత విద్యామండలి ఛైర్మన్, ప్రొఫెసర్ బాలకిష్టారెడ్డి ఫలితాలను అధికారికంగా ప్రకటించనున్నారు. ఫలితాలు విడుదలయ్యాక అభ్యర్థులు తమ ర్యాంకు కార్డులను అధికారిక లాసెట్ వెబ్సైట్ ద్వారా డౌన్లోడ్ చేసుకోవచ్చు.
ట్రావెల్ టెక్ కంపెనీ ఓయో మాతృ సంస్థ ప్రిజమ్ ప్రతిపాదించిన రూ.6,650 కోట్ల ఐపీఓకు సెబీ ఆమోదం తెలిపింది. ఈ పబ్లిక్ ఇష్యూ సుమారు 7-8 బిలియన్ డాలర్ల వాల్యుయేషన్తో వచ్చే అవకాశం ఉంది. కంపెనీ డిసెంబర్ 2025లో కాన్ఫిడెన్షియల్ రూట్లో ముసాయిదా పత్రాలను సమర్పించగా, తాజాగా సెబీ గ్రీన్ సిగ్నల్ ఇచ్చింది.
హోల్సేల్ ప్రైస్ ఇండెక్స్(WPI) బేస్ ఇయర్ను 2011-12 నుంచి 2022-23కు మారుస్తూ కేంద్రం కీలక నిర్ణయం తీసుకుంది. ఈనెల 15వ తేదీన మధ్యాహ్నం 12 గంటలకు DPIIT ఈ కొత్త సిరీస్ను విడుదల చేయనుంది. దీనితో పాటు కొత్త ప్రొడ్యూసర్ ప్రైస్ ఇండెక్స్(PPI) కూడా విడుదల కానుంది. ఇది దేశ ఆర్థిక వ్యవస్థలో ధరల లెక్కింపును మరింత శాస్త్రీయంగా, బలోపేతంగా మార్చనుంది.
JEE అడ్వాన్స్డ్ ఫలితాలు విడుదల కావడంతో ఇవాళ్టి నుంచి జోసా(జాయింట్ సీట్ అలకేషన్ అథారిటీ) కౌన్సెలింగ్ ప్రక్రియ ప్రారంభం కానుంది. ఇవాళ సా.5 గంటలకు రిజిస్ట్రేషన్ పోర్టల్ ఓపెన్ అవుతుంది. జూన్ 13న తొలి విడత, 30న రెండో విడత, July 6న మూడో విడత, July 10న 4వ విడత, 16న తుది విడత సీట్లను కేటాయిస్తారు. విద్యార్థులకు దేశంలోని IITలు, IIITలు, NITలు, GFTIలలో ప్రవేశాలు కల్పిస్తారు.
SBIలో 7,150(AP 709, TG 491), BOBలో 5,000(AP 188, TG 83) అప్రెంటీస్ పోస్టులకు దరఖాస్తుల ప్రక్రియ కొనసాగుతోంది. చివరి తేదీ జూన్ 8. డిగ్రీ పాసై, 20-28 ఏళ్ల మధ్య వయసున్న వారు అర్హులు. CBT, లోకల్ లాంగ్వేజ్ టెస్ట్, డాక్యుమెంట్ వెరిఫికేషన్ను బట్టి ఎంపిక చేస్తారు. ట్రైనింగ్లో నెలకు రూ.15,000 ఇస్తారు. వెబ్సైట్స్: https://sbi.bank.in/, https://bankofbaroda.bank.in/
హైదరాబాద్ బులియన్ మార్కెట్లో ఇవాళ బంగారం, వెండి ధరలు స్థిరంగా ఉన్నాయి. 24 క్యారెట్ల 10 గ్రాముల బంగారం ధర రూ.1,56,220 ఉంది. అలాగే, 22 క్యారెట్ల 10 గ్రాముల పసిడి ధర రూ.1,43,200 పలుకుతోంది. అటు కేజీ వెండి ధర రూ.2,90,000 వద్ద కొనసాగుతోంది. రెండు తెలుగు రాష్ట్రాల్లో దాదాపు ఇవే ధరలు ఉన్నాయి.
12వ తరగతి రిజల్ట్స్ వెరిఫికేషన్, రీవాల్యూయేషన్ కోసం దరఖాస్తు చేసుకునేందుకు పోర్టల్ను అందుబాటులోకి తెచ్చినట్లు CBSE ప్రకటించింది. ఈ పోర్టల్ మే 29న తెరుచుకోవాల్సి ఉండగా, జూన్ 1వ తేదీకి వాయిదా వేశారు. నిన్న కూడా ఓపెన్ కాకపోవడంతో విద్యార్థులు ఆందోళనకు గురయ్యారు. అధికారిక వెబ్సైట్లో దరఖాస్తు చేసుకోవాలి. సమస్యలుంటే 1800118004 నంబర్ను సంప్రదించాలి.
TG: రాష్ట్ర ఆవిర్భావ దినోత్సవం సందర్భంగా ఇవాళ ప్రభుత్వం శుభవార్త చెప్పనుంది. ఇవాళ 3, అలాగే ఈ నెలలో 5 నుంచి 6 ఉద్యోగ నోటిఫికేషన్లు విడుదల చేయనున్నట్లు TGPSC ఛైర్మన్ వెంకటేశం వెల్లడించారు. ఇక నుంచి ప్రతి నెల 3 నోటిఫికేషన్లు రిలీజ్ అవుతాయని చెప్పారు. 3800 పోస్టులు విడుదల అవుతాయని.. వీటిల్లో 1,393 బీట్ ఆఫీసర్ పోస్టులున్నాయన్నారు. CBT విధానంలో పరీక్షలు ఉంటాయని తెలిపారు.
యూపీఐ లావాదేవీల్లో సరికొత్త రికార్డు నమోదైంది. ఈ ఏడాది మే నెలలో 29.90 లక్షల కోట్ల విలువైన లావాదేవీలు జరిగాయి. సంఖ్యా పరంగా 2320 కోట్ల లావాదేవీలు జరిగినట్లు నేషనల్ పేమెంట్స్ కార్పొరేషన్ ఆఫ్ ఇండియా (NPCI) వెల్లడించింది. వేసవి ప్రయాణాలు, IPL సీజన్ కావడంతో యూపీఐ లావాదేవీలు పెరగడానికి కారణమైనట్లు తెలుస్తోంది.
భారత ఆర్థిక వ్యవస్థలో వృద్ధి జోరు కొనసాగుతోంది. తాజా నివేదికల ప్రకారం, మే నెలలో దేశవ్యాప్తంగా రికార్డు స్థాయిలో రూ.1.94 లక్షల కోట్ల జీఎస్టీ వసూళ్లు నమోదయ్యాయి. గతేడాది ఇదే మే నెలతో పోల్చి చూస్తే ఈసారి ట్యాక్స్ కలెక్షన్లలో 3.2 శాతం స్పష్టమైన వృద్ధి కనిపించింది. దేశీయంగా వ్యాపార లావాదేవీలు, కొనుగోళ్లు పుంజుకోవడమే ఇందుకు ప్రధాన కారణం.
దేశీయంగా విమాన ప్రయాణాలు తగ్గినట్లు విమానయాన నియంత్రణ సంస్థ DGCA గణాంకాలు తెలిపాయి. ఈ ఏడాది మార్చిలో 1.44 కోట్ల మంది దేశీయ మార్గాల్లో ప్రయాణించగా, ఏప్రిల్లో ఈ సంఖ్య 1.38 కోట్లకు పరిమితమైంది. గతేడాది ఏప్రిల్లో ప్రయాణించిన 1.43 కోట్ల మంది కంటే, ఈసారి 3.47% తగ్గారు. విమాన ఇంధన ధరల పెరుగుదల నేపథ్యంలో, విమాన టికెట్ల ధరలు పెరగడం ఇందుకు కారణమని నిపుణులు చెబుతున్నారు.
