సూర్యకాంతి సెకనుకు 1,86,000 మైళ్ల వేగంతో ప్రయాణిస్తుంది. ఈ కాంతి బుధ గ్రహాన్ని 3 నిమిషాల్లో, శుక్రుడిని 6, భూమిని 8 నిమిషాల్లో చేరుతుంది. అలాగే అంగారకుడికి 13, బృహస్పతికి 43, శనికి 80 నిమిషాల సమయం పడుతుంది. చివరగా ఉన్న యురేనస్ గ్రహాన్ని చేరుకోవడానికి సూర్యకాంతికి సుమారు 2.7 గంటల సమయం పడుతుందని శాస్త్రవేత్తలు చెబుతున్నారు.
TG ICET 2026 పరీక్ష ప్రాథమిక ‘కీ’ విడుదలైంది. అభ్యర్థులు icet.tgche.ac.in వెబ్సైట్ ద్వారా ‘కీ’ని డౌల్లోడ్ చేసుకోవచ్చు. కీపై అభ్యంతరాలను ఆన్లైన్లో తెలియజేసేందుకు మే 30 ఉదయం 11 గంటల నుంచి జూన్ 5న సాయంత్రం 5 గంటల వరకు అవకాశం ఉంది. ఈ పరీక్ష ద్వారా రాష్ట్రంలోని విశ్వవిద్యాలయాల్లో MBA & MCA కోర్సుల్లో 2026-27 విద్యా సంవత్సరానికి ప్రవేశాలను పొందవచ్చు.
LIC షేరు విలువ ఇవాళ్టి ట్రేడింగ్లో ఒక్కసారిగా 50 శాతం క్షీణించి రూ.417 వద్దకు చేరింది. అయితే ఇది మార్కెట్ పతనం కాదు, కంపెనీ ప్రకటించిన 1:1 బోనస్ షేర్ల సర్దుబాటు వల్ల జరిగింది. గతంలో రూ.830గా ఉన్న షేరు ధర బోనస్ ప్రక్రియతో సగమైంది. అసలు విషయం తెలియని ఇన్వెస్టర్లు కంగారు పడాల్సిన అవసరం లేదని, కేవలం ఒక శాతం లోపే నష్టం నమోదైందని నిపుణులు చెబుతున్నారు.
TG: సాంఘిక సంక్షేమ గురుకుల జూనియర్ కళాశాల ప్రవేశ పరీక్ష ఫలితాలను మంత్రి అడ్లూరి లక్ష్మణ్ విడుదల చేశారు. ఇంటర్ ఫస్ట్ ఇయర్లో చేరేందుకు 45,357 దరఖాస్తులు రాగా.. ఈనెల 15న జరిగిన జేసీ సెట్కు 39,052 మంది విద్యార్థులు హాజరయ్యారు. మొదటి విడతలో 18,401 మంది విద్యార్థులు ఎంపికయ్యారు. ఎంపికైన విద్యార్థులు జూన్ 7లోపు కాలేజీల్లో చేరాలని మంత్రి తెలిపారు.
సెన్సెక్స్ 30 సూచీలో టెక్ మహీంద్రా, HCL టెక్నాలజీస్, L&T, ఇన్ఫోసిస్ షేర్లు నష్టపోయాయి. పవర్గ్రిడ్ కార్పొరేషన్, ఇండిగో, ఎన్టీపీసీ, మహీంద్రా అండ్ మహీంద్రా, టాటా స్టీల్ షేర్లు ప్రధానంగా నష్టపోయాయి. అలాగే, అంతర్జాతీయ విపణిలో బ్రెంట్ క్రూడ్ బ్యారెల్ ధర 91.40 డాలర్ల వద్ద కొనసాగుతుండగా.. బంగారం ఔన్సు 4530 డాలర్ల వద్ద ట్రేడవుతోంది.
ముడిసరుకులు, ప్యాకేజింగ్ ఖర్చులు పెరగడంతో కోల్గేట్-పామోలివ్ ఇండియా తమ టూత్పేస్ట్ల ధరలను 4 నుంచి 5 శాతం పెంచింది. ముఖ్యంగా మ్యాక్స్ ఫ్రెష్, డెంటల్ క్రీమ్, విజిబుల్ వైట్ వంటి ప్రముఖ రకాలపై ఈ ప్రభావం పడింది. అయితే సామాన్యులు ఎక్కువగా కొనుగోలు చేసే తక్కువ ధర కలిగిన ప్యాకెట్ల ధరలను మాత్రం ప్రస్తుతానికి పెంచలేదు.
హైదరాబాద్ బులియన్ మార్కెట్లో ఇవాళ బంగారం, వెండి ధరలు పెరిగాయి. 24 క్యారెట్ల 10 గ్రాముల పసిడి ధర రూ.1,580 పెరిగి రూ.1,57,640లకు చేరింది. అలాగే, 22 క్యారెట్ల 10 గ్రాముల బంగారం ధర రూ.1,450 పెరిగి రూ.1,44,500గా నమోదైంది. మరోవైపు కిలో వెండి ధర రూ.5,000 పెరిగి రూ.2,90,000 వద్ద కొనసాగుతోంది. రెండు తెలుగు రాష్ట్రాల్లో దాదాపు ఇవే ధరలు ఉన్నాయి.
TG: ఈసెట్ ఫలితాలను ఇవాళ మ.3:30 గంటలకు విడుదల చేయనున్నట్లు తెలంగాణ ఉన్నత విద్యామండలి ఛైర్మన్ వెల్లడించారు. పాలిటెక్నిక్ (డిప్లొమా), BSC (మ్యాథ్స్) పూర్తి చేసిన విద్యార్థులు లేటరల్ ఎంట్రీ ద్వారా నేరుగా BTech, బీఫార్మసీ రెండో ఏడాదిలో చేరేందుకు ఈ ప్రవేశ పరీక్షను నిర్వహించిన విషయం తెలిసిందే. విద్యార్థులు అధికారిక వెబ్సైట్ www.ecet.tgche.ac.inలో చెక్ చేసుకోవాలని సూచించారు.
హైదరాబాద్ బులియన్ మార్కెట్లో ఇవాళ బంగారం ధరలు తగ్గాయి. 24 క్యారెట్ల 10 గ్రాముల పసిడి ధర రూ.2230 తగ్గి రూ.1,56,060లకు చేరింది. అలాగే, 22 క్యారెట్ల 10 గ్రాములు బంగారం ధర రూ.2050 తగ్గి రూ.1,43,050గా నమోదైంది. మరోవైపు కిలో వెండి ధర రూ.5000 తగ్గి రూ.2,85,000 వద్ద కొనసాగుతోంది. రెండు తెలుగు రాష్ట్రాల్లో దాదాపు ఇవే ధరలు ఉన్నాయి.
రిలయన్స్ ఇన్వెస్టర్లకు జూన్లో బిగ్ ధమాకా షురూ కానుంది. జూన్ 19న మ.2 గం.కు రిలయన్స్ AGM జరగనుంది. ఈ మీటింగ్లో జియో ప్లాట్ఫామ్స్ IPOపై ముఖేష్ అంబానీ ప్రకటన చేసే అవకాశం ఉండటంతో మార్కెట్ వర్గాల్లో ఉత్కంఠ నెలకొంది. అలాగే ఒక్కో షేరుకు రూ.6 డివిడెండ్ ఇచ్చేందుకు జూన్ 5ను రికార్డు డేట్గా ఫిక్స్ చేశారు. AGM ముగిసిన వారంలోనే ఈ డబ్బులు అకౌంట్లోకి వస్తాయి.
గౌతమ్ అదానీకి చెందిన అదానీ పవర్ మరో మైలురాయికి చేరుకుంది. ప్రముఖ ఐటీ కంపెనీ ఇన్ఫోసిస్ను అదానీ పవర్ అధిగమించింది. దీంతో భారత్లో 11వ అత్యంత విలువైన కంపెనీగా నిలిచింది. ఈ ఏడాదిలో ఇప్పటివరకు కంపెనీ మార్కెట్ విలువ 68 శాతం వృద్ధి సాధించి రూ.4.85 లక్షల కోట్లకు చేరింది. ఈ క్రమంలోనే ఇన్ఫోసిస్ మార్కెట్ విలువ (రూ.4.72 లక్షల కోట్లు)ను దాటేసింది.
సెన్సెక్స్ 30 సూచీలో HDFC బ్యాంక్, ఐటీసీ, ఇన్ఫోసిస్, ఐసీఐసీఐ బ్యాంక్, రిలయన్స్ షేర్లు నష్టాలు చవిచూశాయి. టాటా స్టీల్, పవర్గ్రిడ్ కార్పొరేషన్ ఎటర్నల్, ఎన్టీపీసీ, ఇండిగో షేర్లు లాభపడ్డాయి. అలాగే, అంతర్జాతీయ విపణిలో బ్రెంట్ క్రూడ్ బ్యారెల్ ధర 96.25 డాలర్ల వద్ద కొనసాగుతుండగా.. బంగారం ఔన్సు 4,484 డాలర్ల వద్ద ట్రేడవుతోంది.
భారత మార్కెట్లో ఓక్టర్ కంపెనీ సరికొత్త ఏసీని ఆవిష్కరించింది. స్టూడియో ఏసీ 5000- 2026 పేరిట విడుదలైన ఈ మోడల్ ధర రూ.14,499కే వచ్చేస్తుంది. అయితే, GSTతో కలిపి రూ.16,999కు లభ్యమవుతుంది. ఇది 75 చదరపు అడుగుల్లోపు విస్తీర్ణం ఉన్న చిన్నపాటి గదికి సరిపోతుందని సంస్థ తెలిపింది. దీని వినియోగానికి గంటకు రూ.4 మేర విద్యుత్తు ఖర్చు అవుతుందని తెలిపింది.
AI విప్లవంతో శాంసంగ్ చిప్ విభాగానికి భారీ లాభాలు వచ్చాయి. కంపెనీ ఆదాయం గత త్రైమాసికంలో 49 రెట్లు పెరిగింది. దీంతో సంస్థ తన చిప్ విభాగంలోని సుమారు 78,000 మంది ఉద్యోగులకు సగటున రూ.3.25 కోట్ల బంపర్ బోనస్ ఇవ్వనున్నట్లు తెలిపింది. ప్రణాళికాబద్ధమైన 18 రోజుల సమ్మెను నివారించేందుకు యాజమాన్యం, కార్మిక సంఘాల మధ్య జరిగిన చారిత్రాత్మక ఒప్పందంలో భాగంగా ఈ నిర్ణయం తీసుకున్నారట.
రిలయన్స్ జియో వినియోగదారుల కోసం రూ.200 ధరతో ‘జియో ఓటీటీ పాస్’ ప్లాన్ను తెచ్చింది. ఒకే రీఛార్జ్తో మొబైల్ కనెక్టివిటీతో పాటు మెరుగైన వినోదాన్ని అందించే లక్ష్యంతో 28 రోజుల ప్యాక్ను కంపెనీ ప్రవేశపెట్టింది. ఈ ప్యాక్ ద్వారా 15 ప్రీమియం ఓటీటీ యాప్ల సబ్స్క్రిప్షన్ లభిస్తుంది. జియోటీవీ యాప్ ద్వారా 1,000కి పైగా లైవ్ టీవీ ఛానళ్లను ఉచితంగా వీక్షించవచ్చు.
