WGL: నల్లబెల్లి (M)లోని రంగాపురంలో షార్ట్ సర్క్యూట్తో మిర్యాల పెద్దన్న ఇల్లు దగ్ధమైంది. విషయం తెలుసుకున్న జనతా ట్రస్ట్ ఛైర్మన్ డా. గోగుల రాణా ప్రతాప్ రెడ్డి మిత్ర బృందంతో బాధితులను పరామర్శించారు. 50 కిలోల బియ్యం, నిత్యావసరాలు, బట్టలు అందజేశారు. ట్రస్ట్ సభ్యులు, గ్రామ పెద్దలు, యువకులు పాల్గొన్నారు.
అంతర్గం మండలం గోలివాడ గ్రామ శివారులోని గోదావరి నదిలో సుమారు 45–50 ఏళ్ల వయస్సు గల గుర్తుతెలియని మగ వ్యక్తి మృతదేహం లభ్యమైంది. మృతుడు లైట్ పింక్ రంగు ఫుల్ షర్ట్, ఆకుపచ్చ రంగు ప్యాంటు ధరించి ఉన్నాడు. ఇతని వివరాలు తెలిసిన వారు అంతర్గం పోలీసులకు సమాచారం అందించాలని ఎస్ఐ కోరారు. సంప్రదించవలసిన నంబర్: 8712656527.
MHBD: బయ్యారం మండలంలోని సంతులాల్ పోడు తండా వద్ద ఇల్లందు–మహబూబాబాద్ రహదారిపై మంగళవారం జరిగిన రోడ్డు ప్రమాదంలో ద్విచక్ర వాహనదారుడు గోగినేని బాబురావు (82) మృతి చెందాడు. గార్ల మండలం ముల్కనూరు గ్రామానికి చెందిన ఆయనను కంటైనర్ లారీ ఢీకొట్టడంతో అక్కడికక్కడే ప్రాణాలు కోల్పోయారు. పోలీసులు ఘటన స్థలానికి చేరుకొని కేసు నమోదు చేసి దర్యాప్తు చేపట్టారు.
ADB: ఇటీవల కురిసిన వర్షానికి పలువురి ఇల్లు కూలిపోవడంతో బాధితులకు ఇందిరమ్మ ఇల్లు మంజూరయ్యేలా కృషి చేస్తామని టీపీసీసీ ఉపాధ్యక్షురాలు, ఆదిలాబాద్ కాంగ్రెస్ పార్లమెంట్ ఇంఛార్జ్ ఆత్రం సుగుణ హామీ ఇచ్చారు. మంగళవారం నార్నూర్ మండలం పుసిగూడలో పర్యటించారు. బాధితుల ఇళ్లను పరిశీలించి పూర్తి వివరాలను సేకరించారు.
MBNR: రోడ్డు ప్రమాదాల నివారణకు వేగాన్ని నియంత్రించేందుకు పటిష్ట చర్యలు తీసుకుంటున్నట్టు మహబూబ్ నగర్ రెండవ పట్టణ సీఐ ఐజాజుద్దీన్ అన్నారు. మంగళవారం జిల్లా కేంద్రంలోని పలు ప్రాంతాలలో స్పీడ్ బ్రేకర్లు, కాషన్ బోర్డులు ఏర్పాటుకు స్థలాలను పరిశీలించారు. ఈ సందర్భంగా ఆయన మాట్లాడుతూ.. పట్టణంలో మొత్తంగా 40 ప్రాంతాలలో బ్లాక్ స్పాట్స్ గుర్తించామన్నారు.
MDK: తూప్రాన్ ఇరిగేషన్ శాఖ సబ్ డివిజన్ కార్యాలయంలో అధికారులు బదిలీ అయ్యారు. ఇక్కడ విధులు నిర్వహిస్తున్న డీఈ శ్రీకాంత్ను ఎల్లారెడ్డి సబ్ డివిజన్కు బదిలీ చేయగా, ఏఈ అనురాధను దౌల్తాబాద్ మండలానికి బదిలీ చేశారు. తూప్రాన్ ఇరిగేషన్ కార్యాలయ కొత్త డీఈ గా కరుణ నియామకం కాగా, ఆమెతో పాటు మరో ఇద్దరు ఏఈలను కూడా ప్రభుత్వం ఇక్కడకు నియమించింది.
WGL: గీసుగొండ మండలానికి చెందిన కౌలు రైతు చాపర్తి రమేష్ (45) అప్పుల బాధ తాళలేక పురుగుల మందు తాగి ఆత్మహత్య చేసుకున్నాడు. స్వంత భూమితో పాటు కౌలుకు భూమి తీసుకుని సాగు చేసినప్పటికీ పంటలు ఆశించిన మేర దిగుబడి ఇవ్వకపోవడంతో అప్పులు పెరిగాయి. తీవ్ర మనస్తాపానికి గురైన రమేష్ పురుగుల మందు తాగగా, ఎంజీఎం ఆస్పత్రిలో చికిత్స పొందుతూ మంగళవారం మృతి చెందాడు.
PDPL: ప్రభుత్వ కార్యక్రమాల అమలుకు పోలీస్ శాఖ అధికారులు అన్ని శాఖలతో సమన్వయంతో పనిచేయాలని డీజీపీ సీవి ఆనంద్ సూచించారు. ఆయన ఇవాళ కలెక్టర్లు, అధికారులతో C.S రామకృష్ణారావు నిర్వహించిన వీడియో కాన్ఫరెన్స్లో మాట్లాడారు. మహిళల భద్రత, డ్రగ్స్ నియంత్రణ, రోడ్డు భద్రతా అంశాలపై గ్రామ సభలలో అవగాహన కల్పించాలని తెలిపారు. ఈ కార్యక్రమంలో కలెక్టర్ శ్రీ హర్ష, అధికారులు పాల్గొన్నారు.
SRCL: ఘన, ప్లాస్టిక్ వ్యర్థాలపై అవగాహన కల్పించాలని జిల్లా కలెక్టర్ గరిమ అగ్రవాల్ ఆదేశించారు. ప్రజా పాలన ప్రగతి ప్రణాళిక కార్యక్రమంలో భాగంగా పర్యావరణ ఉత్సవాల్లో కింద ఘన వ్యర్థాల నిర్వహణ నియమాలు, 2026 ప్లాస్టిక్ వేస్ట్ నిర్వహణ, పర్యావరణ దినోత్సవం సందర్భంగా ప్రజలకు అవగాహన కల్పించే పోస్టర్లను మంగళవారం జిల్లా కలెక్టర్ గరిమ అగర్వాల్ ఆవిష్కరించారు.
ASF: ఈనెల 4, 6, 8, 10 తేదీల్లో గ్రామ, వార్డుల్లో సభలు నిర్వహించాలని రాష్ట్ర ప్రభుత్వ ప్రధాన కార్యదర్శి రామకృష్ణారావు ఆదేశించారు. వీడియో కాన్ఫరెన్స్ ద్వారా జిల్లా కలెక్టర్లు, SPలతో సమీక్ష నిర్వహించారు. ఆసిఫాబాద్ జిల్లాలో 335 గ్రామపంచాయతీలు, 2 మున్సిపాలిటీల్లో సభల నిర్వహణకు చర్యలు తీసుకోవాలని కలెక్టర్ హరిత అధికారులను ఆదేశించారు.
SDPT: బెజ్జంకి మండలానికి చెందిన పాడి రైతులు పుర్మ లచ్చిరెడ్డి, గుబిరే రాజయ్య మరణించడంతో వారి కుటుంబాలకు కరీంనగర్ డెయిరీ ఆధ్వర్యంలో రూ. 50 వేల చొప్పున ఇన్సూరెన్స్ చెక్కులను అందజేశారు. డెయిరీ ఛైర్మన్ చెల్మెడ రాజేశ్వర్ రావు చేతుల మీదుగా ఈ ఆర్థిక సహాయాన్ని పంపిణీ చేశారు. పాడి రైతుల కుటుంబాలకు ఈ బీమా సొమ్ము ఎంతో ఆర్థిక భరోసా కల్పిస్తుందన్నారు.
MNCL: జన్నారం అటవీ డివిజన్ పరిధిలోని జన్నారం రేంజ్ ఎఫ్ఆర్వోగా బాబా ఖదీర్ వలి బాధ్యతలు చేపట్టారు. మంగళవారం జన్నారం మండల కేంద్రంలోని ఎఫ్ఆర్వో కార్యాలయంలో ఆయన బాధ్యతలు స్వీకరించారు. ఈ సందర్భంగా నూతన ఎఫ్ఆర్వో మాట్లాడుతూ.. అడవులు, వన్యప్రాణుల సంరక్షణకు అధిక ప్రాధాన్య ఇస్తానని తెలిపారు. ప్రజలు కూడా అటవీశాఖ అధికారులకు సహకరించాలని ఆయన కోరారు.
జగిత్యాల జిల్లా ధరూర్ క్యాంప్ ఇరిగేషన్ చీఫ్ ఇంజినీర్ కార్యాలయంలో ఎన్టీపీఏగా బదిలీపై వచ్చిన కొలుగురు వెంకటేశ్వరరావు మంగళవారం పదవీ బాధ్యతలు స్వీకరించారు. ఈ సందర్భంగా కార్యాలయ ఉద్యోగులు, ఉద్యోగ సంఘాల నాయకులు ఆయనను మర్యాదపూర్వకంగా కలిసి పుష్పగుచ్ఛాలు అందజేసి శుభాకాంక్షలు తెలిపారు. నూతన బాధ్యతల్లో విజయవంతంగా పనిచేయాలని ఆకాంక్షించారు.
SRD: కంగ్టి మండలంలో మంగళవారం రాత్రి తేలికపాటి నుండి ఒక మోస్తరు వర్షం కురిసింది. ఉదయం అంతా ఎండ తీవ్రతతో పొడిగా ఉన్నప్పటికీ, సాయంత్రం వేళకు ఆకాశంలో మబ్బులు కమ్ముకుని వాతావరణం ఒక్కసారిగా చల్లబడింది. అనంతరం కురిసిన వర్షం వల్ల రోడ్లన్నీ జలమయమయ్యాయి. గత కొన్ని రోజులుగా తీవ్రమైన ఎండలు, ఉక్కపోతతో ఇబ్బంది పడుతున్న స్థానిక ప్రజలు ఈ వర్షంతో వేడిమి నుండి ఉపశమనం పొందారు.
MLG: ఏటూరునాగారం మండల కేంద్రంలో తెలంగాణ ఉద్యమ సమయంలో మహిళలు విశేష పాత్ర పోషించారు. ప్రత్యేక రాష్ట్ర సాధన కోసం ఐటీడీఏ కార్యాలయం ఎదుట రోడ్డుపై వంటా-వార్పు నిర్వహించి నిరసన వ్యక్తం చేశారు. సామూహిక భోజనాలు చేస్తూ తెలంగాణ ఆకాంక్షను చాటిచెప్పిన మహిళలు, పార్టీలకు అతీతంగా ఉద్యమంలో పాల్గొని రాష్ట్ర సాధనకు మద్దతు తెలిపారు. ఆనాటి జ్ఞాపకాలు నెమరువేసుకున్నారు.
