ఖమ్మం రూరల్ మండలంలో ఇటుక బట్టీలు పర్యావరణాన్ని ప్రమాదంలోకి నెడుతున్నాయి. ఎలాంటి అనుమతులు లేకుండా గ్రామాల్లో బట్టీలు పుట్టగొడుగుల్లా వెలుస్తున్నాయని, వీటిని నివారించాల్సిన మండల అధికారులు వారికేం పట్టనట్లుగా వ్యవహరిస్తున్నారని స్థానికులు ఆరోపిస్తున్నారు. ఈ బట్టీల నుంచి వచ్చే పొగతో స్థానిక ప్రజలు ఇబ్బందులు ఎదుర్కొంటున్నారు.
NRML: ఇవాళ్టి నుంచి ఈ నెల 30 వరకు ‘ప్రగతి ప్రణాళిక’లో భాగంగా మహిళా వారోత్సవాలను ఘనంగా నిర్వహించాలని కలెక్టర్ భవేష్ మిశ్రా అధికారులను ఆదేశించారు. ‘మహిళా ఉన్నతి-తెలంగాణ ప్రగతి’ నినాదంతో ప్రభుత్వం మహిళాభివృద్ధికి కట్టుబడి ఉందన్నారు. ఈ ఉత్సవాల్లో ప్రజాప్రతినిధులు, అధికారులు, ప్రజలు పెద్ద ఎత్తున పాల్గొని విజయవంతం చేయాలని ఆయన సూచించారు.
గద్వాల ఇండోర్ స్టేడియంలో నిర్వహించిన BHN టెన్నిస్ క్రికెట్ లీగ్ ఫైనల్కు బీఆర్ఎస్ ఇన్ఛార్జ్ బాసు హనుమంతు నాయుడు, మాజీ మున్సిపల్ ఛైర్మన్ బీఎస్ కేశవ్ హాజరయ్యారు. విజేతలకు ట్రోఫీలు, నగదు బహుమతులు అందజేశారు. తొలి బహుమతి RK టీంకు రూ.లక్ష, రెండో బహుమతి రఘు టీంకు రూ.50 వేలు ఇచ్చారు. గెలుపు, ఓటములను సమానంగా స్వీకరించాలని నాయకులు సూచించారు.
HYD: హైదరాబాద్ కోఠి ప్రభుత్వ ఈఎన్టీ ఆసుపత్రిలో రోగుల కోసం ‘సిటిజన్స్ చార్టర్’ బోర్డును ప్రదర్శించారు. ఉదయం 8:30 నుంచి 11:30 వరకు ఓపీ సేవలు అందుబాటులో ఉండగా, అత్యవసర సేవలు 24 గంటలు కొనసాగనున్నాయి. సందర్శకులకు ఉదయం 6 నుంచి 9, సాయంత్రం 4 నుంచి 6 గంటల వరకు అనుమతి ఉంటుంది. పరీక్షలు, శస్త్రచికిత్సల సమయాలను కూడా బోర్డులో వెల్లడించారు.
MDK: నేటి నుంచి 30 వరకు మహిళా ఆర్థిక వారోత్సవాలు నిర్వహించాలని కలెక్టర్ ప్రతిమా సింగ్ జిల్లా అధికారులకు సూచించారు. కలెక్టరేట్లో నిర్వహించిన సమావేశంలో రాష్ట్ర ప్రభుత్వం చేపట్టిన ప్రజాపాలన – ప్రగతి ప్రణాళిక 99 రోజుల కార్యాచరణలో భాగంగా ఈ కార్యక్రమాలు నిర్వహిస్తున్నట్లు తెలిపారు. జిల్లా వ్యాప్తంగా మున్సిపల్ కమిషనర్లు, శాఖల అధికారులు సమన్వయంతో వారోత్సవాలను నిర్వహించాలని పేర్కొన్నారు.
KMM: కల్లూరు సబ్ కలెక్టర్ కార్యాలయంలో నేడు ఉదయం 10:30 గంటల నుంచి డివిజన్ స్థాయి ప్రజా ఫిర్యాదుల పరిష్కార వేదిక (గ్రీవెన్స్ డే) నిర్వహిస్తున్నట్లు సబ్ కలెక్టర్ అజయ్ యాదవ్ తెలిపారు. డివిజన్ స్థాయి అధికారులు ఈ కార్యక్రమంలో అందుబాటులో ఉంటారని పేర్కొన్నారు. ప్రజలు తమ సమస్యల పరిష్కారానికి ఈ అవకాశాన్ని సద్వినియోగం చేసుకోవాలని ఆయన కోరారు.
మంచిర్యాల క్లబ్లో నిర్వహించిన ఉమ్మడి జిల్లా స్థాయి బ్యాడ్మింటన్ ఛాంపియన్షిప్ పోటీలు, సెలక్షన్స్ ముగిశాయి. విజేతలకు క్లబ్ అధ్యక్షుడు రమణారావు, DYSO హనుమంత రెడ్డి చేతుల మీదుగా మెడల్స్, సర్టిఫికెట్లు అందించారు. క్రీడాకారులను ప్రోత్సహించడానికి, క్రీడాభివృద్ధికి ఎల్లప్పుడూ ముందుంటామని వారు తెలిపారు.
SRD: మల్కాపూర్ చింతల్ దగ్గర గల ఫారెస్ట్ ఆఫీసు బిల్డింగ్ ప్రారంభోత్సవానికి రాష్ట్ర అటవీ శాఖ మంత్రి కొండా సురేఖ, ఆరోగ్య శాఖ మంత్రి దామోదర రాజనర్సింహ రానున్నట్టు టీజీఐఐసీ చైర్పర్సన్ నిర్మలా జగ్గారెడ్డి తెలిపారు. కావున కాంగ్రెస్ పార్టీ నాయకులు కార్యకర్తలు ప్రజాప్రతినిధులు హాజరయ్యే కార్య క్రమానికి విజయవంతం చేయాలని కోరారు.
KNR: గంగాధర మండలంలోని వెంకటయ్యపల్లిలో అంబేద్కర్ సంఘం నూతన కార్యవర్గాన్ని ఆదివారం ఏకగ్రీవంగా ఎన్నుకున్నారు. అధ్యక్షుడిగా కల్లేపెల్లి కృష్ణ, ఉపాధ్యక్షుడిగా కొత్తూరు అనిల్, ప్రధాన కార్యదర్శిగా కల్లేపెల్లి గంగస్వామి ఎన్నికయ్యారు. సంయుక్త కార్యదర్శిగా గుండు మహేశ్, కోశాధికారులుగా ఉండేటి రమేశ్, గాలిపెల్లి మహేశ్, తదితరులు పాల్గొన్నారు.
ADB: నాటుసారా అమ్మితే కఠిన చర్యలు తీసుకుంటామని ఎస్సై రాధిక హెచ్చరించారు. తాంసి మండలంలోని గిరిగామ గ్రామానికి చెందిన శివదాస్ ఆదివారం మహారాష్ట్ర నుంచి దేశిదారు అమ్ముతున్నారన్న విశ్వసనీయ సమాచారంతో దాడులు నిర్వహించి నిందితుడిని పట్టుకున్నట్లు పేర్కొన్నారు. నిందితుడి నుంచి 80 దేశీదారు సీసాలను స్వాధీనం చేసుకుని కేసు నమోదు చేసినట్లు వెల్లడించారు.
BHNG: సీఎం రేవంత్ రెడ్డి పర్యటనతో జిల్లాకు ఒరిగిందేమీ లేదని BRS రాష్ట్ర నాయకుడు రామచంద్రా రెడ్డి మండిపడ్డారు. ఆదివారం భువనగిరిలోని ఆయన మాట్లాడుతూ.. ‘రేవంత్ రెడ్డి గుట్టకు రావడం ఐదోసారి. జిల్లా అభివృద్ధికి రూ.400 నుంచి 500 కోట్లు ప్రకటిస్తారని ఎన్నో ఆశలు పెట్టుకున్నారు. అధికారుల ప్రోటోకాల్ లోపం వల్ల CM ఒక మాట కూడా మాట్లాడకుండా మొహం చాటేసి వెనుదిరిగారన్నారు.
ఆసిఫాబాద్ జిల్లాలో ఇవాళ్టి నుంచి ఈ నెల 30 వరకు మహిళా సంక్షేమ వారోత్సవాలు నిర్వహించనున్నారు. ఇందులో భాగంగా ఇందిరా మహిళా శక్తి భవనాలు, అంగన్వాడీ కేంద్రాల శంకుస్థాపనలతో పాటు మహిళా భద్రత, పోష్ (POSH) చట్టంపై అవగాహన కల్పిస్తారు. సోలార్ పవర్ ప్లాంట్ల ఏర్పాటు, మహిళా సంఘాల సమావేశాలను గ్రామ, మండల స్థాయిలో విజయవంతం చేయాలని కలెక్టర్ హరిత ఆదేశించారు.
RR: రాజేంద్రనగర్ ఆర్డీవో కార్యాలయంలో నేడు ఉదయం 10:30 గంటల నుంచి మధ్యాహ్నం 1 గంట వరకు ప్రజావాణి నిర్వహిస్తున్నట్లు ఆర్డీవో వెంకటరెడ్డి తెలిపారు. డివిజన్ పరిధిలోని అన్ని విభాగాల అధికారులు ఈ కార్యక్రమానికి హాజరవుతారన్నారు. ప్రజలు తమ సమస్యలపై లిఖితపూర్వకంగా ఫిర్యాదు చేయాలని ఆయన కోరారు.
ADB: ఘోర ప్రమాదంలో జిల్లాకు చెందిన కిరణ్ సజీవ దహనం అయ్యాడు. స్థానికుల వివరాల మేరకు.. శ్రీ సత్యసాయి జి. పెనుకొండ మం. పులేకమ్మ గుడి వద్ద తెల్లవారుజామున ఘోర ప్రమాదం జరిగింది. ఆగి ఉన్న బంగాళదుంపల లారీని, గోధుమల లోడుతో వస్తున్న మరో లారీ బలంగా ఢీకొట్టడంతో మంటలు చెలరేగి గోధుమల లారీ పూర్తిగా దగ్ధమైంది. ఈ ఘటనలో కిరణ్ దహనమయ్యాడు. పోలీసులు ఘటనా స్థలికి చేరుకుని దర్యాప్తు చేస్తున్నారు.
SRPT: తుంగతుర్తి మండలం వెంపటి గ్రామంలో ఆదివారం రాత్రి రావులపల్లి రోడ్డులోని ఐకేపీ వద్ద భారీ అగ్ని ప్రమాదం జరిగింది. ఈ ప్రమాదంలో ఒక ద్విచక్ర వాహనం పూర్తిగా కాలిపోయింది. రైతులు కోసిన వరి పంట పొలాలకు నిప్పు పెట్టడమే ఈ అగ్ని ప్రమాదానికి కారణమని స్థానికులు తెలిపారు.
