HYD: దేశంలో మరెక్కడా లేని విధంగా హైదరాబాద్ నగరానికి 75 కిలోమీటర్ల దూరంలో తొలి ఔటర్ రింగ్ రైలు ప్రాజెక్టు నిర్మాణం దశగా ప్రభుత్వం అడుగులు వేస్తోంది. రీజినల్ రింగ్ రోడ్డుకు అవతల దీన్ని చేపట్టనున్నారు. సుమారు ఆరు ప్రాంతాల్లోని రైల్వే లైన్‌ను ఇది క్రాస్ చేస్తుందని ప్రభుత్వం పేర్కొంది. ఈ ప్రాజెక్టుకు రూ.13,500 కోట్ల వ్యయం అవుతుందని అంచనా వేశారు.
HYD: హైదరాబాద్ మహానగర అభివృద్ధిసంస్థ (HMDA) భారీ ఎత్తున భూసమీకరణకు సిద్ధమైంది. స్థిరాస్తి సంస్థల తరహాలో భూములను అభివృద్ధి చేసే ప్రక్రియను వేగవంతం చేసింది. దీంట్లో భాగంగా పెద్దఅంబర్‌పేట్, ఘట్కేసర్, బాలాపూర్ మండలాల పరిధిలో.. భూ సమీకరణ పథకం కింద 515 ఎకరాల్లో భారీ లే అవుట్లను చేసేందుకు తాజాగా నోటిఫికేషన్లు విడుదల చేసింది.
HYD: కార్పొరేట్ ఆసుపత్రుల్లో వైద్యం చేయించుకొని బిల్లులు చెల్లించలేని నిజమైన పేదలు సీఎం ఆర్ఎఫ్ లబ్ధి పొందాలని ఎమ్మెల్యే మాధవరం కృష్ణారావు సూచించారు. శుక్రవారం రిజ్వానా సుల్తానాకు మంజూరైన రూ. 2 లక్షల సీఎంఆర్ఎఫ్ చెక్కును అందజేశారు. ఆయన మాట్లాడుతూ.. ముఖ్యమంత్రి సహాయ నిధి పథకం నిరంతరం కొనసాగుతుందని, అర్హులు సద్వినియోగం చేసుకోవాలన్నారు.
KMR: ఎల్లారెడ్డి ఒక్కొక్క కబడ్డీ జట్టును పరాజయం చేస్తూ హాజిపూర్ తండా కబడ్డీ జట్టు ఘనవిజయం సాధించి మొదటి విజేతగా నిలిచి రూ. 51,000 వేల నగదు బహుమతిని గెలుపొందారు. రెండవ విజేతగా ఎల్లారెడ్డి టీం (A)రూ. 21, 000 నగదు అందుకున్నారు. మూడవ విజేతగా జాయింట్ విన్నర్( భిక్కనూర్, మాచాపూర్) రూ.11,000 నగదు పొందారు. సీఐ రవీందర్ నాయక్ బహుమతులను అందజేశారు.
VKB: కొడంగల్ ఏరియా డెవలప్‌మెంట్ అథారిటీ కింద జరుగుతున్న అభివృద్ధి పనులపై వికారాబాద్ జిల్లా కలెక్టర్ ప్రతీక్ జైన్ శుక్రవారం ఆర్ అండ్ బీ, పంచాయతీ రాజ్, విద్యుత్, అటవీ శాఖ అధికారులతో సమీక్ష నిర్వహించారు. కొడంగల్ నియోజకవర్గంలో జరుగుతున్న రోడ్ల పనుల కారణంగా విద్యుత్, మంచినీటి సరఫరాలో ఇబ్బందులు లేకుండా చర్యలు తీసుకోవాలని ఆదేశించారు. సబ్ కలెక్టర్ ఉన్నారు.
HYD: మియాపూర్‌లో తెదేపా వ్యవస్థాపకులు ఎన్టీఆర్ వర్ధంతిని పురస్కరించుకొని శనివారం మియాపూర్‌లో రక్తదాన శిబిరం నిర్వహిస్తున్నట్లు ఎన్టీఆర్ అభిమానులు ఒక ప్రకటనలో తెలిపారు. నిజాంపేట వెళ్లే హైటెన్షన్ రోడ్‌లోని సోనీ గార్డె‌న్‌ఫంక్షన్ హాల్లో ఉదయం 9 గంటలకు రక్తదాన శిబిరం ప్రారంభం అవుతుందన్నారు. స్మారకోపన్యాసం, అనంతరం అన్నదాన కార్యక్రమం ఉంటుందన్నారు.
MDK: అటవీశాఖ మంత్రి కొండా సురేఖ శనివారం చేగుంట మండలంలో పర్యటించనున్నారని కాంగ్రెస్ పార్టీ మండల అధ్యక్షుడు వడ్ల నవీన్ కుమార్ తెలిపారు. ఉదయం 10 గంటలకు వడియారంలోని ఓ ఫంక్షన్ హాల్లో చేగుంట, నార్సింగి మండలాల లబ్దిదారులకు కల్యాణలక్ష్మి, షాదీముబా రక్ చెక్కులు పంపిణీ చేస్తారన్నారు. అనంతరం గొల్లపల్లిలో నిర్మించిన విద్యుత్తు ఉపకేంద్రాన్ని ప్రారంభిస్తారన్నారు.
MDK: నర్సాపూర్ జవహర్ విద్యాలయం(వర్గల్)లో 2025-26 విద్యాసంవత్సరం ప్రవేశాలకు శనివారం ప్రవేశపరీక్ష నిర్వహించనున్నట్లు క్లస్టర్ స్థాయి అధికారి డాక్టర్ రవి, బ్లాక్ అధికారి తారాసింగ్‌లో ఒక ప్రకటనలో తెలిపారు. బీయూపీ ఎస్ 216, విష్ణు ఉన్నత పాఠశాలలో 173 మంది పరీక్షలు రాయనున్నారు. నిర్ణీత సమయానికి పరీక్షకు హాజరు కావాలని సూచించారు.
SDPT: తొగుట మండలంలో శనివారం దుబ్బాక ఎమ్మెల్యే కొత్త ప్రభాకర్ రెడ్డి పర్యటించనున్నట్లు బీఆర్ఎస్ మండల పార్టీ అధ్యక్షులు జీడిపల్లి రాంరెడ్డి ఒక ప్రకటనలో తెలిపారు. మల్లన్న సాగర్ ప్రాజెక్టు నుంచి దుబ్బాక ప్రధాన కాలువకు నీటిని విడుదల చేస్తున్నట్లు పేర్కొన్నారు. మధ్యాహ్నం 2:45 గంటలకు ఎమ్మెల్యే నీటిని విడుదల చేస్తున్నట్లు తెలిపారు.
NLG: ప్రజా సంఘాలకు మద్దతుగా ఉండి ప్రతి ఒక్కరూ భాగస్వాములు కావాలని సీపీఎం జిల్లా కార్యదర్శి వర్గ సభ్యులు బండ శ్రీశైలం కోరారు. శుక్రవారం గట్టుప్పల్ మండల కేంద్రంలో ప్రజాసంఘాల సభ్యత్వం నమోదు కార్యక్రమంలో పాల్గొని ఆయన మాట్లాడారు. కేంద్ర ప్రభుత్వం తీసుకొచ్చిన రైతు వ్యతిరేక చట్టాలకు వ్యతిరేకంగా పోరాడాలని పిలుపునిచ్చారు.
NLG: సీపీఐ జిల్లా కార్యదర్శి నెల్లి కంటి సత్యం తల్లి నెల్లికంటి పార్వతమ్మ అనారోగ్యంతో ఇటీవల మరణించారు. శుక్రవారం మునుగోడులో ఆమె చిత్రపటానికి బీజేపీ రాష్ట్ర నాయకులు పిల్లి రామరాజు యాదవ్ పూలమాలలు సమర్పించి నివాళులు అర్పించారు. అనంతరం సత్యం కుటుంబాన్ని పరామర్శించారు. ఈ కార్యక్రమంలో మాజీ సర్పంచ్ సురిగి చలపతి, పందుల యాదయ్య తదితరులు పాల్గొన్నారు.
NLG: ప్రభుత్వం సంక్షేమ పథకాలకు అర్హులను గుర్తించాలని రాష్ట్ర మహిళా శిశు సంక్షేమ శాఖ కార్యదర్శి అనిత రామచంద్రన్ ఆదేశించారు. శుక్రవారం కనగల్‌లో కొత్త రేషన్ కార్డుల మంజూరి కోసం అధికారులు చేపట్టిన సర్వేను పరిశీలించారు. రైతు భరోసాపై కలెక్టర్ ఇలా త్రిపాఠితో సమీక్ష సమావేశం నిర్వహించారు. ఈ కార్యక్రమంలో తహసీల్దార్ బి. పద్మ తదితరులు పాల్గొన్నారు.
HYD: తుర్కయంజాల్ మున్సిపాలిటీ రాగన్నకూడా వద్ద బైక్ – కార్ ఢీకొట్టడంతో రోడ్డు ప్రమాదం జరిగింది. ఇబ్రహీంపట్నం నుంచి వేగంగా వచ్చిన బైకర్స్.. కారు ఢీ కొట్టడంతో అదుపుతప్పి కింద పడిపోయారు. బైక్‌పై ప్రయాణిస్తున్న ఇద్దరికీ స్వల్ప గాయాలయ్యాయి. కొద్దిసేపటి వరకు రోడ్డంతా ట్రాఫిక్‌తో నిండిపోయింది. గాయాలైన వారిని దగ్గరలో ఉన్న ఓ ప్రైవేట్ ఆసుపత్రికి తరలించారు.
HYD: JNTU అఫిలియేటెడ్ కళాశాలల్లో అసిస్టెంట్ ప్రొఫెసర్ల భర్తీకి సంబంధించి అఫిలియేటెడ్ ఆడిట్ సెల్ డైరెక్టర్ తారా కళ్యాణి ఆధ్వర్యంలో వర్సిటీలో ఫ్యాకల్టీలకు ఇంటర్వ్యూలో నిర్వహించారు.17వ తేదీ నుంచి 20 వరకు ఈ ఇంటర్వ్యూలు కొనసాగుతాయని వర్సిటీ ఇంఛార్జ్ వీసీ బాల క్రిష్టారెడ్డి తెలిపారు. రసాయన, ఆంగ్ల, గణిత శాస్త్ర విభాగానికి సంబంధించి అభ్యర్థులకు ఇంటర్వూలు నిర్వహించారు.
HYD: ఢిల్లీ అసెంబ్లీ ఎన్నికలపై BJP ఎంపీ DK అరుణ ఇంట్రెస్టింగ్ కామెంట్స్ చేశారు. ఎవరెన్ని కుట్రలు చేసినా.. ఢిల్లీ పీఠం తమదేనని, కాంగ్రెస్‌కు గుణపాఠం ఖాయమని ఎంపీ అన్నారు. ఢిల్లీలో పరిపాలన గాడి తప్పిందని, ప్రజల అవసరాలు తీర్చడం, నమ్మకాన్ని నిలబెట్టుకోవడంలో ఆప్ ఫెయిల్ అయ్యిందని, ఢిల్లీ ప్రజలు మార్పు కోరుకుంటున్నారన్నారు.
