AP: కిడ్నీ మార్పిడి పేరుతో మోసం చేసిన వ్యక్తిని విశాఖ పోలీసులు అరెస్ట్ చేశారు. ఇమంది జ్యోతి శివశ్రీ అనే వ్యక్తిని అదుపులోకి తీసుకున్నారు. ఇప్పటికే నిందితుడిపై వివిధ PSలో 33 కేసులు నమోదయ్యాయి. కిడ్నీ మార్పిడి పేరుతో మోసం చేశారని శ్రీకాకుళం వాసి ఫిర్యాదు చేశారని DCP మణికంఠ తెలిపారు. రూ.లక్ష ఇస్తే కిడ్నీ ఆపరేషన్ చేస్తామని.. డబ్బు అందిన వెంటనే ఫోన్ స్విచాఫ్ చేశారన్నారు.
PDPL: ముత్తారం మండలం అడవి శ్రీరాంపూర్ గ్రామంలో గురువారం రాత్రి ఐదు నెలల గర్భిణీ అంజలి (21) ఉరి వేసుకొని ఆత్మహత్య చేసుకుంది. 8 నెలల క్రితం వివాహమైన ఆమెను వరకట్నం పేరుతో భర్త, అత్తింటివారు వేధించారని కుటుంబ సభ్యులు ఆరోపించారు. వేధింపులు భరించలేక పుట్టింట్లో ఉంటున్న సమయంలో ఈ ఘటన జరిగింది. పోలీసులు ఘటనాస్థలానికి చేరుకొని కేసు నమోదు చేసి దర్యాప్తు చేపట్టారు.
MDCL: ఆల్విన్ కాలనీ డివిజన్ పరిధి సాయినగర్ వెస్ట్లో ఓ వ్యక్తిపై కత్తితో దాడి జరిగింది. రాజేశ్వరి వృద్ధాశ్రమం సమీపంలో నివసించే అరవింద్(39)పై అతని భార్య తమ్ముడు, మరో వ్యక్తి కలిసి దాడి చేసి పరారయ్యారు. కుటుంబ కలహాలే ఇందుకు కారణమని జగద్గిరిగుట్ట పోలీసులు తెలిపారు. గాయపడిన అరవింద్ను గాంధీ ఆస్పత్రికి తరలించి చికిత్స అందిస్తున్నారు. దీనిపై దర్యాప్తు కొనసాగుతోంది.
ఖమ్మం రూరల్ మండలం M.V పాలెం కోల్డ్ స్టోరేజ్ వద్ద శుక్రవారం రోడ్డు ప్రమాదం చోటుచేసుకుంది. స్థానికుల కథనం ప్రకారం.. రోడ్డుపై అతివేగంగా వెళ్తున్న ఒకరు అదుపుతప్పి రోడ్డు పక్కకు దూసుకెళ్లి బోల్తా పడింది. ఈ ప్రమాదంలో కారులో ప్రయాణిస్తున్న ఇద్దరికీ గాయాలయ్యాయి. క్షతగాత్రులను స్థానికులు చికిత్స నిమిత్తం ఆస్పత్రికి తరలించి పోలీసులకు సమాచారం ఇచ్చారు.
AP: తిరుపతి SV యూనివర్సిటీ అసోసియేట్ ప్రొఫెసర్ సర్దార్ నాయక్ అనుమానాస్పద స్థితిలో మృతి చెందారు. అలిపిరి రోడ్డులో నిలిపి ఉంచిన కారులో ఆయన మృతదేహాన్ని పోలీసులు గుర్తించారు. సర్దార్ నాయక్ మృతదేహం రెండు రోజులుగా కారులోనే ఉన్నట్లు సమాచారం. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
క్రిస్మస్ వేళ మెక్సికోలో ఘోర రోడ్డు ప్రమాదం జరిగింది. వెరక్రూజ్ రాష్ట్రంలోని జొంటోకొమట్లాన్పట్టణంలో బస్సు 600 అడుగుల లోతు లోయలో పడింది. ఈ ఘటనలో 10 మంది చనిపోగా.. మరో 32 మందికి గాయాలయ్యాయి. క్రిస్మస్ వేడుకల్లో పాల్గొనేందుకు స్వగ్రామాలకు వెళ్తున్న సమయంలో మలుపులతో కూడిన ఘాట్ రోడ్డులో ప్రయాణిస్తున్న బస్సు నియంత్రణ కోల్పోవడంతో ఈ ప్రమాదం జరిగింది.
AP: గుంటూరు జిల్లా నల్లపాడు సమీపంలో జరిగిన రోడ్డు ప్రమాదంలో ముగ్గురు అక్కడికక్కడే మృతిచెందారు. ఆగి ఉన్న కారును ప్రైవేట్ టావెల్స్ బస్సు ఢీకొట్టడంతో ఈ ప్రమాదం జరగ్గా.. మరో ముగ్గురు గాయపడ్డారు. ఘటనాస్థలికి చేరుకున్న పోలీసులు.. మరణించినవారిని తెలంగాణ సూర్యాపేట ప్రాంతవాసులుగా గుర్తించారు. గాయపడినవారిని ఆస్పత్రికి తరలించారు. కేసు నమోదు చేసి దర్యాప్తు చేపట్టారు.
TG: ఫోన్ ట్యాపింగ్ కేసులో సిట్ దర్యాప్తు ముమ్మరమైంది. డెక్కన్ కిచెన్ యజమాని నందకుమార్ను అధికారులు సుదీర్ఘంగా విచారించారు. గతంలో ఎమ్మెల్యేల కొనుగోలు కేసులో నిందితుడిగా ఉన్న ఆయన్ను.. రాధాకిషన్ రావు బెదిరింపులపై ఆరా తీశారు. తన దగ్గరున్న ఆధారాలన్నీ సిట్కు అందించానని నందకుమార్ తెలిపారు. అవసరమైతే మళ్లీ పిలుస్తామని అధికారులు చెప్పినట్లు ఆయన వెల్లడించారు.
TG: కరీంనగర్ జిల్లాలో దారుణం చోటుచేసుకుంది. శివరాంపల్లిలో కుమార్తెను తల్లిదండ్రులు హతమార్చారు. బాలిక అదే గ్రామానికి చెందిన ఓ యువకుడిని ప్రేమించడాన్ని ఆమె తల్లిదండ్రులు తట్టుకోలేకపోయారు. బలవంతంగా పురుగుల మందు తాగించి, గొంతునులిమి చంపేశారు. వారిని అరెస్టు చేసిన పోలీసులు రిమాండ్కు తరలించారు. వారే కుమార్తెను చంపి ఆత్మహత్య చేసుకున్నట్లు చిత్రీకరించారు.
RR: బెట్టింగ్ భూతానికి మరో యువకుడు బలయ్యాడు. మహేశ్వరం PS పరిధి దెబ్బడిగూడకు చెందిన విక్రమ్ డిగ్రీ చదువుతున్నాడు. ఇటీవల ఆన్లైన్ బెట్టింగ్ గేమ్లకు అలవాటై సుమారు రూ. లక్ష నష్టపోయాడు. దీంతో మనస్తాపానికి గురై పురుగుల మందు తాగాడు. గాంధీ హాస్పిటల్లో చికిత్స పొందుతూ ఇవాళ మృతి చెందాడు. మృతుడి అన్న ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
బంగ్లాదేశ్లో హిందూవులపై వరుస దాడులు కలకలం రేపుతున్నాయి. తాజాగా రాజ్బరి జిల్లాలో అమృత్ మండల్ (29) అనే యువకుడిని అల్లరిమూకలు దారుణంగా కొట్టి చంపాయి. దీపు చంద్ర దాస్ హత్య మరువక ముందే ఈ ఘటన జరగడం కలకలం రేపుతోంది. ఇస్లామిక్ మూకలు విచక్షణారహితంగా దాడులు చేస్తూ ప్రాణాలు తీస్తున్నాయి. వరుస హత్యలతో అక్కడి మైనారిటీలు(హిందూలు) బిక్కుబిక్కుమంటున్నారు.
ఫోన్ ట్యాపింగ్ కేసులో సిట్ విచారణ సీరియస్గా సాగుతోంది. నిందితుడు ప్రభాకర్ రావు కుమారుడు నిశాంత్ రావు ఆర్థిక లావాదేవీలపై అధికారులు ఆరా తీశారు. ఇవాళ్టితో ప్రభాకర్ రావు కస్టడీ ముగియడంతో ఆయన వాంగ్మూలం రికార్డ్ చేశారు. మరోవైపు ఎమ్మెల్యేల ఎర కేసు నిందితుడు నందకుమార్ను కూడా సిట్ విచారించింది. ట్యాపింగ్ వల్లే ఆ వ్యవహారం బయటపడటంతో.. ఆ లింకులపై కూపీ లాగుతున్నారు.
TG: హైదరాబాద్ సమీపంలోని సంగారెడ్డి(D) తెల్లాపూర్ పరిధిలోని జ్యోతిబాపూలే కాలనీలో దారుణం జరిగింది. ఓ వ్యక్తి తల్లి, కుమారుడిని అత్యంత కిరాతకంగా హత్య చేశాడు. ఈ ఘాతుకానికి పాల్పడిన అనంతరం నిందితుడు తన గొంతు తానే కోసుకున్నాడు. సమాచారం అందుకున్న కొల్లూరు పోలీసులు హుటాహుటిన ఘటనా స్థలానికి చేరుకుని వివరాలు సేకరించారు. ఈ జంట హత్యలతో స్థానికంగా తీవ్ర భయాందోళనలు నెలకొన్నాయి.
TG: ఫోన్ ట్యాపింగ్ వ్యవహారంలో మరో కీలక పరిణామం చోటుచేసుకుంది. డెక్కన్ కిచెన్ ఓనర్ నందకుమార్ విచారణకు హాజరయ్యారు. గతంలో ఎమ్మెల్యేల కొనుగోలు కేసులో అరెస్ట్ అయిన నందకుమార్ను.. ఇప్పుడు ఆ అంశంపైనే సిట్ (SIT) గట్టిగా ప్రశ్నిస్తోంది. ట్యాపింగ్ వ్యవహారంతో ఎమ్మెల్యేల ఎర కేసుకు ఉన్న లింకులపై అధికారులు ఆరా తీస్తున్నట్లు తెలుస్తోంది.
PDPL: మంథని పీఎస్ పరిధిలోని భట్టుపల్లి శివారు మైసమ్మ గుడి సమీపంలో రోడ్డు ప్రమాదంలో ఇద్దరు యువకులు మృతి చెందిన ఘటన చోటు చేసుకుంది. పోలీసుల కథనం ప్రకారం.. మంగలిపల్లి గ్రామానికి చెందిన పిడుగు రాజ్ కుమార్ (33), దామెరకుంట గ్రామానికి చెందిన రాంశెట్టి కిష్టయ్య (39) టీవీఎస్ జూపిటర్ స్కూటీపై మేడారం వెళ్లి, బుధవారం తిరిగి ఇంటికి వస్తుండగా ఈ ప్రమాదం జరిగింది.
