నాలుగు పదుల వయసులోనూ కుర్రాడిలా సూపర్ స్టార్ మహేశ్ బాబు (Mahesh Babu) కనిపిస్తాడు. మహేశ్ ను చూడాలంటే థియేటర్ (Theatre)లో పెద్ద స్క్రీన్ పైనే చూస్తే అభిమానులకు పండుగ. మ్యాన్లీ లుక్ లో అందంగా కనిపించే మహేశ్ బాబు ఏనాడూ షర్ట్ విప్పేసి (Shirtless) కనిపించలేదు. వన్ నేనెక్కడినే సినిమాలో బనీయన్ పై కనిపించాడు. ఆ సినిమా కోసం సిక్స్ ప్యాక్ (Six Pack) చేశాడు.. కానీ చొక్కా విప్పలేదు. ఈసారి తన కండలు చూపించబోతున్నట్టు కనిపిస్తోంది. మహేశ్ బాబు తొలిసారి సిక్స్ ప్యాక్ లుక్ లో కనిపించనున్నట్లు తెలుస్తున్నది. మాటల మాంత్రికుడు త్రివిక్రమ్ శ్రీనివాస్ (Trivikram Srinivas) సినిమాలో కండలవీరుడుగా మహేశ్ కనిపిస్తున్నట్లు సమాచారం. ఎందుకంటే గురువారం జిమ్ చేస్తున్న ఫొటోలను మహేశ్ బాబు షేర్ చేశాడు.
చదవండి: CPRతో దక్కిన మరో ప్రాణం.. శభాష్ కానిస్టేబుల్ కిరణ్
త్రివిక్రమ్ తో ఎస్ఎస్ఎమ్ బీ 28 (SSMB28) సినిమా చేస్తున్నాడు. వీరిద్దరి కాంబినేషన్ లో సినిమా అంటే అభిమానులతో పాటు ప్రేక్షకులకు పండుగే. తన సినిమాల్లో సిక్స్ ప్యాక్ ఉండేలా త్రివిక్రమ్ ప్లాన్ చేసుకుంటున్నాడు. అరవింద సమేతలో ఎన్టీఆర్ తో సిక్స్ ప్యాక్ లుక్ లో కనిపించేలా చేశాడు. దీంతోపాటు భారీ యాక్షన్స్ కూడా షర్ట్ లేకుండా త్రివిక్రమ్ చేయించాడు. ఇక మహేశ్ తోనూ అలాంటిదే త్రివిక్రమ్ చేయించనున్నాడని తెలుస్తున్నది. దీనికి బలం చేకూర్చేలా మహేశ్ బాబు జిమ్ (Gym)లో కసరత్తులు (Workouts) చేస్తున్న ఫొటోలను పంచుకున్నాడు. ఆర్మ్స్ డే (Arms Day కండల రోజు) అంటూ పోస్టు చేశాడు. మహేశ్ ప్రముఖ ఫిజియో థెరపిస్ట్ మినాశ్ గాబ్రియల్ (Minash Gabriel) నేతృత్వంలో ప్రత్యేకంగా వర్కౌట్లు చేస్తున్నాడు. ఈ ఫొటోలు సోషల్ మీడియాలో వైరల్ గా మారాయి. ఈ ఫొటోలను చూసి అభిమానులు పండుగ చేసుకుంటున్నారు. తమ అభిమాన హీరో క్రేజీ లుక్ లో కనిపించబోతున్నాడని సంబరపడుతున్నారు.
చదవండి: BRS Party మరో ఎమ్మెల్యే అభ్యర్థిని ప్రకటించిన కేసీఆర్
త్రివిక్రమ్ తీస్తున్న సినిమాలో మహేశ్ గతంలో ఎన్నడూ చూడని లుక్ లో కనిపించనున్నాడు. ఈ సినిమా హారిక అండ్ హాసిని క్రియేషన్స్ బ్యానర్ పై సూర్యదేవర రాధాకృష్ణ నిర్మాణంలో రూపుదిద్దుకుంటోంది. త్రివిక్రమ్ హీరోయిన్ల విషయంలో తన సంప్రదాయాన్ని కొనసాగిస్తున్నాడు. ఈ సినిమాలో కూడా ఇద్దరు హీరోయిన్లు పూజా హెగ్డే (Pooja Hegde), శ్రీలీల (Sree Leela) నటిస్తున్నారు. ప్రస్తుతం క్రేజీ హీరోయిన్ గా శ్రీలీల మారింది. మూడు సినిమాలకే సూపర్ స్టార్ తో నటించే అవకాశం శ్రీలీల కొట్టేసింది. మహేశ్, శ్రీలీల ఇద్దరు కలిసి నటిస్తే చూడముచ్చటగా ఉంటుందని అభిమానులు భావిస్తున్నారు. ప్రస్తుతం ఈ సినిమా హైదరాబాద్ (Hyderabad) శివారులో వేసిన ఓ సెట్ (Set)లో ఈ సినిమా చిత్రీకరణ (Shooting) జరుగుతోంది. చిత్రీకరణను శరవేగంగా పూర్తి చేసి ఆగస్టులో విడుదల చేయాలని చిత్రబృందం భావిస్తోంది.
చదవండి: YS జగన్ కు మళ్లీ షాకిచ్చిన మైలవరం ఎమ్మెల్యే..
View this post on Instagram
