సినీ పరిశ్రమ(Cine Industry)లో వరుస విషాదాలు చోటుచేసుకుంటున్నాయి. మొన్న సీనియర్ నటుడు శరత్ బాబు(Actor sarath Babu) మరణ వార్త మరువక ముందే తాజాగా ప్రముఖ బాలీవుడ్(Bollywood) నటుడు నితీష్ పాండే(Nitesh Pandey) గుండెపోటు(Heart Attack)తో మృతిచెందారు. ముంబైలోని ఇగత్‌పురిలో ఆయన మరణించినట్లు నిర్మాత సిద్ధార్థ్ తెలిపారు. ఆయన ఆకస్మిక మరణం పట్ల పలువురు బాలీవుడ్ సినీ ప్రముఖులు, ప్రేక్షకులు సోషల్ మీడియాలో సంతాపం తెలుపుతున్నారు.
చదవండి: Vaibhavi Upadhyaya : రోడ్డు ప్రమాదంలో నటి దుర్మరణం
ఉత్తరాఖండ్ లోని అల్మోరా కుమావోన్ లో నితీష్(Nitesh Pandey) జన్మించారు. జస్టజూ అనే టీవీ షోలో తనకు పరిచయమైన నటి అర్పితా పాండేని 2003లో పెళ్లి చేసుకున్నారు. పాతికేళ్ల నటనా జీవితంలో ఎన్నో సీరియల్స్‌, టీవీ షోలు, మువీల్లో నితీష్ నటించి మెప్పించారు. ‘ప్యార్ కా దర్ద్ హై మీఠా మీఠా ప్యారా ప్యారా’, ‘ఇండియావాలి మా’, ‘ఏక్ రిష్తా సాజెదారీ కా’ వంటి పలు టెలివిజన్‌ సిరీస్‌లు, ఏక్ ప్రేమ్ కహాని, సాయా, జస్టజూ, దుర్గేష్ నందిని వంటి ఎన్నో హిందీ సీరియల్స్‌(Hindi serials)లో ఆయన నటించి ప్రేక్షకులకు దగ్గరయ్యారు.
చదవండి: Unni Mukundan: వేధింపుల కేసులో స్టార్ హీరోకు షాక్
అలాగే ’ఓం శాంతి ఓం’,’దబాంగ్ 2′, ‘ఖోస్లా కా ఘోస్లా’, ‘మదారి’, ‘బదాయి దో’, ‘షాదీ కే సైడ్ ఎఫెక్ట్స్’ వంటి బాలీవుడ్ సినిమాల్లోనూ నితీస్ నటించారు. నితీష్ పాండే నటుడిగానే కాకుండా ప్రొడ్యూసర్ గా మారి పలు సినిమాలు నిర్మించారు. నితీష్(Nitesh Pandey) మరణవార్తతో బాలీవుడ్(Bollywood) సెలబ్రిటీలు సంతాపం వ్యక్తం చేస్తున్నారు.
