Second song from Pushpa 2 Release.. How is it?
Pushpa2TheRule: ఐకాన్ స్టార్ అల్లు అర్జున్, క్రియేటీవ్ డైరెక్టర్ సుకుమార్ కాంబినేషన్ అంటే కేవలం ఇండియన్ మూవీ లవర్స్ మాత్రమే కాకుండా గ్లోబల్‌ మూవీ లవర్స్ సైతం ఎంతో ఆత్రంగా ఎదురుచూస్తున్నారు. పుష్ప ది రైజ్ సినిమాకు సీక్వెల్‌గా వస్తున్న పుష్ప ది రూల్ సినిమాపై ఎన్ని అంచనాలు ఉన్నాయో చెప్పడానికి మాటలు సరిపోవు. ఆ చిత్రం నుంచి ఏ చిన్న అప్డేట్ వచ్చినా క్షణాల్లో వైరల్ అవుతుంది. తాజాగా ఈ చిత్రం నుంచి సెకండ్ సింగిల్ విడుదల చేశారు. ఫస్ట్ సింగిల్ హీరో క్యారెక్టర్ ఏంటో చెప్పే సాంగ్ పెద్ద హిట్ అయింది. అన్ని భాషాల్లో మిలియన్స్ వ్యూస్‌ను సొంతం చేసుకుంది. యూట్యూబ్ ఇప్పటికీ ట్రెండింగ్‌లో ఉంది. ఇక తాజాగా విడుదల చేసిన సూసేకి సాంగ్ ఎలా ఉందో చూద్దాం.
మ్యూజిక్ ప్రమోషనల్లో భాగంగా విడుదల చేసిన ఈ సాంగ్‌‌లో పుష్ప రాజ్ మరోకోణాన్ని చెప్పారు. బయట వాళ్లకు చాలా టఫ్‌గా కనిపించే పుష్పరాజ్ శ్రీవల్లి ఒల్లో సుతిమెత్తగా ఉంటాడు. బయట రౌద్రంగా ఉండే వాడు ఇంట్లో సరదాగా ఉంటాడు అనేలా పాటలో అద్భుతంగా చెప్పారు రచయిత చంద్రబోస్. ఈ పాటకు తగ్గట్టుగానే దేవిశ్రీ మ్యూజిక్ అద్భుతంగా చేశారు. డప్పుల సౌండ్‌తో వచ్చే ఆ బీట్ చాలా కొత్తగా ఉంది. వీటికి తోడు డ్యాన్స్ మాస్ట్ గణేష్ ఆచార్య స్టేప్స్ అదనపు ఆకర్షణ అని చెప్పవచ్చు. పాపులర్ సింగర్ శ్రేయా ఘోషల్ పాడిన ఈ పాట కచ్చితంగా పుష్ప ఆల్బమ్‌లో టాప్ సాంగ్ అవుతుంది. పాటలో అల్లు అర్జున్, రష్మిక మందన్నా ఇద్దరూ చాలా గ్రేస్‌గా కనిపించారు. ఈ పాట థియేటర్లో ఆడియెన్స్‌ను కచ్చితంగా కూర్చొబెడుతుంది.
చంద్రబోస్ రాసిన ఈ పాటను శ్రేయాఘోషల్ తెలుగు, తమిళం, కన్నడ, మలయాళం, హిందీ, బెంగాలీ భాషలన్నింటిలో ఆలపించారు. ఈ సాంగ్ సైతం మిలియన్ల వ్యూస్ రాబట్టడం ఖాయంగా కనిపిస్తుంది. మైత్రీ మూవీ బ్యానర్ పై తెరకెక్కుతున్న పుష్ప 2 ఆగ‌స్టు 15న ప్రపంచ‌వ్యాప్తంగా గ్రాండ్‌గా విడుదల కానుంది. ఈ చిత్రంలో ఫహద్‌ ఫాసిల్, జగదీష్‌ ప్రతాప్ బండారి, జగపతిబాబు, ప్రకాశ్‌ రాజ్, సునీల్‌, అనసూయ భరద్వాజ్‌, రావు రమేశ్‌, ధనంజయ, షణ్ముఖ్‌, అజయ్‌, శ్రీతేజ్‌ ఇతర కీలక పాత్రలు పోషిస్తున్నారు.
