Rajamouli: బాహుబలి, ఆర్ఆర్ఆర్‌ను మించి మహేష్‌తో ఈ సినిమా చేయబోతున్నాడు రాజమౌళి. ఇప్పటికే గ్లోబ్ ట్రాటింగ్ యాక్షన్ అడ్వెంచర్ మూవీ అని ప్రకటించాడు. రీసెంట్‌గా పవర్ ఫుల్ స్క్రిప్టు కూడా లాక్ చేశారు. ప్రస్తుతం ప్రీ ప్రొడక్షన్ వర్క్ జరుగుతోంది. ఎస్ఎస్ఎంబీ 29 కోసం హాలీవుడ్ టెక్నీషియన్స్‌ని సెట్ చేస్తున్నాడు రాజమౌళి. ఇండియన్ సినిమా హిస్టరీలోనే ఫస్ట్ వెయ్యి కోట్ల ప్రాజెక్ట్‌గా ఎస్ఎస్ఎంబీ 29 నిలవబోతోంది. ఈ క్రమంలో ఈ ప్రాజెక్ట్ గురించి ఏదో ఒక అప్టేట్ వినిపిస్తునే ఉంది. ఇప్పటికే ఎస్ఎస్ఎంబీ 29లో ఇండోనేషియన్ హీరోయిన్ చెల్సియా ఇస్లాన్‌ దాదాపుగా ఫైనల్ అయిందనే టాక్ నడుస్తోంది.
ఇది కూడా చూడండి: Tripti Dimri: బన్నీతో త్రిప్తికి ఛాన్స్.. మళ్లీ రష్మికకే ఇబ్బంది?
ఆమె ఇన్స్టాగ్రామ్‌లో రాజమౌళిని ఫాలో అవుతుండడంతో.. మహేష్ బాబు హీరోయిన్ ఫిక్స్ అయిందనే అంతా ఫిక్స్ అయ్యారు. కానీ ఇప్పుడు రాజమౌళి కేవలం హీరో మాత్రమే ఫిక్స్ అయ్యాడని చెప్పుకొచ్చాడు. ఆర్ఆర్ఆర్ మూవీ ఎంత పెద్ద బ్లాక్ బస్టర్ అయిందో అందరికీ తెలిసిందే. జపాన్‌లో కూడా ఈ సినిమాను రిలీజ్ చేయగా అదిరిపోయే రెస్పాన్స్ వచ్చింది. అయితే.. రెండేళ్ల తర్వాత ఈ సినిమాను జపాన్‌లో ప్రీమియర్ షోలు వేయగా హౌస్ ఫుల్ అయ్యాయి. ఈ సందర్భంగా స్పెషల్ ప్రీమియర్స్‌కు రాజమౌళి కూడా హాజరయ్యారు. జపాన్ అభిమానుల అభిమానానికి ఫిదా అయ్యాడు జక్కన్న.
ఇది కూడా చూడండి: Prasanth Varma: ‘జై హనుమాన్’ కంటే ముందు మరో సినిమా?
ఈ సందర్భంగా.. మహేష్ సినిమా అప్డేట్ ఇచ్చారు. ఎస్ఎస్ఎంబీ 29 స్క్రిప్ట్ వర్క్ పూర్తయింది.. ప్రీ ప్రొడక్షన్ వర్క్ జరుగుతోంది. ఈ సినిమాలో హీరో మాత్రమే ఫిక్స్ అయ్యాడు. అతని పేరు మహేష్ బాబు. హీరో చాలా అందంగా ఉంటాడు. సినిమాని స్పీడ్‌గా పూర్తి చేస్తాను. విడుదల సమయంలో మహేష్ బాబును ఇక్కడికి తీసుకువస్తాను.. అని జపాన్ అభిమానులతో అన్నాడు. అలాగే.. ఖచ్చితంగా ఆర్ఆర్ఆర్ సినిమాకు సీక్వెల్ ఉంటుందని చెప్పాడు జక్కన్న. మరి ట్రిపుల్ ఆర్ సీక్వెల్ ఎప్పుడుంటుందో చూడాలి.
