చీరాల మాజీ ఎమ్మెల్యే ఆమంచి కృష్ణ మోహన్ సోదరుడు ఆమంచి శ్రీనివాసరావు…. జనసేనలో చేరబోతున్నారా..? అవుననే ప్రచారమే జరుగుతోంది. ప్రస్తుతం ఆంధ్రప్రదేశ్ రాజకీయాల్లో ఇదే హాట్ టాపిక్ గా మారింది. ఈ ప్రచారం ఊపందుకోవడానికి కారణం కూడా లేకపోలేదు. జనసేన పార్టీ ఫ్లెక్సీల్లో ఆయన ఫోటో కనిపించడమే దీనికి కారణం కావడం గమనార్హం.
ఇంతకీ అసలు మ్యాటరేంటంటే…. జనసేన సభ్యత్వ నమోదు కార్యక్రమాన్ని జయప్రదం చేయాలని కోరుతూ బాపట్ల జిల్లా వేటపాలెం మండలం పందిళ్లపల్లిలో అభిమానులు ఓ ఫ్లెక్సీ ఏర్పాటు చేశారు.
ఆ ఫ్లెక్సీపై జనసేనాని పవన్ కల్యాణ్ తో పాటు.. ఆమంచి సోదరుడు శ్రీనివాసరావు ఫొటోను ముద్రించారు. ఈ ఫ్లెక్సీ రాజకీయాల్లో చర్చకు దారితీసింది. ఆమంచి సోదరుడు త్వరలోనే జనసేన తీర్థం పుచ్చుకోబోతున్నారంటూ చర్చ మొదలైంది. కాగా, ఆమంచి కృష్ణ మోహన్ ఇటీవల పర్చూరు నియోజకవర్గ వైసీపీ బాధ్యుడిగా బాధ్యతలు స్వీకరించారు
