సత్యసాయి: ముదిగుబ్బ మండలంలోని మంగళమడక, ఎన్పీ కుంట గ్రామాల్లో గురువారం ఉదయం పోలీసులు కార్డాన్ సెర్చ్ నిర్వహించారు. మత్తు పదార్థాల నిర్మూలనే ధ్యేయంగా డ్రోన్ కెమెరాల సాయంతో నిఘా ఉంచి సోదాలు చేపట్టారు. సరైన పత్రాలు లేని ద్విచక్ర వాహనాలు, ఆటోలను సీజ్ చేశారు. నిబంధనలు అతిక్రమిస్తే కఠిన చర్యలు తప్పవని సీఐలు సునీత, శివరాముడు స్పష్టం చేశారు.
కడప: జిల్లా, పులివెందుల మండలం సింహాద్రిపురం గ్రామపంచాయతీలో వారపు సంత మార్కెట్ వేలం మార్చి 31వ తేదీన నిర్వహించనున్నట్లు పంచాయతీ కార్యదర్శి యం. సురేష్ బాబు తెలిపారు. వేలంలో పాల్గొనేవారు రూ. 2,50,000.00 డీడీ డిపాజిట్ చేయాలి. వేలం ముగిసిన వెంటనే, డీడీ పోను మిగిలిన మొత్తాన్ని చెల్లించి మార్కెట్ రుసుము చేసుకోవాలి.
VZM: జిల్లా కలెక్టర్ రాంసుందర్ రెడ్డి బుధవారం నెల్లిమర్ల MLA లోకం నాగమాధవిపై ప్రశంసల వర్షం కురిపించారు. రామతీర్థంలో గిరిప్రదక్షిణ రోడ్డు ప్రారంభ కార్యక్రమంలో పాల్గొన్న ఆయన రోడ్డు అంశంలో MLA పాత్ర చాల కీలకమన్నారు. ఆమె కృషి కారణంగా రహదారి పూర్తి అయినట్లు తెలిపారు. రహదారి పూర్తిపై ప్రతి రోజూ వచ్చి తనని కలిసే వారని గుర్తు చేశారు.
ASR: అభా యాప్ వినియోగంపై ప్రజలకు అవగాహన కల్పించాలని కలెక్టర్ దినేష్ కుమార్ అధికారులను ఆదేశించారు. ఆసుపత్రికి వచ్చే రోగులు ఓపీ నమోదు కోసం గంటల తరబడి వేచి ఉండకుండా ‘అభా యాప్’ ద్వారా డిజిటల్గా నమోదు చేసుకునేలా అవగాహన కల్పించాలన్నారు. దీనివల్ల సమయం ఆదా అవుతుందన్నారు. రోగుల ఆరోగ్య రికార్డులు భద్రంగా ఉంటాయన్నారు. బుధవారం పాడేరు సర్వజన ఆసుపత్రిని కలెక్టర్ సందర్శించారు.
కర్నూల్: జిల్లాలో కూటమి ప్రభుత్వం వృద్ధులు, దివ్యాంగులకు ఊరట కలిగించే కీలక నిర్ణయాలు తీసుకుంది. ‘మన మిత్ర’ వాట్సాప్ నంబర్ 95523 00009 ద్వారా సీనియర్ సిటిజన్ కార్డులను ఉచితంగా అందిస్తున్నట్టు మంత్రి డోలా వీరాంజనేయస్వామి ఇవాళ తెలిపారు. దీంతో వృద్ధులు కార్యాలయాల చుట్టూ తిరగాల్సిన అవసరం ఉండదు. ఈ కార్డులతో ఆర్టీసీ బస్సులు, ఆస్పత్రుల్లో రాయితీలు పొందవచ్చు.
NDL: డోన్ మండలం కొచ్చేరువులో బుధవారం కోట్ల జయ సూర్య ప్రకాష్ రెడ్డి పర్యటించి ఉల్లి రైతుల సమస్యలను తెలుసుకున్నారు. పంటకు వచ్చిన ఖర్చులు, దిగుబడి, రవాణా వ్యయం, మార్కెట్ ధరల గురించి రైతులను అడిగి వివరాలు సేకరించారు. రైతులకు న్యాయమైన ధర అందేలా ప్రభుత్వ దృష్టికి సమస్యలను తీసుకెళ్తానని తెలిపారు. దళారులను నమ్మకుండా జాగ్రత్తగా వ్యవహరించాలని రైతులకు సూచించారు.
నెల్లూరు 10వ డివిజన్, ఉస్మాన్ సాహెబ్ పేటలోని శ్రీ కోదండరామ స్వామి ఆలయ బ్రహ్మోత్సవాల ఆహ్వాన పత్రికను టీడీపీ నేత వేమిరెడ్డి విజయభాస్కర్ రెడ్డి ఆవిష్కరించారు. ఈ ఉత్సవాలు మార్చి 28 నుంచి ఏప్రిల్ 7 వరకు వైభవంగా జరగనున్నాయి. ఇందులో భాగంగా ఏప్రిల్ 3న స్వామివారి కళ్యాణం, ఏప్రిల్ 4న రథోత్సవం ప్రధాన ఘట్టాలుగా నిర్వహించనున్నారు.
KDP: ఒంటిమిట్ట కోదండ రామాలయం బ్రహ్మోత్సవాల్లో భాగంగా ఈ నెల 27న పోతన జయంతి నిర్వహిస్తున్నట్లు తితిదే హిందూ ధర్మన్ ప్రచార పరిషత్ కార్యదర్శి ఎస్.రఘునాథ్ తెలిపారు. భాగ ఈ వతం – ప్రాశస్త్యం, గజేంద్ర మోక్షం, వామన చరిత్ర, అజా అజామిళోపాఖ్యానం, రంతి దేవుని కథ, ప్రహ్లాద చరిత్రపై కవి సమ్మేళనం నిర్వహిస్తామన్నారు. సాహితీవేత్తల ధార్మిక ఉపన్యాసం ఉంటుందని వివరించారు.
TPT: గరుడ వారిధిపై ప్రయాణించే ద్విచక్ర వాహన చోదకులు తప్పనిసరిగా హెల్మెట్ ధరించాలని జిల్లా రోడ్డు భద్రత కమిటీ సమావేశంలో నిర్ణయించారు. నిన్న తిరుపతి కలెక్టరేట్లో కలెక్టర్ డాక్టర్ ఎస్ వెంకటేశ్వర్, ఎస్పీ సుబ్బరాయుడు, ఏఎస్పీ రవిమనోహర్ చారి, ఆర్టీవో మురళీమోహన్ అధికారుల బృందం గరుడ వారధిపై జరుగుతున్న వరుస ప్రమాదాలపై సుదీర్ఘంగా చర్చించి ఈ నిర్ణయం తీసుకున్నారు.
KRNL: స్టీల్ ప్లాంట్లో ఎలాంటి ప్రమాదం జరగలేదని ప్లాంట్ మేనేజర్ శ్రీనివాసులు తెలిపారు. మిషన్ షట్డౌన్ ప్రక్రియలో ఫీడర్ వాల్వ్ తెరవడంతో పొగ బయటకు వచ్చినట్లు వివరించారు. పొగ ఎక్కువగా కనిపించడంతో సిబ్బంది అప్రమత్తమయ్యారని పేర్కొన్నారు. ఇది సాధారణ సాంకేతిక ప్రక్రియలో భాగమేనని, అగ్ని ప్రమాదం లేదా పేలుడు జరగలేదన్నారు. ఈ ఘటనలో ఎవరికి గాయాలు కాలేదని వెల్లడించారు.
CTR: జిల్లాలో ఖాళీగా ఉన్న అంగన్వాడీ హెల్పర్ల పోస్టుల భర్తీకి బుధవారం ఆర్డీవో కార్యాలయంలో ఇంటర్వ్యూలు జరిగాయి. 187 హెల్పర్ పోస్టులకు 261 మంది దరఖాస్తు చేసుకున్నారు. ఐరాల, గంగాధరనెల్లూరు సీడీపీవో ప్రాజెక్టు పరిధిలోని పోస్టుల భర్తీకి ఇంటర్వ్యూలను ఈ నెల 28కు వాయిదా వేసినట్లు అధికారులు తెలిపారు. అభ్యర్థులు గమనించాలన్నారు.
విశాఖకు చెందిన యూ. చిట్టిబాబు న్యాయ విభాగంలో డాక్టరేట్ అందుకున్నారు. ఆంధ్రా యూనివర్సిటీ స్నాతకోత్సవంలో భాగంగా బుధవారం వీసీ ఆచార్య జీపీ రాజశేఖర్ చేతుల మీదుగా ఆయన పట్టా స్వీకరించారు. ‘లేబర్ కోడ్-2020’ అంశంపై ఆచార్య డి. సూర్య ప్రకాశరావు పర్యవేక్షణలో చేసిన పరిశోధనకు గానూ ఈ పీహెచ్డీ లభించిందన్నారు. ఈ సందర్భంగా ఆయనకు పలువురు అభినందించారు.
VZM: కొత్తవలస వారపు సంత 2026-27కు సంబంధించి ఈనెల 30 ఉదయం 11 గంటలకు మండల ప్రజా పరిషత్ కార్యాలయ ఆవరణలో బహిరంగ వేలం నిర్వహిస్తున్నట్లు మండల ప్రజా పరిషత్ అభివృద్ధి అధికారి ఎస్.రమణయ్య బుధవారం ఓ ప్రకటనలో తెలిపారు. ఔత్సాహికులు గమనించి, వేలం పాటలో పాల్గొనాలని ఆయన కోరారు. పూర్తి వివరాలకు కార్యాలయ పనివేళ్లలో సంబంధిత అధికారులను సంప్రదించాలన్నారు.
SKLM: పాతపట్నంలో కొలువైన శ్రీ నీలమణి దుర్గ అమ్మవారి ఆలయ హుండీ లెక్కింపు ఇవాళ నిర్వహిస్తున్నట్లు ఆలయ ఈవో వాసుదేవరావు బుధవారం ఓ ప్రకటనలో తెలిపారు. ఆలయ ఛైర్మన్ సన్యాసిరావు, దేవాదాయ, రెవెన్యూ ఉద్యోగుల సమక్షంలో హుండీ లెక్కింపు జరుగుతుందన్నారు. ఆసక్తిగల భక్తులు పాల్గొనాలని కోరారు.
PPM: సీతానగరం మండల కేంద్రంలో 250 ఏళ్ల చారిత్రక గల పురాతన శ్రీ వేణుగోపాల స్వామి, శ్రీ లక్ష్మీనరసింహస్వామి ఆలయ బ్రహ్మోత్సవాలు ఈ నెల 31 నుంచి వచ్చే నెల 9 వరకు జరుగనున్నాయి. ఈ ఉత్సవాలకు హాజరు కావాలంటూ స్దానిక MLA బోనెల విజయ్ చంద్రను బుధవారం ఆలయ కమిటీ సభ్యులు ఆహ్వానించారు. ఈ కార్యక్రమంలో తదితరులు పాల్గొన్నారు.
