GNTR: వేసవి కాలం వచ్చీ రాగానే అధిక ఉష్ణోగ్రతలు నమోదవుతుండటంతో జనం ఉక్కబోతతో ఉక్కిరి బిక్కిరి అవుతున్నారు. ఈ క్రమంలో తెనాలిలో ఉదయం నుండే ఎండ తీవ్రత అధికంగా ఉంటూ మధ్యాహ్నానికి తారా స్థాయికి చేరి వీధులన్నీ నిప్పుల కుంపట్లను తలపిస్తున్నాయి. వివిధ పనుల నిమిత్తం బయటకు వచ్చిన ప్రజలు ఎండ వేడి తట్టుకోలేక ఇళ్లకు పరుగులు పెడుతున్నారు. దీంతో రోడ్లన్నీ నిర్మానుష్యంగా మారాయి.
