తమిళంలో మాస్ యాక్షన్ సినిమాలతో భారీ హిట్లను అందుకున్న అట్లీ కుమార్, షారుక్ ఖాన్ (Shahrukh Khan) హీరోగా ‘జవాన్’ సినిమాను రూపొందించాడు. షారుక్ ఖాన్ సొంత బ్యానర్లో నిర్మితమైన పాన్ ఇండియా సినిమా ఇది. ఆయన ద్విపాత్రాభినయం చేసిన ఈ సినిమాలో, నయనతార ఒక కీలకమైన పాత్రను పోషించింది. అట్లీ దర్శకత్వంలో షారుఖ్ ఖాన్ హీరోగా నటిస్తున్న ‘జవాన్’ సినిమా (Jawaan’ movie) నుంచి నయనతార లుక్‌ను మూవీ టీం తాజాగా రిలీజ్ చేసింది.
చదవండి : మరోరికార్డ్ క్రియేట్ చేసిన స్టాక్ మార్కెట్స్..19700 పాయింట్లతో ఆల్‌టైమ్ గరిష్ఠానికి నిఫ్టీ
నయనతార (Nayanthara) చేతిలో గన్ పట్టుకుని, కూల్ గ్లాసెస్ పెట్టుకుని ఉన్న పోస్టర్ ఆకట్టుకుంటోంది. రెడ్ చిల్లీస్ ఎంటర్‌టైన్‌మెంట్ బ్యానర్‌పై గౌరీ ఖాన్ (Gauri Khan) నిర్మిస్తున్న ఈ మూవీ సెప్టెంబర్ 7న థియేటర్లలో విడుదల కానుంది. అనిరుధ్ సంగీతం అందిస్తున్న ఈ మూవీ హిందీతో పాటు తెలుగు, తమిల్లో రిలీజ్ కానుంది. ఈ సినిమాలో నయన్ భారీ యాక్షన్ సీక్వెన్స్ లో పాల్గొందనే విషయం అర్థమైపోతూనే ఉంది. 20 ఏళ్ల కెరియర్లో నయన్ నేరుగా చేసిన బాలీవుడ్ (Bollywood) సినిమా ఇది.
చదవండి : JD Chakravarthi: ఓటీటీల ‘దయా’ అంటున్న జేడీ!
