సమయం దొరికినప్పుడల్లా తన ఫ్యామిలీతో వెకేషన్‌కి వెళ్లే మహేష్ బాబు(Mahesh babu).. ప్రస్తుతం లండన్ వీధుల్లో చక్కర్లు కొడుతున్నాడు. కొడుకు గౌతమ్‌ని లండన్లో డ్రాప్ చేయడానికి వెళ్లిన మహేష్.. ఇంకా అక్కడే ఉన్నాడు. పైగా SSMB28 సెకండ్ షెడ్యూల్ మొదలు కావడానికి ఇంకొంత సమయం ఉండడంతో.. ఈ వెకేషన్‌ ఎంజాయ్ చేస్తున్నాడు మహేష్. లండన్లో గౌతమ్, సితారలతో కలిసి దిగిన పిక్స్.. ఇప్పుడు సోషల్ మీడియాలో వైరల్ అవుతున్నాయి.
ఇక మహేష్ బాబు(Mahesh babu) ఫౌండేషన్ ద్వారా అనేకమంది చిన్నారులకు గుండె శస్త్రచికిత్సలు చేయించిన మహేష్.. రీసెంట్‌గా తాను దత్తత తీసుకున్న బుర్రిపాలెం స్కూల్‌లో డిజిటల్ లెర్నింగ్ క్లాస్‌లు ప్రారంభించాడు. ఇందుకు సంబంధించిన ఫోటోలు కూడా నెట్టింట వైరల్ అవుతున్నాయి. ఇక ఇప్పుడు ట్విట్టర్లో అరుదైన రికార్డ్ అందుకున్నాడు మహేష్. మామూలుగానే సూపర్ స్టార్ ఫ్యాన్ ఫాలోయింగ్ నెక్ట్స్ లెవల్లో ఉంటుంది. అందుకే సౌత్ ఇండియాలోనే అత్యధికంగా ఫాలోయింగ్ ఉన్న హీరోగా నిలిచాడు మహేష్.
తాజాగా ట్విట్టర్లో 13 మిలియన్ ఫాలోవర్స్ సొంతం చేసుకున్నాడు మహేష్. దీంతో దక్షిణాది హీరోల్లో సోషల్ మీడియాలో ఇంత మంది ఫాలోవర్స్ ఉన్న మొదటి హీరోగా రికార్డు క్రియేట్ చేసాడు. ఈ విషయంలో ఫుల్ ఖుషీ అవుతున్నారు మహేష్ ఫ్యాన్స్. ఇకపోతే.. ప్రస్తుతం త్రివిక్రమ్ దర్శకత్వంలో నటిస్తున్న మహేష్.. ఆ తర్వాత రాజమౌళితో భారీ ప్రాజెక్ట్ చేయనున్నాడు. వచ్చే ఏడాది ఏప్రిల్ 28న SSMB28 రిలీజ్ అవనుంది.. ఆ తర్వాత SSMB 29 సెట్స్ పైకి వెళ్లనుంది. ఈ సినిమాలతో మహేష్ ఫ్యాన్ ఫాలోయింగ్ మరింతగా పెరుగుతుందనడంలో ఎలాంటి సందేహం లేదు.
ఇది కూడా చూడండి: పూరి జగన్నాథ్‌(puri jagannath)ని బ్యాన్ చేస్తున్నారా!?
