Kamal Haasan is an Indian 2.. Makers who reduced the run time
Indian 2: కమల్ హాసన్ చిత్రాలకు తమిళ్‌లోనే కాదు తెలుగు ప్రేక్షకులు సైతం ఆదరిస్తారు. ఇక కమల్, శంకర్ కాంబినేషన్‌ గురించి ప్రేక్షకులు ఎప్పటి నుంచో ఎదురు చూస్తున్నారు. ఈ సమయంలో వారిద్ది కలయికలో వచ్చిన భారతీయుడు సినిమాకు సీక్వెల్‌గా సినిమా రాబోతుంది అని ప్రకటించిన నాటి నుంచి ప్రేక్షకుల్లో విపరీతమైన అంచనాలు ఏర్పడ్డాయి. అలా ప్రేక్షకుల అంచనాల మధ్య జూలై 12 న సినిమా విడుదల అయింది. కానీ ఆశించిన ఫలితం రాలేదు. సినిమా టేకింగ్ పరంగా, మేకింగ్ పరంగా చాలా రిచ్‌గా ఉంది కానీ రన్ టైమ్ విషయంలో ఎక్కువ నెగిటీవ్ ఫీడ్ బ్యాక్ వస్తుంది. దీంతో చిత్ర యూనిట్ కీలక నిర్ణయం తీసుకుంది. దాదాపు 3 గంటలు ఉన్న ఈ చిత్రంలోని 20 నిమిషాలను ట్రిమ్ చేశారు.
చదవండి:You Tube Channels: ఐదు యూట్యూబ్ ఛానెల్స్ రద్దు చేసిన మా
భారతీయుడు 2 రెండు గంటల 40 నిమిషాల నిడివితో థియేటర్లో అందుబాటులో ఉంది. ఈ శనివారం సాయంత్రం నుంచే ప్రేక్షకులకు ఈ రన్ టైమ్ అందించారు. ముఖ్యంగా సినిమాలో సేనాపతి క్యారెక్టరైజేషన్, గెటప్స్ చాలా బాగున్నాయని ప్రేక్షకులు అంటున్నారు. కొన్ని సీన్లు కాస్త బోర్ కొట్టించేలా ఉన్నాయన్నారు. ఇక సినిమా కలెక్షన్ల పరంగా కూడా కాస్త నెమ్మదిగా సాగుతోంది. తమిళ్‌నాడులో కన్నా తెలుగులో టికెట్ ప్రైజ్ ఎక్కువగా ఉండడంతో ప్రేక్షకులు కొంత అనాసక్తిగా ఉన్నారని ట్రేడ్ పండితులు అభిప్రాయం వ్యక్తం చేస్తున్నారు. లైకా ప్రొడక్షన్‌ రూపొందించిన ఈ చిత్రంలో కమల్‌హాసన్‌, సిద్ధార్థ్‌, రకుల్‌ప్రీత్‌సింగ్‌, ప్రియా భవానీ శంకర్, నెడుముడి వేణు, బాబీ సింహ, సముద్రఖని, వివేక్‌, కాళిదాస్‌ జయరాం లాంటి భారీ తరాగణం పనిచేశారు. ఈ మూవీకి అనిరుధ్‌ రవిచంద్రన్ సంగీతం అందించాడు.
చదవండి:Abhishek Bachchan-Aishwarya Rai: అభిషేక్ బచ్చన్, ఐశ్వర్య రాయ్ విడాకులు? ఇదే క్లారిటీ
