దర్శకుడు తరుణ్ భాస్కర్ #ENE2పై ఆసక్తికర అప్డేట్ ఇచ్చాడు. ఇప్పటికే ఫస్ట్ హాఫ్ షూట్ పూర్తయిందని, తదుపరి షెడ్యూల్ కోసం థాయ్లాండ్ వెళ్తున్నామని తెలిపాడు. నటుల మార్పుపై స్పందిస్తూ.. థియేటర్లోకి వచ్చిన 5 నిమిషాల్లో పాత సినిమాను మర్చిపోకపోతే అది తన తప్పేనని, అప్పుడు తన అడ్రస్ ఇస్తానంటూ నవ్వుతూ సవాల్ విసిరాడు. రఫ్ కట్ చూశాక పూర్తి నమ్మకం కలిగిందని వెల్లడించాడు.
హీరో అడివి శేష్ సినిమాల్లోని తన పాత్రల పేర్లు(రిషి, విక్రమ్ వాసుదేవ్, గోపి, హరిదాస్) అన్నీ విష్ణుమూర్తికి సంబంధించినవే ఉండటంపై ఆయన క్లారిటీ ఇచ్చాడు. తాను సత్యనారాయణ స్వామి భక్తుడినని, అందుకే ఆ పేర్లంటే ఇష్టమని తెలిపాడు. తన సోదరి శివ భక్తురాలైనప్పటికీ, ఆమెకు పుట్టిన బాబుకు తానే ‘కేశవ’ అని నామకరణం చేసినట్లు శేష్ ఆసక్తికర విషయాలు పంచుకున్నాడు.
‘జన నాయగన్’ మూవీ లీక్ నేపథ్యంలో ‘సదరన్ ఇండియా ఫిల్మ్ ఎడిటర్స్ అసోసియేషన్’ (SIFEA) కీలక నిర్ణయం తీసుకుంది. ఈ మూవీ ఎడిటర్ ప్రదీప్ ఇ. రాఘవ్ను సస్పెండ్ చేసింది. ఓ ఫ్రీలాన్స్ ఎడిటర్ ఎడిటింగ్ రూమ్లోకి వెళ్లి, ఫుటేజీని చోరీ చేసినట్లు సైబర్ క్రైమ్ విభాగం వెల్లడించింది. ప్రదీప్ నిర్లక్ష్యంతోనే ఈ ఘటన జరిగిందని పేర్కొంటూ SIFEA ఈ చర్యలు చేపట్టింది.
1994లో ఐశ్వర్యరాయ్ మిస్ ఇండియా విజేతగా నిలిచినప్పుడు ఆమెను చూసి తాను కూడా మోడలింగ్ వైపు వెళ్లాలని నిర్ణయించుకున్నట్లు రకుల్ తాజాగా ప్రీత్ వెల్లడించింది. అయితే తల్లిదండ్రులు 18 ఏళ్లు నిండాకే అటువైపు వెళ్లాలని, అప్పటివరకు చదువుకోవాలని సూచించారట. వారి మాట ప్రకారం ఢిల్లీలో కాలేజీలో చదువుతూనే 18 ఏళ్లు రాగానే మోడలింగ్ను ఎంచుకున్నానని పేర్కొంది.
‘ది కేరళ స్టోరీ’కి సీక్వెల్గా వచ్చిన ‘ది కేరళ స్టోరీ 2’ బాక్సాఫీస్ వద్ద ఆశించిన స్థాయిలో మెప్పించలేకపోయింది. కామాఖ్యా నారాయణ్ సింగ్ దర్శకత్వం వహించిన ఈ చిత్రం మే 8 నుంచి జీ 5లో స్ట్రీమింగ్ కానుంది. లవ్ జిహాద్ నేపథ్యంలో అదితి భార్య, ఉల్కా గుప్తా ప్రధాన పాత్రల్లో నటించిన ఈ సినిమా హిందీతో పాటు తెలుగులోనూ అందుబాటులోకి రానుంది.
నటి సమీరా రెడ్డి సుమారు 15 ఏళ్ల విరామం తర్వాత వెండితెరపైకి రీ-ఎంట్రీ ఇస్తుంది. సంజయ్ దత్ ప్రధాన పాత్రలో వస్తున్న ‘ఆఖ్రీ సవాల్’ చిత్రంలో ఆమె ఒక పవర్ ఫుల్ పాత్రలో నటిస్తుంది. అభిజీత్ మోహన్ వారంగ్ దర్శకత్వం వహిస్తున్న ఈ మూవీతో సెకండ్ ఇన్నింగ్స్ ప్రారంభిస్తున్న సమీరా.. ఇకపై కేవలం గ్లామర్ పాత్రలకే పరిమితం కాకుండా, నటనకు ప్రాధాన్యత ఉన్న పాత్రలే చేస్తానని పేర్కొంది.
నటి రకుల్ ప్రీత్ సింగ్ ఆసక్తికర వ్యాఖ్యలు చేసింది. 10 ఏళ్ల వయసు నుండే గోల్ఫ్ ఆడటం మొదలుపెట్టి, జూనియర్ నేషనల్ లెవల్లోనూ రాణించానని తెలిపింది. అయితే, ఎండ వల్ల శరీర రంగు మారుతుందనే కారణంతో, మోడలింగ్, సినిమాలపై మక్కువతో గోల్ఫ్ను వదిలేసినట్లు చెప్పింది. ప్రొఫెషనల్గా కాకపోయినా, ఇప్పటికీ అప్పుడప్పుడూ గోల్ఫ్ ఆడుతూనే ఉంటానని పేర్కొంది.
షారుఖ్ ఖాన్, సిద్ధార్థ్ ఆనంద్ల ‘కింగ్’ చిత్రంలో దీపికా పదుకొనె నటిస్తోంది. గర్భవతి అయినప్పటికీ, ఆమె భారీ యాక్షన్ సీన్స్లో పాల్గొంటున్నట్లు సమాచారం. ఏప్రిల్ 21, 22 తేదీల్లో ప్రత్యేక సెట్లో పోరాట దృశ్యాలను చిత్రీకరించారట. త్వరలో ఇసుకలో 8 మందితో జరిగే మరో భారీ ఫైట్ సీక్వెన్స్లో షారుఖ్, దీపికా కలిసి సందడి చేయనున్నట్లు తెలుస్తోంది.
గ్యాంగ్స్టర్ లారెన్స్ బిష్ణోయ్ జీవితం ఆధారంగా రూపొందిన ‘లారెన్స్ ఆఫ్ పంజాబ్’ డాక్యుమెంటరీ విడుదలపై కేంద్ర ప్రభుత్వం నిషేధం విధించింది. నేరాలను గ్లామరైజ్ చేయడం వల్ల యువత తప్పుదోవ పట్టే ప్రమాదం ఉందని, శాంతిభద్రతలకు విఘాతం కలుగుతుందని జీ5ని ఆదేశించింది. ఐటీ చట్టం కింద దీనిని నిలిపివేయాలని పోలీసులు కోరగా, దీని ట్రైలర్ను కూడా తొలగించారు.
ప్రస్తుతం ‘చాంద్ మేరా దిల్’ షూటింగ్లో ఉన్న అనన్య పాండే, తాజాగా కార్తీక్ ఆర్యన్ సరసన ‘నాగిల్లా’ చిత్రంలో హీరోయిన్గా ఎంపికైనట్లు తెలుస్తోంది. గతంలో వీరిద్దరూ కలిసి నటించిన రెండు సినిమాలు బాక్సాఫీస్ వద్ద నిరాశపరిచాయి. ఇప్పుడు మూడోసారి ఈ జోడీ కలిసి నటిస్తుండటంతో, ఈసారైనా హిట్ కొడతారా లేదా అనే చర్చ బాలీవుడ్లో ఆసక్తికరంగా మారింది.
2027 ఈద్ రేసులో సల్మాన్ ఖాన్-వంశీ పైడిపల్లి మూవీ నిలవగా, అదే సమయంలో ప్రభాస్ ‘స్పిరిట్’ కూడా సిద్ధమవుతోంది. సందీప్ వంగా దర్శకత్వంలో వస్తున్న ఈ చిత్రం మార్చి 5న విడుదల కానుంది. ఒకవేళ ఈ రెండు భారీ సినిమాలు కొద్దిరోజుల వ్యవధిలోనే వస్తే, బాక్సాఫీస్ వద్ద ప్రభాస్, సల్మాన్ మధ్య నెవర్ బిఫోర్ పోరు ఖాయమంటూ సినీ వర్గాలు పేర్కొన్నాయి.
మెగాస్టార్ చిరంజీవి, దర్శకుడు బాబీ కాంబోలో రాబోతున్న #Mega158 ప్రాజెక్ట్ ప్రకంపనలు సృష్టిస్తోంది. మోహన్ లాల్, అనురాగ్ కశ్యప్ వంటి స్టార్ నటులు ఈ క్రేజీ మల్టీస్టారర్లో భాగం కానున్నట్లు వార్తలు వస్తున్నాయి. ఇక ఈ చిత్రంలో డింపుల్ హయాతి పవర్ఫుల్ నెగిటివ్ రోల్లో మెగాస్టార్ను ఢీకొట్టబోతుండటం విశేషం. ఈ భారీ కాస్టింగ్తో సినిమాపై అంచనాలు ఆకాశాన్నంటాయి.
మోహన్ లాల్, దర్శకుడు జీతూ జోసెఫ్ కాంబోలో వస్తున్న ‘దృశ్యం 3’ విడుదలకు ముందే చిక్కుల్లో పడింది. అమెజాన్ ప్రైమ్తో కుదుర్చుకున్న పాత ఒప్పందాన్ని నిర్మాత రద్దు చేసుకోవడంతో సదరు సంస్థ ఢిల్లీ హైకోర్టును ఆశ్రయించింది. దీనిపై స్పందించిన కోర్టు మే 15 వరకు మూవీ డిజిటల్ హక్కులపై స్టే ఇచ్చింది. ఫలితంగా మే 21న విడుదల కావాల్సిన ఈ మూవీ వాయిదా పడే అవకాశం ఉందని ఇండస్ట్రీ వర్గాల టాక్.
రామ్ చరణ్, బుచ్చిబాబు సానా కాంబోలో వస్తున్న ‘పెద్ది’ సినిమాపై అంచనాలు భారీగా ఉన్నాయి. ముందుగా ఏప్రిల్ 30న విడుదల కావాల్సిన ఈ చిత్రం, నిర్మాణ పనుల జాప్యం వల్ల వాయిదా పడింది. తాజాగా అందిన సమాచారం ప్రకారం, జూన్ 4న కూడా ఈ సినిమా వచ్చే అవకాశం లేదట. జూన్ 25న ప్రపంచవ్యాప్తంగా విడుదల కానున్నట్లు తెలుస్తోంది. అంతేకాదు జూన్ 24 రాత్రి నుంచే భారీగా ప్రీమియర్స్ పడే అవకాశం ఉందట.
రామ్ చరణ్, బుచ్చిబాబు సానా కాంబోలో వస్తున్న ‘పెద్ది’ సినిమాపై అంచనాలు భారీగా ఉన్నాయి. ముందుగా ఏప్రిల్ 30న విడుదల కావాల్సిన ఈ చిత్రం, నిర్మాణ పనుల జాప్యం వల్ల వాయిదా పడింది. తాజాగా ఈ సినిమా కొత్త రిలీజ్ డేట్ వచ్చేసింది. 2026 జూన్ 25న ప్రపంచవ్యాప్తంగా విడుదల చేయనున్నట్లు మేకర్స్ ప్రకటించారు. అంతేకాదు జూన్ 24 రాత్రి నుంచే భారీగా ప్రీమియర్స్ పడే అవకాశం ఉందట.
