హీరోయిన్ మాళవిక నాయర్ నటించిన తాజా చిత్రం ‘బైకర్’ ఈ నెల 3న విడుదల కానుంది. ఇందులో శర్వానంద్కు జోడీగా ఆమె నటించింది. ఈ సినిమాలో తన పాత్ర ఒక వారధిలా ఉంటుందని, ఓ క్రీడాకారుడి జీవితంలో భాగస్వామి పాత్ర ఎంత కీలకమో తన పాత్ర ద్వారా తెలుస్తుందని ఆమె పేర్కొంది. మూడు కాలాల నేపథ్యంలో సాగే ఈ చిత్రం ప్రేక్షకులకు కొత్త అనుభూతినిస్తుందని మాళవిక ధీమా వ్యక్తం చేసింది.
‘యుగానికి ఒక్కడు 2’ సీక్వెల్పై హీరోయిన్ ఆండ్రియా సంచలన వ్యాఖ్యలు చేసింది. ‘నా నుంచి యుగానికి ఒక్కడు-2 ఆశించవద్దు. ఆ సినిమా జరిగితే మంచిదే, కానీ అందులో నేను ఉండను. ఎందుకంటే సెల్వరాఘవన్తో పనిచేయడం చాలా కష్టం. మొదటి భాగం కోసం మేము ఏకంగా 200 రోజులు షూటింగ్లో పాల్గొన్నాము’ అని చెప్పింది. కానీ ఆ సినిమా తర్వాత తను చేసిన ఏ పాత్రనైనా సులభంగా చేయగలిగానని పేర్కొంది.
స్టార్ మా: తమ్ముడు(9AM); జీతెలుగు: ప్రేయసి రావే(9AM); ఈటీవీ: మా ఆయన బంగారం(9AM); జెమిని: ప్రియమైన నీకు(9AM), అల్లరి అల్లుడు(3:30PM); స్టార్మా మూవీస్: అనగనగా ఒక రోజు(7AM), ఖిలాడి(9AM), టిల్లు స్క్వేర్(12PM), క్రిష్ణ(2:30PM), అమరన్(6PM), రాజు గారి గది 2(9.30PM); జీ సినిమాలు: నీ ప్రేమకై(7AM), బొమ్మరిల్లు(12PM), చినబాబు(3PM), కాంచన3(6PM), ఎక్కడికి పోతావ్ చిన్నవాడ(9PM).
AP: భీమిలి MLA గంటా శ్రీనివాసరావును స్టార్ డైరక్టర్ సుకుమార్ ఎంవీపీ కాలనీ నివాసంలో ఇవాళ మర్యాదపూర్వకంగా కలిశాడు. తెలుగు సినీ పరిశ్రమ అభివృద్ధికి సంబంధించిన అంశాలపై చర్చించుకున్నారు. విశాఖ సినిమా షూటింగ్లకు అనువైన ప్రదేశమని పేర్కొన్నారు. సుకుమార్ను ఘంటా శాలువా కప్పి సన్మానించారు. ఆయనతో పాటు మైత్రి మూవీ మేకర్స్ నవీన్ ఎర్నేని ఉన్నారు.
మెగా పవర్స్టార్ రామ్ చరణ్ హీరోగా బుచ్చిబాబు దర్శకత్వంలో తెరకెక్కుతున్న చిత్రం ‘పెద్ది’. ఈ మూవీ విడుదల వాయిదా పడినట్లు వార్తలొచ్చిన విషయం తెలిసిందే. అయితే, ఈ రూమర్లపై తాజాగా రామ్ చరణ్ క్లారిటీ ఇచ్చాడు. అనుకున్న తేదీకే సినిమా విడుదల అవుతుందని స్పష్టం చేశాడు. దీంతో ఈనెల 30న ‘పెద్ది’ మూవీ థియేటర్లలో సందడి చేయనుంది.
నందమూరి బాలకృష్ణ మరో క్రేజీ సినిమా చేసేందుకు సిద్ధమయ్యారు. ప్రముఖ నిర్మాత సుధాకర్ చెరుకూరి నిర్మాణంలో, ‘నాంది’ ఫేమ్ విజయ్ కనకమేడల దర్శకత్వంలో ఆయన సినిమా చేయనున్నారట. ఇటీవలే విజయ్ వినిపించిన కథకు బాలయ్య ఇంప్రెస్ అయ్యి ఓకే చెప్పినట్లు సమాచారం. 2027 ప్రారంభంలో ఈ క్రేజీ ప్రాజెక్ట్ పట్టాలెక్కనుందట. కాగా, దీనిపై క్లారిటీ రావాల్సి ఉంది.
డైరెక్టర్ మారుతి, అక్కినేని అఖిల్ కాంబోలో క్రేజీ ప్రాజెక్ట్ సెట్ కాబోతున్నట్లు టాక్. ఇప్పటికే వీరిద్దరి మధ్య చర్చలు ముగిశాయని, అఖిల్ కోసం మారుతి ఒక పక్కా కమర్షియల్ ఎంటర్టైనర్ను సిద్ధం చేసినట్లు సమాచారం. ఇక అఖిల్ గ్రీన్ సిగ్నల్ ఇస్తే, అక్కినేని అభిమానులకు ఇది పెద్ద పండగే అని చెప్పాలి. ఈ మాస్ & క్లాస్ కాంబో బాక్సాఫీస్ వద్ద ఎలాంటి మ్యాజిక్ చేస్తుందో చూడాలి.
మోస్ట్ పాపులర్ ఇండియన్ సెలబ్రిటీస్ జాబితా IMDb విడుదల చేసింది. ఇందులో దర్శకుడు ఆదిత్య ధర్ టాప్ 1లో నిలిచి సరికొత్త రికార్డు సృష్టించాడు. సాధారణంగా నటీనటులు ఉండే నంబర్ 1 స్థానాన్ని, ‘ధురంధర్ 2’ చిత్ర విజన్తో ఆయన కైవసం చేసుకున్నాడు. తర్వాతి స్థానాల్లో సారా అర్జున్, రణ్వీర్ సింగ్, చిత్రాంగద సింగ్ నిలవగా.. విజయ్ సేతుపతి 24వ స్థానంలో ఉన్నాడు.
నిహారిక కొణిదెల ప్రొడక్షన్స్లో పింక్ ఎలిఫెంట్ పిక్చర్స్ బ్యానర్లో వరుణ్ తేజ్ ‘బరి’ సినిమా చేస్తున్నాడు. తాజాగా ఈ మూవీ గురించి నిహారిక ఆసక్తికర విషయాలు పంచుకుంది. ఈ ప్రాజెక్టు కోసం ఏకంగా రూ.60 కోట్ల బడ్జెట్ కేటాయించినట్లు తెలిపింది. తన బ్యానర్ నుంచి రాబోతున్న హైయ్యెస్ట్ బడ్జెట్ మూవీ ఇదేనని, ఇందులో తెలుగు హీరోయిన్ నటిస్తుందని వెల్లడించింది.
టాలీవుడ్ హీరో అడివి శేష్ ప్రధాన పాత్రలో షానీల్ డియో దర్శకత్వంలో ‘డెకాయిట్’ మూవీ రాబోతుంది. ఈ సినిమా 2026 ఏప్రిల్ 10న విడుదల కానుంది. దీని ప్రీ-రిలీజ్ బిజినెస్ దాదాపు రూ.30కోట్లు జరిగినట్లు ట్రేడ్ వర్గాలు తెలిపాయి. దీంతో ఈ సినిమా బ్రేక్ ఈవెన్ దాటి లాభాల్లోకి రావాలంటే సుమారు రూ.50 కోట్లకుపైగా గ్రాస్ వసూళ్లు సాధించినట్లు పేర్కొన్నాయి.
తన ప్రెగ్నెన్సీ వార్తలపై నటి పూనమ్ పాండే స్పందిస్తూ, తాను గర్భవతిని కాదని తేల్చి చెప్పింది. ఇదంతా కేవలం ‘ఏప్రిల్ ఫూల్ ప్రాంక్’ అని, ఆ ఫొటోలు AI జనరేటెడ్ అని వెల్లడించింది. ప్రపంచ పరిస్థితుల మధ్య కాసేపు అలరించాలనే ఇలా చేశానని, తనను సీరియస్గా తీసుకోవద్దని కోరింది. లైఫ్ని చిల్ చేయాలంటూ అభిమానులకు తెలిపింది. దీంతో నెటిజన్లు ఆమెపై ఫైరవుతున్నారు.
తన ప్రెగ్నెన్సీ వార్తలపై నటి పూనమ్ పాండే స్పందిస్తూ, తాను గర్భవతిని కాదని తేల్చి చెప్పింది. ఇదంతా కేవలం ‘ఏప్రిల్ ఫూల్ ప్రాంక్’ అని, ఆ ఫొటోలు AI జనరేటెడ్ అని వెల్లడించింది. ప్రపంచ పరిస్థితుల మధ్య కాసేపు అలరించాలనే ఇలా చేశానని, తనను సీరియస్గా తీసుకోవద్దని కోరింది. లైఫ్ని చిల్ చేయాలంటూ అభిమానులకు తెలిపింది. దీంతో నెటిజన్లు ఆమెపై ఫైరవుతున్నారు.
అక్కినేని నాగార్జున, దర్శకుడు రా. కార్తీక్ కాంబోలో ‘కింగ్ 100’ మూవీ తెరకెక్కుతోంది. తాజాగా ఈ సినిమాపై నాగ్ ఆసక్తికర వ్యాఖ్యలు చేశారు. ఈ మూవీ కేవలం టెక్నికల్ వండర్ మాత్రమే కాదు, గుండెల్ని హత్తుకునే ఎమోషనల్ డ్రామా అని తెలిపారు. సున్నా నుంచి కోటీశ్వరుడిగా ఎదిగే ఒక వ్యక్తి స్ఫూర్తిదాయక ప్రయాణంతో పాటు, తండ్రి-కూతుళ్ల మధ్య ఉండే సున్నితమైన సెంటిమెంట్ ఈ కథకు ప్రధాన బలమని అన్నారు.
శర్వానంద్, దర్శకుడు అభిలాష్ రెడ్డి కాంబోలో వస్తున్న స్పోర్ట్స్ అండ్ ఫ్యామిలీ డ్రామా ‘బైకర్’ ఏప్రిల్ 3న విడుదల కానుంది. తాజాగా మేకర్స్ ఈ మూవీ పెయిడ్ ప్రీమియర్స్కు ప్లాన్ చేశారు. ఏప్రిల్ 2న AP, తెలంగాణలోని ప్రధాన నగరాల్లో ప్రీమియర్స్ ప్రదర్శించనున్నారు. ఇక ఈ సినిమాలో మాళవిక నాయర్, రాజశేఖర్ కీలక పాత్రలు పోషించారు.
రణ్బీర్ కపూర్ హీరోగా నమిత్ మల్హోత్రా నిర్మాణంలో ‘రామాయణ’ మూవీ రూపొందుతోంది. అయితే, నాలుగేళ్ల క్రితమే ఈ ఆఫర్ వచ్చినా తాను తిరస్కరించానని రణ్బీర్ వెల్లడించాడు. ఆ పాత్రకు న్యాయం చేయలేనన్న భయంతో అప్పుడు నో చెప్పానని, కానీ తండ్రి అయ్యాక రాహా రాకతో తన ఆలోచన మారిందన్నాడు. శ్రీరాముడి పాత్ర తన వ్యక్తిగత ఎదుగుదలకు తోడ్పడుతుందని ఈ ప్రాజెక్టుకు ఓకే చెప్పినట్లు తెలిపాడు.
