IPL 2026లో తొలి మూడు మ్యాచుల్లో బౌలర్లపై బ్యాటర్ల హవా కొనసాగింది. SRH నిర్దేశించిన 202 పరుగుల లక్ష్యాన్ని RCB కేవలం 15.4 ఓవర్లలోనే ఛేదించింది. ఇక KKRపై రోహిత్ శర్మ (78) విజృంభించడంతో ముంబై గెలిచింది. CSKపై రాజస్థాన్ బ్యాటర్లు చెలరేగారు. ఇప్పుడు SRH ఫస్ట్ బ్యాటింగ్ చేయనుండటంతో భారీ స్కోర్ వచ్చే అవకాశం ఉంది. అసలైన మజా ఇప్పుడు మొదలు కానుందని ఫ్యాన్స్ కామెంట్స్ చేస్తున్నారు.
IPL 2026లో భాగంగా SRHతో జరుగుతున్న మ్యాచ్లో KKR టాస్ గెలిచింది. కెప్టెన్ అజింక్య రహానె తొలుత బౌలింగ్ ఎంచుకున్నాడు. ఇప్పటికే టోర్నీలో తమ తొలి మ్యాచ్ ఆడిన ఇరుజట్లు ఓటమిని చవిచూశాయి. దీంతో ఈ మ్యాచ్లో ఎలాగైనా విజయం సాధించాలని ఇరుజట్లు పట్టుదలతో ఉన్నాయి.
న్యూజిలాండ్ మహిళా క్రికెటర్ అమేలియా కెర్ ప్రపంచ రికార్డు సృష్టించింది. మహిళల వన్డే క్రికెట్లో అత్యధిక వ్యక్తిగత స్కోరు సాధించిన నాన్- ఓపెనర్ బ్యాటర్గా నిలిచింది. సౌతాఫ్రికాతో జరిగిన మ్యాచ్లో వన్డౌన్లో బ్యాటింగ్ చేసిన ఆమె 139 బంతుల్లో 179 పరుగులతో అజేయంగా నిలిచింది. ఇంతకుముందు ఈ రికార్డు శ్రీలంక దిగ్గజం చమరి ఆటపట్టు (178*) పేరిట ఉండేది.
IPL చైర్మన్ అరుణ్ ధుమాల్ కీలక వ్యాఖ్యలు చేశాడు. ఐపీఎల్ను మరింత విస్తృతం చేయాలనే డిమాండ్లపై ఆయన స్పందించాడు. మరో రెండు జట్లు చేర్చి.. మ్యాచ్ల సంఖ్య పెంచే అవకాశం లేదని సంకేతాలు ఇచ్చాడు. మ్యాచ్ల సంఖ్యను 74 నుంచి 94కు పెంచడం కష్టమని తెలిపాడు. మార్చి- మే వరకు దీనిని పరిమిత విండోలో మాత్రమే నిర్వహించగలమని స్పష్టం చేశాడు.
ఫిట్నెస్ పరీక్షలో విఫలమవడంతో IPLలో ఆడేందుకు పేసర్ నువాన్ తుషారకు శ్రీలంక క్రికెట్ బోర్డు ఇటీవల ఎన్వోసీ నిరాకరించింది. దీంతో ఈ వ్యవహారంపై అతడు కోర్టుకెక్కినట్లు తెలుస్తోంది. తనను IPLలో ఆడేందుకు అనుమతించేలా బోర్డుకు ఆదేశాలు జారీ చేయాలని కోరుతూ కొలంబోలోని న్యాయస్థానాన్ని ఆశ్రయించాడు. ఇటీవల SRHతో జరిగిన తొలి మ్యాచ్లో RCB ప్లేయర్ తుషార ఆడలేదు.
IPL 2026లో భాగంగా SRH తన తొలి మ్యాచ్లో ఓటమిపాలైంది. అయితే, ఈరోజు KKRపై విజయం సాధించి విజయాల బాట పట్టాలని చూస్తోంది. ఈ క్రమంలో జట్టు ఎంపిక కీలకం కానుంది. ఇప్పుడు కోల్కతా పిచ్ బ్యాటర్లకు అనుకూలిస్తుంది. సరైన కూర్పుతో బరిలోకి దిగితేనే KKRను ఓడించడం సాధ్యమవుతుంది. ఇప్పటివరకు KKR- SRH ముఖాముఖిగా 30 మ్యాచుల్లో తలపడ్డాయి. 20-10 తేడాతో కోల్కతా ఆధిక్యంలో ఉంది.
సౌతాఫ్రికా సీనియర్ ప్లేయర్ వాన్ డర్ డసెన్ ఆటకు గుడ్బై చెప్పాడు. ఈ మేరకు X వేదికగా.. కెరీర్తో అండగా నిలిచిన సహచర ఆటగాళ్లు, కోచ్లు, అభిమానులకు ధన్యవాదాలు చెప్పాడు. 2018 నుంచి సౌతాఫ్రికా తరఫున 18 టెస్టులు, 71 వన్డేలు, 57 T20లు ఆడిన డసెన్.. 6 సెంచరీలు, 33 ఫిఫ్టీలతో మొత్తంగా 4,968 రన్స్ చేశాడు. అలాగే IPL 2022లో RR తరఫున 3 మ్యాచుల్లో 22 రన్స్ చేశాడు.
పాక్ ప్లేయర్ షాహిబ్జాదా ఫర్హాన్ T20ల్లో అత్యధిక సెంచరీలు చేసిన 4వ ఆటగాడిగా కోహ్లీ రికార్డ్(9) సమం చేశాడు. PSL-2026లో ముల్తాన్ సుల్తాన్స్ తరఫున ఆడుతున్న అతను.. హైదరాబాద్ కింగ్స్మెన్పై 106 రన్స్ చేయడం ద్వారా ఈ ఘనత సాధించాడు. ఓవరాల్గా 22 సెంచరీలతో క్రిస్ గేల్ అగ్రస్థానంలో ఉండగా.. బాబర్ ఆజం(11), డేవిడ్ వార్నర్(10) తర్వాతి 2 స్థానాల్లో కొనసాగుతున్నారు.
జట్టులో కమిన్స్ లేని లోటు ఏ మాత్రం కనిపించడంలేదని SRH కోచ్ డానియెల్ వెటోరీ తెలిపాడు. కమిన్స్ జట్టుకు అందుబాటులో ఉంటూ, కెప్టెన్సీపై ఇషాన్ను గైడ్ చేయడం బాగుందని పేర్కొన్నాడు. ఇవాళ KKRతో మ్యాచ్లో పుంజుకుని విజయం సాధిస్తామని ధీమా వ్యక్తంచేశారు. కాగా కమిన్స్ లేకపోవడంతోనే తొలి మ్యాచ్లో 200+ స్కోర్ చేసినా SRH ఓడిందని అభిమానులు ఆందోళన చెందుతున్నారు.
ఫుట్బాల్ ప్రపంచకప్ మ్యాచులు ఈ ఏడాది జూలై 11 నుంచి ప్రారంభం కానున్నాయి. జూలై 19న అమెరికాలోని న్యూజెర్సీలో ఫైనల్ మ్యాచ్ జరగనుంది. దీంతో ఫైనల్ మ్యాచ్ టికెట్లకు భారీ పోటీ నెలకొంది. ఈ నేపథ్యంలో టాప్ కేటగిరీ టికెట్లను ఫిఫా భారీగా పెంచింది. ఒక్కో టికెట్ ధరను 10,990 డాలర్లు (రూ.10.19 లక్షలు)గా నిర్ణయించింది.
ఇంగ్లండ్ వెటరన్ ఆల్రౌండర్ రవి బొపారా 23 ఏళ్ల సుదీర్ఘ కౌంటీ క్రికెట్ కెరీర్కు వీడ్కోలు పలికాడు. 2026 ఇంగ్లండ్ డొమెస్టిక్ సీజన్కు ముందుగా ఈ నిర్ణయం తీసుకోవడం గమనార్హం. కొంతకాలంగా ఇంగ్లండ్ T20 బ్లాస్ట్, వన్డే కప్ మాత్రమే ఆడుతున్న అతను.. జాతీయజట్టుకు చివరిగా 2015లో ఆడాడు. ఆదే ఏడాది IPLలోనూ SRHకు ఆడాడు.
ఢిల్లీతో మ్యాచ్లో లక్నో సీనియర్ బౌలర్ మహ్మద్ షమీ తొలి బంతికే KL రాహుల్ని ఔట్ చేసిన సంగతి తెలిసిందే. దీంతో టోర్నీలో తన తొలి బంతికే అత్యధికంగా 5 సార్లు వికెట్ తీసిన ఆటగాడిగా షమీ దూసుకెళ్తున్నాడు. షమీ మినహా ఎవరూ ఇలా 3+ వికెట్లు తీయలేకపోవడం గమనార్హం. ప్రవీణ్ కుమార్, ఉమేష్ యాదవ్, ట్రెంట్ బౌల్ట్, లసిత్ మలింగ, భువనేశ్వర్, అశోక్ దిండా మూడేసి సార్లు ఈ ఫీట్ సాధించారు.
IPL 2026: కోల్కతా నైట్ రైడర్స్తో ఇవాళ సన్రైజర్స్ హైదరాబాద్ తలపడనున్న సంగతి తెలిసిందే. IPL గణాంకాలను చూస్తే హైదరాబాద్పై కోల్కతా 20-10తో ఆధిపత్యం చలాయిస్తోంది. అలాగే SRHతో కోల్కతాలో జరిగిన 11 మ్యాచ్ల్లో 8 ఆతిథ్య జట్టే గెలిచింది. ఇరుజట్లు ఇప్పటికే టోర్నీలో తమ తొలి మ్యాచ్ ఓడిన నేపథ్యంలో ఇవాళ్టి పోరు ఆసక్తికరంగా ఉండనుంది.
IPL 2026లో భాగంగా ఇవాళ సన్రైజర్స్ హైదరాబాద్తో కోల్కతా నైట్ రైడర్స్ తలపడనుంది. కోల్కతా వేదికగా జరిగే ఈ మ్యాచ్ రాత్రి 7:30 గంటలకు ప్రారంభమవుతుంది. ఇప్పటికే టోర్నీలో తమ తొలి మ్యాచ్ ఓడిన ఈ ఇరుజట్లు.. ఇవాళ ఎలా అయినా విజయం సాధించాలనే పట్టుదలతో ఉన్నాయి. హైదరాబాద్ ప్లేయర్ బ్రైండర్ కార్స్ గాయం నుంచి కోలుకోకపోవడంతో.. ఈ మ్యాచ్కూ దూరం కానున్నాడు.
ఐపీఎల్ 2024లో కేఎల్ రాహుల్ను లక్నో ప్రాంచైజీ ఓనర్ సంజీవ్ గోయెంకా మైదానంలో మందలించిన ఘటనపై మహ్మద్ షమీ స్పందించాడు. ‘జట్టుపై పెట్టుబడి పెట్టినప్పుడు ఆటగాళ్ల నుంచి అత్యుత్తమ ప్రదర్శన ఆశించడం సహజమే. అది యజమానికి ఉండే ‘పొజెసివ్నెస్’. అందులో తప్పేమీ లేదు’ అని అభిప్రాయపడ్డాడు. ప్రస్తుతం షమీ లక్నో జట్టులో భాగమైన సంగతి తెలిసిందే.
