ముంబైలోని వాంఖడే స్టేడియం బ్యాటర్లకు స్వర్గధామంగా ప్రసిద్ధి చెందింది. చిన్న బౌండరీలు, ఫాస్ట్ ఔట్ఫీల్డ్ కారణంగా ఇక్కడ భారీ స్కోర్లు నమోదవుతాయి. ప్రారంభంలో పేసర్లకు కొత్త బంతితో కొంత స్వింగ్ లభిస్తుంది. రాత్రి మంచు ప్రభావం ఎక్కువగా ఉంటుంది. కాబట్టి టాస్ గెలిచిన జట్లు మొదట బౌలింగ్ ఎంచుకుంటాయి. ఈ గ్రౌండ్లో సగటు ఫస్ట్ ఇన్నింగ్స్ స్కోర్: 180.
SRHతో మ్యాచ్లో విరాట్ కోహ్లీ 38 బంతుల్లో 69* పరుగులు చేసి RCB విజయంలో కీలక పాత్ర పోషించారు. కోహ్లీ ఇన్నింగ్స్పై మాజీ క్రికెటర్ అంబటి రాయుడు ప్రశంసలు కురిపించాడు. ‘ఇది కేవలం ట్రైలర్ మాత్రమే, అసలు సినిమా ముందుంది’ అంటూ ప్రత్యర్థి జట్లను హెచ్చరించాడు. రాబోయే మ్యాచ్ల్లో కోహ్లీ తన విశ్వరూపం చూపిస్తాడని రాయుడు ధీమా వ్యక్తం చేశాడు.
IPL చరిత్రలో ముంబై ఇండియన్స్ ఇవాళ మరో అరుదైన రికార్డును తన ఖాతాలో వేసుకోనుంది. KKRతో జరగబోయే మ్యాచ్తో ఫ్రాంఛైజీ క్రికెట్లో ముంబై ఇండియన్స్ 300 మ్యాచ్లు పూర్తి చేసుకున్న తొలి జట్టుగా చరిత్ర సృష్టించనుంది. ఇప్పటివరకు MI మొత్తం 299 మ్యాచ్లు పూర్తి చేసుకుంది. ఇందులో IPLలో 277 మ్యాచ్లు, ఛాంపియన్స్ లీగ్ T20లో 22 మ్యాచ్లు ఆడింది.
MI, KKR మధ్య ఈరోజు బిగ్ ఫైట్ జరగనుంది. హోం గ్రౌండ్ వాంఖడే వేదికగా జరుగుతున్న ఈ మ్యాచ్లో పాండ్యా సేన హాట్ ఫేవరేట్గా బరిలోకి దిగుతోంది. అయితే, 2013 నుంచి సీజన్ తొలి మ్యాచ్లో ముంబై గెలవలేదు. మరోవైపు, రహానే కెప్టెన్సీలో KKR కూడా చాలా బలంగా కనిపిస్తోంది. దీంతో ఈ పోరులో ‘MI తన 13 ఏళ్ల చెత్త రికార్డును బ్రేక్ చేస్తుందా?’ లేక ‘KKR గెలుస్తుందా?’.. కామెంట్ చేయండి.
IPLలో తన 19 ఏళ్ల సుదీర్ఘ ప్రయాణంపై మనీష్ పాండే భావోద్వేగానికి లోనయ్యాడు. ఈ సీజన్లో KKR తరఫున బరిలోకి దిగుతున్న పాండే, తన కెరీర్ గురించి ఆసక్తికర వ్యాఖ్యలు చేశాడు. ఈ సుదీర్ఘ ప్రయాణం రెప్పపాటులో గడిచిపోయినట్లు అనిపిస్తోందని తెలిపాడు. ‘2009లో RCB తరఫున సెంచరీ సాధించడం ఇప్పటికీ మర్చిపోలేను. ఆటపై ఉన్న ఇష్టమే నన్ను ఇన్నాళ్లు కొనసాగేలా చేసింది’ అని మనీష్ పేర్కొన్నాడు.
KKRతో ఇవాళ్టి మ్యాచ్లో MI తుది జట్టులో రోహిత్ శర్మ, డికాక్ ఓపెనర్లుగా వచ్చే అవకాశం ఉంది. మిడిలార్డర్లో సూర్యకుమార్, తిలక్ వర్మ, పాండ్యా(c), రూథర్ఫోర్డ్ బ్యాటింగ్ భారాన్ని మోయనున్నారు. బుమ్రా, బౌల్ట్, దీపక్ చాహర్ పేసర్లుగా ఉండగా, స్పిన్నర్లుగా నమన్ ధీర్, అల్లా గజన్ఫర్ ఆడనున్నారు. శార్దూల్ ఠాకూర్/మయాంక్ మార్కండే ఇంపాక్ట్ ప్లేయర్గా వచ్చే అవకాశం ఉంది.
MI స్పీడ్ స్టార్ బుమ్రా ఇవాళ KKRతో మ్యాచ్లో ఆడతాడా లేదా అనే సందిగ్ధతకు తెరపడింది. ఈ కీలక పోరులో బుమ్రా బరిలోకి దిగడం ఖాయమని జట్టు యాజమాన్యం స్పష్టం చేసింది. బుమ్రా సైతం నెట్స్లో ప్రాక్టీస్ చేస్తూ కనిపించాడు. ఇది ముంబై అభిమానులకు గుడ్ న్యూస్గా చెప్పవచ్చు. అయితే, ఈ మ్యాచ్కు మిచెల్ శాంట్నర్, విల్ జాక్స్ అందుబాటులో ఉండటం లేదు.
IPL-2026 సీజన్లో భాగంగా KKR తమ తొలి మ్యాచ్లో MIతో తలపడనుంది. ఆ జట్టు కెప్టెన్గా రహానే కొనసాగుతున్నాడు. ఈ మ్యాచ్లో పాల్గొనబోయే KKR తుది జట్టు అంచనాను పరిశీలిస్తే.. సునీల్ నరైన్, ఫిన్ అలెన్, రహానే(c), త్రిపాఠి, రఘువంశీ, రమణ్దీప్, గ్రీన్, రింకూ(vc), వైభవ్ అరోరా, చక్రవర్తి, ముజరబాని వంటి ఆటగాళ్లు తుది జట్టులో ఉండే అవకాశం కనిపిస్తోంది.
ఐదుసార్లు ఛాంపియన్గా నిలిచిన ముంబై ఇండియన్స్ను ఓ విచిత్రమైన రికార్డు గత 13 ఏళ్లుగా వెంటాడుతోంది. 2013 సీజన్ నుండి 2025 వరకు ఒక్కసారి కూడా ముంబై జట్టు తమ ఆరంభ మ్యాచ్లో విజయం సాధించలేదు. ఈ ఏడాది IPL-2026లో భాగంగా ఈరోజు తమ హోమ్ గ్రౌండ్ వాంఖేడేలో KKRతో తలపడనుంది. మరి ఈ రోజైనా ముంబై ఈ ‘చెత్త రికార్డు’ను తుడిచేసి విజయంతో బోణీ కొడుతుందో లేదో వేచి చూడాలి.
RCB చేతిలో ఓటమిపై SRH కోచ్ డానియల్ వెటోరి స్పందించాడు. బౌలర్ల వైఫల్యమే తమ ఓటమికి ప్రధాన కారణమని ఆయన అంగీకరించాడు. RCB బౌలర్ జాకబ్ డఫీ కొత్త బంతితో అద్భుతంగా బౌలింగ్ చేశాడని కొనియాడాడు. అయితే, తమ జట్టులో ఏ బౌలర్ కూడా ఆ స్థాయిలో రాణించలేకపోయారని వెటోరి పేర్కొన్నాడు. రాబోయే మ్యాచ్ల్లో ఈ లోపాలను సరిదిద్దుకుని మెరుగైన ప్రదర్శన చేస్తామని ఆయన ధీమా వ్యక్తం చేశాడు.
గత 18 సీజన్లలో ఆడిన బెస్ట్ ప్లేయర్లతో ప్రముఖ స్పోర్ట్స్ సైట్ ‘స్పోర్ట్స్కీడా’ IPL ఆల్టైమ్ ప్లేయింగ్ XIను ప్రకటించింది. ఈ జట్టులో ధోనీ ఉన్నప్పటికీ సారథ్య బాధ్యతలను రోహిత్కి అప్పగించింది.టీమ్: వార్నర్, రోహిత్(C), కోహ్లీ, రైనా, డివిలియర్స్, ధోనీ(wk), హార్దిక్ పాండ్యా, జడేజా, నరైన్, బుమ్రా, మలింగ, చాహల్(12th).
IPL వేలంలో కొనుగోలు చేసిన తర్వాత అనంతరం కావాలనే వైదొలిగితే ఆ ఆటగాడిపై రెండేళ్ల నిషేధం సరిపోదని మాజీ క్రికెటర్ సునీల్ గవాస్కర్ పేర్కొన్నాడు. ఈ విషయంలో బీసీసీఐ కఠినంగా ఉండాలని తెలిపాడు. ప్రస్తుత శిక్షా విధానాన్ని పునఃపరిశీలించాలని అన్నాడు. ఇటీవల ఇంగ్లండ్ బ్యాటర్ బెన్ డకెట్ ఈ సీజన్ నుంచి ఇలాగే వైదొలిగాడు. ఢిల్లీ జట్టు అతడిని రూ.2 కోట్లకు కొనుగోలు చేసింది.
ముంబై ఇండియన్స్ ఇవాళ KKRతో ఇద్దరు కీలక ప్లేయర్లు లేకుండానే తమ IPL 2026 తొలి మ్యాచ్ ఆడనుంది. ఆల్రౌండర్లు మిచెల్ శాంట్నర్, విల్ జాక్స్ తొలి మ్యాచ్కు అందుబాటులో ఉండరని.. త్వరలోనే జట్టులో కలుస్తారని హెడ్ కోచ్ జయవర్ధనే తెలిపాడు. దీంతో వీరిద్దరి స్థానంలో షెర్ఫాన్ రూథర్ఫోర్డ్, అల్లా ఘజన్ఫర్ ఆడనున్నట్లు తెలుస్తోంది.
ఇషాన్ కిషన్ నేతృత్వంలో IPL 2026 ఆడుతున్న SRH అరుదైన లిస్టులో చేరింది. ఏకంగా 10 మంది కెప్టెన్సీలో ఆడిన మూడో జట్టుగా నిలిచింది. ఈ లిస్టులో 17 మంది కెప్టెన్లతో పంజాబ్, 14 మందితో ఢిల్లీ తొలి 2 స్థానాల్లో ఉన్నాయి. అటు MI(9)-RCB(9), KKR(8), RR(7), LSG(4)-CSK(4), GT(3) తర్వాతి స్థానాల్లో కొనసాగుతున్నాయి.
IPL 2026లో ఇవాళ ముంబై, కోల్కతా జట్లు ఢీకొననున్న సంగతి తెలిసిందే. ఇందులో గెలిచి సీజన్కు శుభారంభం పలకాలని ఇరుజట్లు చూస్తున్నాయి. అయితే గణాంకాల ప్రకారం ముంబైని కట్టడిచేయడం కోల్కతాకు కష్టమే. ఇప్పటివరకు తలపడిన 35 సందర్భాల్లో MI 24-11తో KKRపై ఆధిపత్యం చలాయిస్తోంది. అటు ఇవాళ్టి మ్యాచ్ జరిగే వాంఖడేలో MIతో 12 మ్యాచులాడిన KKR రెండింటిలోనే గెలిచింది.
