దక్షిణాసియా ఫుట్బాల్ సమాఖ్య అండర్-20 ఛాంపియన్షిప్లో లీగ్ దశను భారత్ అగ్రస్థానంతో ముగించింది. బంగ్లాదేశ్తో మ్యాచ్ను 1-1తో డ్రా చేసుకుంది. విశాల్ యాదవ్ గోల్ కొట్టి భారత్కు ఆధిక్యం అందించాడు. మహ్మద్ రియాద్ స్కోరు సమం చేశాడు. ఆ తర్వాత ఇరు జట్లు గోల్ చేయలేకపోయాయి. బుధవారం సెమీఫైనల్లో భారత్తో భూటాన్, బంగ్లాతో నేపాల్ తలపడనున్నాయి.
IPL 2026 సీజన్లో భాగంగా ఈరోజు రెండో మ్యాచ్ జరగనుంది. ముంబై ఇండియన్స్ IPL 19వ సీజన్లో.. తన తొలి మ్యాచ్లో ఆ జట్టు కోల్కతాను ఢీకొట్టనుంది. హార్దిక్ పాండ్యా నేతృత్వంలోని ముంబై అన్ని విభాగాల్లోనూ బలంగా ఉంది. దీంతో ఈ సీజన్ను విజయంతో ఆరంభించాలని చూస్తోంది. మరోవైపు ముంబైని నిలువరించాలని రహానె నేతృత్వంలోని కోల్కతా భావిస్తోంది.
ఫార్ములావన్లో ఇటలీ కుర్రాడు కిమి ఆంటోనెలి దూసుకెళ్తున్నాడు. జపాన్ గ్రాండ్ప్రిలో అతడు పోల్ పొజిషన్ సాధించాడు. క్వాలిఫయింగ్లో 1 నిమిషం 28.77 సెకన్ల టైమింగ్తో తొలి స్థానంలో నిలిచాడు. అతడి సహచరుడు జార్జ్ రసెల్ (1 నిమిషం 29.07 సె), పియాస్ట్రి (మెక్లారెన్, 1 నిమిషం 29.13 సె) తర్వాతి స్థానాలు సాధించారు. ఈరోజు తుది రేసు జరగనుంది.
IPL ఛేజింగ్లో విరాట్ కోహ్లీ ‘ఛేజ్ మాస్టర్’ అని మరోసారి నిరూపించుకున్నాడు. IPL చరిత్రలో ఛేజింగ్ చేస్తూ 4000 పరుగుల మార్కును దాటిన ఏకైక బ్యాటర్గా కోహ్లీ(4027) సరికొత్త రికార్డు సృష్టించాడు. ఈ జాబితాలో వార్నర్(3285), రోహిత్ శర్మ(3238) వంటి దిగ్గజాల కంటే విరాట్ ముందున్నాడు. శిఖర్ ధావన్(2843), రాబిన్ ఉతప్ప(2832) తర్వాతి స్థానాల్లో ఉన్నారు.
SRHపై విరాట్ కోహ్లీ మరోసారి తన విశ్వరూపాన్ని ప్రదర్శించాడు. నిన్న జరిగిన మ్యాచ్లో కేవలం 38 బంతుల్లోనే 69 పరుగులతో నాటౌట్గా నిలిచి RCBకి ఘనవిజయాన్ని అందించాడు. SRHపై కోహ్లీకి ఉన్న ఆధిపత్యానికి కోహ్లీ గత 5 ఇన్నింగ్స్ గణాంకాలే(100, 42, 51, 43, 69*) నిదర్శనం. రన్ మెషీన్ ధాటికి హైదరాబాద్ బౌలర్లు విలవిలలాడారు. ఈ భారీ ఛేదనతో RCB నెట్ రన్ రేట్ గణనీయంగా పెరిగింది.
IPL చరిత్రలో అత్యంత వేగవంతమైన 200+ పరుగుల ఛేదనను RCB నమోదు చేసింది. SRHతో మ్యాచ్లో 202 పరుగుల లక్ష్యాన్ని కేవలం 15.4 ఓవర్లలోనే పూర్తి చేసి RCB సరికొత్త రికార్డు సృష్టించింది. 2025లో GTపై రాజస్థాన్(15.5 ఓవర్లు) సాధించిన రికార్డును ఇప్పుడు RCB అధిగమించింది. ఈ టాప్-5 జాబితాలో RCB 2024లో గుజరాత్పై 16 ఓవర్లలో సాధించిన మూడో స్థానంలో ఉంది.
SRHతో జరిగిన మ్యాచ్లో RCB 202 పరుగుల భారీ లక్ష్యాన్ని ఛేదించి సరికొత్త రికార్డు సృష్టించింది. IPLలో RCBకి ఇది మూడో అత్యధిక విజయవంతమైన ఛేదనగా నిలిచింది. గతంలో 2025లో LSGపై 228, 2010లో పంజాబ్పై 204 పరుగుల లక్ష్యాలను RCB విజయవంతంగా ఛేదించింది. తాజా విజయంతో 2024లో GTపై సాధించిన 201 పరుగుల ఛేదన నాలుగో స్థానానికి చేరింది.
SRHతో జరిగిన మ్యాచ్లో RCB బౌలర్ జాకబ్ డఫీ ‘ప్లేయర్ ఆఫ్ ది మ్యాచ్’ అవార్డును దక్కించుకున్నాడు. తన 4 ఓవర్ల కోటాలో కేవలం 22 పరుగులే ఇచ్చి 3 కీలక వికెట్లు తీసి SRH భారీ స్కోరు చేయకుండా అడ్డుకున్నాడు. ముఖ్యంగా డెత్ ఓవర్లలో కట్టుదిట్టంగా బౌలింగ్ చేసి జట్టు విజయంలో ప్రధాన పాత్ర పోషించాడు. బౌలింగ్లో డఫీ తన మార్క్ చూపించి RCBకి సీజన్ తొలి విజయాన్ని అందించాడు.
IPL 2026 సీజన్ తొలి మ్యాచ్లోనే RCB అదిరిపోయే విజయాన్ని అందుకుంది. SRH నిర్దేశించిన 202 పరుగుల భారీ లక్ష్యాన్ని కేవలం 15.4 ఓవర్లలోనే 4 వికెట్లు కోల్పోయి ఛేదించింది. పడిక్కల్(61) విధ్వంసానికి తోడు, కోహ్లీ(69*) అజేయ హాఫ్ సెంచరీతో రాణించాడు. దీంతో RCB 6 వికెట్ల తేడాతో ఘనవిజయం సాధించి పాయింట్ల పట్టికలో ఖాతా తెరిచింది. అంతకుముందు SRH 201/9 పరుగులు చేసింది.
IPL 2026 సీజన్ తొలి మ్యాచ్లోనే విరాట్ కోహ్లీ తన ఫామ్ను చాటుకున్నాడు. SRHతో జరుగుతున్న ఛేదనలో కేవలం 33 బంతుల్లోనే హాఫ్ సెంచరీ(2 ఫోర్లు, 4 సిక్సర్లు) పూర్తి చేసుకున్నాడు. ఒకవైపు వికెట్లు పడుతున్నా, కోహ్లీ ఎక్కడా తగ్గకుండా ఆడుతూ RCBని గెలుపు తీరాలకు చేరుస్తున్నాడు. ప్రస్తుతం 14.2 ఓవర్లు ముగిసేసరికి RCB స్కోరు 183/4. RCB విజయానికి ఇంకా 32 బంతుల్లో 19 పరుగులు కావాలి.
SRHతో మ్యాచ్లో RCBకి డబుల్ షాక్ తగిలింది. డేవిడ్ పేయిన్ వేసిన 13వ ఓవర్లో రజత్ పాటిదార్(31), జితేశ్ శర్మ(0) వరుసగా అవుట్ కావడంతో RCB నాలుగో వికెట్ కోల్పోయింది. ప్రస్తుతం 13 ఓవర్లు ముగిసేసరికి RCB స్కోరు 163/4. విజయానికి ఇంకా 42 బంతుల్లో 39 పరుగులు అవసరం. ఒకవైపు వికెట్లు పడుతున్నా స్టార్ బ్యాటర్ విరాట్ కోహ్లీ(47*) క్రీజులో ఉండి ఇన్నింగ్స్ను నడిపిస్తున్నాడు.
SRHతో మ్యాచ్లో RCB బ్యాటర్లు పరుగుల వర్షం కురిపిస్తున్నారు. 10 ఓవర్లు ముగిసేసరికి RCB 126/2 స్కోరు సాధించింది. IPLలో RCBకి ఇది 10 ఓవర్లలో మూడో అత్యధిక స్కోరు. గతంలో 2016లో పంజాబ్పై 129/0, 2013లో పూణెపై 128/0 నమోదు చేయగా, ఇప్పుడు తాజా ప్రదర్శనతో మూడో స్థానంలో నిలిచింది. పడిక్కల్(61) అవుటైనా, కోహ్లీ తనదైన ఆటతో ఇన్నింగ్స్ను నడిపిస్తున్నాడు.
SRHతో జరుగుతున్న మ్యాచ్లో RCB బ్యాటర్ దేవ్దత్ పడిక్కల్ వీరవిహారం చేశాడు. కేవలం 21 బంతుల్లోనే హాఫ్ సెంచరీ మార్కును అందుకున్నాడు. మొత్తం 26 బంతుల్లో 61 పరుగులు(7 ఫోర్లు, 4 సిక్సర్లు) చేసిన పడిక్కల్.. జట్టు స్కోరు 110 వద్ద రెండో వికెట్గా వెనుదిరిగాడు. పడిక్కల్ మెరుపు ఇన్నింగ్స్తో RCB భారీ ఛేదనలో పటిష్ట స్థితిలో నిలిచింది. కోహ్లీ క్రీజులో ఉన్నాడు.
SRHతో జరుగుతున్న మ్యాచ్లో RCB బ్యాటర్ దేవ్దత్ పడిక్కల్ వీరవిహారం చేశాడు. కేవలం 21 బంతుల్లోనే హాఫ్ సెంచరీ మార్కును అందుకున్నాడు. మొత్తం 26 బంతుల్లో 61 పరుగులు(7 ఫోర్లు, 4 సిక్సర్లు) చేసిన పడిక్కల్.. జట్టు స్కోరు 110 వద్ద రెండో వికెట్గా వెనుదిరిగాడు. పడిక్కల్ మెరుపు ఇన్నింగ్స్తో RCB భారీ ఛేదనలో పటిష్ట స్థితిలో నిలిచింది. కోహ్లీ క్రీజులో ఉన్నాడు.
IPL 2026లో RCBతో జరుగుతున్న మ్యాచ్లో SRH కెప్టెన్ ఇషాన్ కిషన్ చరిత్ర సృష్టించాడు. IPLలో సన్రైజర్స్ హైదారాబాద్ తరఫున కెప్టెన్సీ అరంగేట్రంలో అత్యధిక స్కోర్ సాధించిన ఆటగాడిగా నిలిచాడు. గతంలో ఈ రికార్డు మనీశ్ పాండే (69*) పేరిట ఉండేది. ఇషాన్ మరో ఘనత కూడా సాధించాడు. IPL కెప్టెన్సీ అరంగేట్రంలో అత్యధిక స్కోర్లు చేసిన ఆటగాళ్ల జాబితాలో ఆరో స్థానంలో నిలిచాడు.
