NZB: మోపాల్ మండలం సిర్పూర్ శివారు అటవీ సమీపంలో చిరుత కూన సంచారంతో ప్రజలు భయాందోళనలకు గురవుతున్నారు. గత వారం రోజుల్లో రెండు సార్లు చిరుత కూన వచ్చినట్లు అక్కడ ఏర్పాటు చేసిన సీసీ కెమెరాల్లో నమోదైంది. ఈ విషయంపై ముదక్పల్లి సెక్షన్ అధికారి బాసిత్ మాట్లాడుతూ.. చిరుత కూన సంచారంతో ప్రజలు అప్రమత్తంగా ఉండాలన్నారు.
WNP: కాంగ్రెస్ పార్టీ సిద్ధాంతాలు, ప్రభుత్వం అమలు చేస్తున్న పథకాలు ప్రజలకు చేరవేయడంలో పార్టీ మండల అధ్యక్షులది కీలక పాత్ర ఉంటుందని రాష్ట్ర ప్రణాళికా సంఘం ఉపాధ్యక్షుడు చిన్నారెడ్డి అన్నారు. ఆయన స్వగృహంలో గోపాల్పేట మండల పార్టీ మండలాధ్యక్షుడు నరహరిని శాలువా కప్పి సన్మానించారు. రాబోయే జడ్పీటీసీ, ఎంపీటీసీ ఎన్నికల్లో పార్టీ గెలుపుకు కృషి చేయాలని కోరారు.
కాకినాడ: వేట్లపాలెం దుర్ఘటన నేపథ్యంలో సస్పెండైన పెద్దాపురం డీఎస్పీ శ్రీహరిరాజుపై ఉన్న సస్పెన్షన్ను ప్రభుత్వం ఎత్తివేసింది. ఇదే కేసులో సస్పెండైన ఆర్డీవో శ్రీరమణిపై వేటును గత నెలలోనే తొలగించగా, తాజాగా డీఎస్పీపై కూడా సస్పెన్షన్ తొలగించి ఆయనను అమరావతి SBకి అటాచ్ చేశారు. శ్రీహరిరాజుపై సస్పెన్షన్ వేటు తొలగించడం పట్ల పలువురు పోలీసులు హర్షం వ్యక్తం చేశారు.
VZM: ఇటీవల ఏపీ రాష్ట్ర ప్రభుత్వం జారీ చేసిన GO 30ను రద్దు చేయాలని బుధవారం భోగాపురం MRO తహసీల్దార్ హరికి రైతులు వినతిపత్రం అందజేసారు. అభివృద్ధి పేరిట ఐటీ, డేటా సెంటర్లకు భూములు ఇస్తే తామంతా రోడ్డున పడతామని వారు వాపోయారు. వ్యవసాయమే ఆధారంగా జీవిస్తున్న తమకు అన్యాయం చేయవద్దని మొరపెట్టుకున్నారు. ఈ మేరకు తమ గోడును ఉన్నతాధికారుల దృష్టికి తీసుకువెళ్లాలన్నారు.
తూ.గో: నిడదవోలు ఫ్లెఓవర్ బ్రిడ్జ్, రైల్వే స్టేషన్ సమీపంలో బుధవారం గుర్తుతెలియని వ్యక్తి మృతదేహాన్ని రైల్వే పోలీసులు గుర్తించారు. సుమారు 35-40 సంవత్సరాల వయస్సు గల సదరు వ్యక్తి రైల్వే ట్రాక్ వెంబడి నడుచుకుంటూ వెళ్తుండగా, విజయవాడ వైపు వెళ్లే రైలు ఢీకొట్టినట్లు తెలుస్తోంది. ప్రమాదంలో తలపై బలమైన గాయం కావడంతో ఆ వ్యక్తి అక్కడికక్కడే మృతి చెందినట్లు తెలుస్తోంది.
BPT: చీరాల శాసనసభ్యులు మాల కొండయ్య నియోజకవర్గంలో పర్యటించనున్నారు. ఉదయం 9:00గంటలకు ఎన్టీఆర్ జయంతి వేడుకల్లో పాల్గొంటారు. 10గంటలకు కార్యాలయంలో వర్చువల్ మహానాడులో పాల్గొంటారు. 11:00 గంటలకు వేటపాలెంలో చలివేంద్రాన్ని ప్రారంభిస్తారు. అనంతరం క్లస్టర్ల వారిగా జరుగుతున్న మహానాడు కార్యక్రమాల్లో పాల్గొంటారని కార్యాలయ సిబ్బంది తెలిపారు.
PDPL: జిల్లాలో క్రీడల అభివృద్ధి, మౌలిక సదుపాయాల కల్పనకు చర్యలు తీసుకుంటున్నట్లు జిల్లా క్రీడల అధికారి ఏ.సురేష్ బుధవారం తెలిపారు. గ్రామీణ స్థాయి క్రీడాకారులను ప్రోత్సహించేందుకు ప్రణాళికలు రూపొందిస్తున్నామని పేర్కొన్నారు. యువత ప్రలోభాలు, వ్యసనాలకు లోను కాకుండా క్రీడలకు పెద్దపీట వేస్తున్నట్లు వెల్లడించారు. అవకాశాలను యువత వినియోగించుకోవాలని ఆయన కోరారు.
BDK: అకాల వర్షాల నేపథ్యంలో ధాన్యం కొనుగోళ్లపై రాష్ట్ర మంత్రి ఉత్తమ్ కుమార్ రెడ్డి వీడియో కాన్ఫరెన్స్ ద్వారా జిల్లా కలెక్టర్లతో సమీక్ష నిర్వహించారు. తడిసిన ధాన్యాన్ని కూడా ప్రభుత్వం కొనుగోలు చేస్తుందని తెలిపారు. రైతులు ఆందోళన చెందాల్సిన అవసరం లేదని స్పష్టం చేశారు. జిల్లా కలెక్టర్ కార్యాలయం నుంచి కలెక్టర్ అంకిత్, అధికారులు సమావేశంలో పాల్గొన్నారు.
AKP: అచ్యుతాపురం నాలుగు రోడ్ల జంక్షన్లో ఫ్లైఓవర్ నిర్మాణ పనుల్లో భాగంగా గత నాలుగు రోజులుగా కొనసాగిన గడ్డర్లు పనులు పూర్తయ్యాయని సీఐ చంద్రశేఖర్ రావు తెలిపారు. దీంతో గురువారం ఉదయం నుంచి నాలుగు రోడ్ల జంక్షన్ సహా ఇతర మార్గాలపై అమల్లో ఉన్న ట్రాఫిక్ ఆంక్షలను పూర్తిగా ఎత్తివేస్తున్నట్లు వెల్లడించారు. ఇకపై అన్ని వాహనాలు యథావిధిగా రాకపోకలు సాగించవచ్చన్నారు.
JGL: మెట్పల్లి మున్సిపాలిటీ పరిధిలోని బ్లూఫాక్స్ వెనుక 8, 9 వార్డుల్లో అనుమతి లేకుండా ఏర్పాటు చేసిన లేఅవుట్లపై అధికారులు బుధవారం చర్యలు చేపట్టారు. జేసీబీతో హద్దురాళ్లు, ఖనీలను తొలగించినట్లు మున్సిపల్ కమిషనర్ శ్రీనివాస్ గౌడ్ తెలిపారు. అనుమతులు లేని ప్లాట్లు కొనుగోలు చేస్తే భవిష్యత్తులో నిర్మాణ అనుమతులు ఇవ్వబడవని హెచ్చరించారు.
AP: TDP మహానాడు రెండో రోజు కొనసాగనుంది. ఉదయం 9:30 గంటలకు పార్టీ కార్యాలయానికి సీఎం చంద్రబాబు వెళ్లనున్నారు. ఉదయం 10 గంటలకు ఎన్టీఆర్కు నివాళులతో కార్యక్రమాలు ప్రారంభం కానున్నారు. సాయంత్రం 5 గంటలకు జాతీయ అధ్యక్షుడు చంద్రబాబు ప్రసంగం చేయనున్నారు.
ADB: భార్య కాపురానికి రావడం లేదని భర్త ఆత్మహత్య చేసుకున్న ఘటన తలమడుగు మండలంలోని కజ్జర్ల గ్రామంలో చోటుచేసుకుంది. బరంపూర్ గ్రామానికి చెందిన అనితకు కజ్జర్ల గ్రామానికి చెందిన అమూల్తో గత నాలుగేళ్ల కిందట వివాహమైంది. వీరిద్దరి మధ్య గొడవలతో పుట్టింటికి వెళ్ళిన అనిత తిరిగి రాకపోవడంతో అమూల్ బుధవారం పురుగుల మందు తాగి ఆత్మహత్య చేసుకున్నట్లు SI రాధిక తెలిపారు.
GNTR: ఫిరంగిపురం మండలం గుండాలపాడు గ్రామంలో విద్యుత్ తీగలు తగిలి రెండు గేదెలు మృతి చెందాయి. గ్రామానికి చెందిన నీలం శ్రీనివాసరావు, తాళ్లూరి సాంబశివరావుల గేదెలు పొలంలో మేత మేస్తుండగా 11 కేవీ విద్యుత్ తీగలు తగలడంతో బుధవారం మధ్యాహ్నం అక్కడికక్కడే చనిపోయాయి. సమాచారం అందుకున్న ఫిరంగిపురం విద్యుత్ ఏఈ దుర్గాప్రసాద్, తహసీల్దార్ ప్రసాదరావు పరిశీలించారు.
అన్నమయ్య: రాజంపేట – తిరుపతి మెయిన్ రోడ్డులో ఇండియన్ ఆయిల్ పెట్రోల్ బంక్ వద్ద అక్రమంగా నిల్వ ఉన్న 10 మద్యం బాటిళ్లను స్వాధీనం చేసుకున్నామని అర్బన్ CI నాగార్జున తెలిపారు. రాబడిన సమాచారం మేరకు సిబ్బందితో వెళ్లి దాడులు నిర్వహించామన్నారు. మద్యం విక్రయిస్తున్న రాజంపేట(M) వెంకట రాజంపేటకు చెందిన పల్లెపాగు శివయ్యను అరెస్టు చేసి మద్యం బాటిళ్లను స్వాధీనం చేసుకున్నామన్నారు.
BPT: వేటపాలెం బైపాస్లోని గాయత్రి రెస్టారెంట్ సమీపంలో జాతీయ రహదారి-216పై రాత్రి రోడ్డు ప్రమాదం జరిగింది. కొణిజేటి నగర్కు చెందిన పఠాన్ యాసిన్ ప్రయాణిస్తున్న ద్విచక్ర వాహనాన్ని AP 29S 6868 నంబర్ గల కారు వెనుక నుంచి ఢీకొట్టి ఆపకుండా వెళ్లిపోయినట్లు సమాచారం. స్థానికుల సమాచారంతో ఘటన స్థలానికి చేరుకున్న పోలీసులు దర్యాప్తు చేపట్టారు.
