మెగా పవర్ స్టార్ రామ్ చరణ్ హీరోగా.. శంకర్ దర్శకత్వంలో ఆర్సీ 15 ప్రాజెక్ట్ తెరకెక్కుతున్న సంగతి తెలిసిందే. ఆర్ఆర్ఆర్ తర్వాత చరణ్ నుంచి వస్తున్న బిగ్గెస్ట్ పాన్ ఇండియా చిత్రం కావడంతో.. ఈ సినిమా ఎప్పుడెప్పుడు విడుదలవుతుందా.. అని ఆసక్తిగా ఎదురు చూస్తున్నారు మెగాభిమానులు. కానీ ఇప్పటి వరకు ఈ సినిమాకు సంబంధించిన ఎలాంటి అప్టేట్స్ ఇవ్వడం లేదు. ముందుగా ఈ సినిమాను వచ్చే సంక్రాంతి కానుకగా విడుదల చేయబోతున్నట్లుగా ప్రకటించారు నిర్మాత దిల్ రాజు. కానీ ఆర్సీ 15 షూటింగ్ లేట్ అవడంతో.. రేసులోకి వారసుడును తీసుకొచ్చాడు. దాంతో వచ్చే సమ్మర్లో చరణ్ సినిమాను రిలీజ్ చేసేందుకు ప్లాన్ చేస్తున్నారు. అయితే ఈ లోపు కనీసం ఫస్ట్ లుక్, టీజర్ అయినా రిలీజ్ చేయాలని అంటున్నారు అభిమానులు. ఈ నేపథ్యంలో.. ఓ సర్ప్రైజింగ్ న్యూస్ ఒకటి సోషల్ మీడియాలో వైరల్ అవుతోంది. సంక్రాంతి సందర్భంగా రామ్‌చరణ్‌ ఫస్ట్‌లుక్‌ టైటిల్‌ను రిలీజ్ చేసే ఆలోచనలో ఉన్నట్టు తెలుస్తోంది. అలాగే ఓ స్పెషల్‌ గ్లింప్స్‌ను కూడా రిలీజ్ చేయబోతున్నారట. త్వరలోనే దీనిపై అఫీషియల్ అనౌన్స్మెంట్ రాబోతున్నట్టు టాక్. ఇకపోతే.. ఇటీవలె న్యూజిలాండ్‌లో ఓ సాంగ్ షూట్ చేసిన చిత్ర యూనిట్.. సంక్రాంతి తర్వాత చివరి షెడ్యూల్ స్టార్ట్ చేయబోతున్నట్టు తెలుస్తోంది. ఫైనల్‌గా ఫిబ్రవరి వరకు ఈ సినిమా షూటింగ్ కంప్లీట్ చేయాలని భావిస్తున్నాడట శంకర్. దాంతో సమ్మర్లో ఆర్సీ 15 రిలీజ్ పక్కా అంటున్నారు. ఇక కియారా అద్వానీ హీరోయిన్‌గా నటిస్తున్న ఈ సినిమాలో.. అంజలి, శ్రీకాంత్, సునీల్‌ కీలకపాత్రలో నటిస్తున్నారు.
