గుంటూరు కారం(guntur karam) మూవీ షూటింగ్ కోసం ప్రస్తుతం సూపర్ స్టార్ మహేష్ బాబు(mahesh babu) మళ్లీ రంగంలోకి దిగాడు. కొత్త షెడ్యూల్ షూటింగ్ శనివారం హైదరాబాద్ శివార్లలో ప్రారంభమైంది. మహేష్‌తో పాటు ఇతర నటీనటులపై కీలక సన్నివేశాలను చిత్రీకరిస్తున్నారు. ఏప్రిల్ మొదటి వారం వరకు షూటింగ్ జరుపుకున్న ఈ సినిమా…సుదీర్ఘ విరామం తర్వాత మళ్లీ మొదలైంది. మహేశ్‌-త్రివిక్రమ్ కాంబినేషన్‌లో వస్తున్న మూడో సినిమా ఇది. శ్రీలీల కథానాయిక. హారిక అండ్ హాసిని క్రియేషన్స్ బ్యానర్‌పై ఎస్.రాధాకృష్ణ నిర్మిస్తున్నారు. ఈ ఇంట్రెస్టింగ్ కాంబినేషన్ లో ప్రాజెక్ట్ అనుకున్నప్పటి నుంచి ఎన్నో అవాంతరాలు ఎదురయ్యాయి. కొన్ని నెలల విరామం తర్వాత ఎట్టకేలకు ఈ సినిమా షూటింగ్ మళ్లీ ప్రారంభం కావడంతో మహేష్ అభిమానులు ఆనందంలో ఉన్నారు.
ఇది కూడా చూడండి: Tholi prema Re Release: ‘తొలిప్రేమ’ రీ రిలీజ్ ఈవెంట్.. ఫోటో గ్యాలరీ
‘గుంటూరు కారం’ మహేశ్‌కి 28వ సినిమా కాగా, ఆయన 29వ చిత్రాన్ని అగ్ర దర్శకుడు రాజమౌళి(rajamouli)తో చేయనున్న సంగతి తెలిసిందే. ఈ చిత్రం వచ్చే ఏడాది మొదలుకానుంది. అయితే ఈ ప్రాజెక్ట్ గురించి రచయిత విజయేంద్ర ప్రసాద్(vijayendra prasad) ఇటీవల బాలీవుడ్ మీడియాతో కొన్ని ఆసక్తికరమైన విషయాలను పంచుకున్నారు. ఈ చిత్రం పూర్తి యాక్షన్-అడ్వెంచర్ డ్రామాగా అనేక భావోద్వేగాలతో ఉంటుందని వెల్లడించారు. ఇది స్టీవెన్ స్పీల్‌బర్గ్, హారిసన్ ఫోర్డ్ వంటి రైడర్స్ ఆఫ్ ది లాస్ట్ ఆర్క్ తరహాలో ఉంటుందని చెప్పాడు. జులై నెలాఖరులోగా స్క్రిప్ట్‌ను పూర్తి చేయాలని భావిస్తున్నట్లు స్టార్ రైటర్ పేర్కొన్నాడు. ఆసక్తికరంగా సీక్వెల్‌కు అవకాశం కల్పించడానికి ఉద్దేశపూర్వకంగా క్లైమాక్స్‌ను ఓపెన్ ఎండ్‌గా ఉంచుతున్నట్లు ప్రసాద్ వెల్లడించాడు.
ప్రస్తుతం మహేష్ బాబు త్రివిక్రమ్ దర్శకత్వంలో గుంటూరు కారం(guntur karam) సినిమాలో నటిస్తున్నాడు. ఇది జనవరి 13, 2024న విడుదల కానుంది. ఈ సినిమాలో హీరోయిన్లుగా పూజా హెగ్డే, శ్రీలీల పేర్లను చిత్ర బృందం ప్రకటించింది. అయితే ఇటీవల పూజా హెగ్డే తప్పుకుంది. ఇప్పుడు ఆ ప్లేస్‌లో మరో హీరోయిన్ ఎవరనేది ఆసక్తికరంగా మారింది. శ్రీలీల కథానాయికగా నటిస్తుండగా, మీనాక్షి చౌదరి మరో పాత్రకు దాదాపు కన్ఫర్మ్ అయినట్లు సమాచారం.
