పవర్ స్టార్ పవన్ కళ్యాణ్, క్రిష్ జాగర్లమూడి కాంబినేషన్లో.. భారీ పీరియాడికల్ డ్రామాగా ‘హరి హర వీరమల్లు’ మూవీ తెరకెక్కుతున్న సంగతి తెలిసిందే. భీమ్లా నాయక్ తర్వాత పవన్ నుంచి వస్తున్న సినిమా ఇదే. ఇందులో వీరమల్లు అనే యోధుడిగా కనిపించనున్నాడు పవన్. ఇక పవన్ కళ్యాణ్ పుట్టినరోజు సందర్భంగా.. ఈ మూవీ నుండి పవర్ గ్లాన్స్ పేరుతో ఓ వీడియో రిలీజ్ చేశారు. ఇక ఈ విడియో చూసిన తర్వాత హరిహర వీరమల్లు పై వస్తున్న పుకార్లకు చెక్ పెట్టినట్టయింది.
ఇది అంచనాలకు మించి ఉండడంతో.. భారీగా అంచనాలు పెరిగిపోయాయి. పవర్ స్టార్ బర్త్ డే సందర్భంగా అదిరిపోయే గిఫ్ట్ వచ్చిందని అంటున్నారు అభిమానులు. ముందుగా పవన్ పుట్టినరోజు కానుకగా సాయంత్రం పవర్ గ్లాన్స్ విడుదల చేయాలనుకున్నారు. కానీ ఫ్యాన్స్‌లో మరింత జోష్ నింపేందుకు ఉదయం 10 గంటల 15 నిమిషాలకే.. పవన్ కు బర్త్ డే విషెస్ చెప్తూ పవర్ గ్లాన్స్ వీడియో రిలీజ్ చేశారు. ఇందులో.. మెడల్ని వంచి, కథల్ని మార్చి.. కొలిక్కితెచ్చే పనెట్టుకొని.. తొడకొట్టాడో తెలుగోడు.. అంటూ వచ్చే పదాలతో.. పవర్ స్టార్ పట్టిన కుస్తీ పట్టు మామూలుగా లేదు. దాంతో పవర్ గ్లాన్స్ దుమ్ము దులిపేసింది. ఈ క్రమంలో PowerGlance హ్యాష్ టాగ్‌తో సోషల్ మీడియా షేక్ అయిపోతోంది. పైగా తొలిసారిగా పవర్ స్టార్ పవన్ కళ్యాణ్ చేస్తున్న భారీ పాన్ ఇండియా మూవీ కావడంతో.. ఫ్యాన్స్ ఓ రేంజ్‌లో హంగామా చేస్తున్నారు. ఇక నిధి అగర్వాల్ హీరోయిన్‌గా నటిస్తున్న ఈ సినిమాను.. మెగా సూర్య ప్రొడక్షన్స్ బ్యానర్ మీద ఎ.ఎం.రత్నం నిర్మిస్తున్నారు. ఏదేమైనా ఈ సినిమాతో పవన్ పాన్ ఇండియా మార్కెట్‌ను షేక్ చేయడం పక్కా అని చెప్పొచ్చు.
