విభిన్న పాత్రలతో టాలీవుడ్‌(Tollywood)లో మంచి నటుడిగా సత్యదేవ్(Satyadev) గుర్తింపు పొందారు. ‘జ్యోతి లక్ష్మి’ సినిమాతో హీరోగా ఎంట్రీ ఇచ్చిన సత్యదేవ్ ఆ తర్వాత మంచి సినిమాలు చేసి విజయాలు సాధించాడు. ‘బ్లఫ్ మాస్టర్’ మూవీతో సత్యదేవ్ క్రేజ్ భారీగా పెరిగింది. గతంలో క్యారెక్టర్ ఆర్టిస్టుగా, విలన్‌గానూ సత్యదేవ్ మెప్పించారు. ‘గాడ్ ఫాదర్’ మూవీలో మెగాస్టార్ చిరంజీవి(Megastar Chiranjeevi)కి విలన్‌గానూ నటించారు.
‘ఫుల్ బాటిల్’ మూవీ టీజర్ :
గత ఏడాది సత్యదేవ్(Satyadev) ఐదు సినిమాలతో ప్రేక్షకుల ముందుకు వచ్చాడు. తాజాగా ‘ఫుల్ బాటిల్’ మూవీ(Full Bottle Movie)తో తెరపైకి రానున్నాడు. ఈ మూవీకి శరణ్ కొప్పిశెట్టి దర్శకత్వం వహించారు. ఈ మూవీ కథ, స్క్రీన్ ప్లే కొత్తగా ఉంటాయని మేకర్స్ ప్రటించారు. గతంలో శరణ్ ‘తిమ్మరుసు’ మూవీ చేసిన సంగతి తెలిసిందే. వీరిద్దరి కాంబోలో ఇప్పుడు ఫుల్ బాటిల్ తెరకెక్కుతోంది.
చదవండి: Ms Shetty Mr Polishetty Movie: మిస్‌ శెట్టి మిస్టర్‌ పొలిశెట్టి నుంచి మరో క్రేజీ అప్‌డేట్
‘ఫుల్ బాటిల్’ మూవీ(Full Bottle Movie)లో మెర్క్యూరీ సూరీ అనే మాస్ ఆటో డ్రైవర్ పాత్రలో హీరో సత్యదేవ్ కనిపించనున్నారు. గతంతో ఈ మూవీకి సంబంధించి ఫస్ట్ లుక్ పోస్టర్ ను మేకర్స్ రిలీజ్ చేశారు. తాజాగా ఈ మూవీ టీజర్ ను చిత్ర యూనిట్ విడుదల(Teaser Release) చేసింది. పోర్టు సిటీ కాకినాడ నేపథ్యంలో ఈ మూవీ కథ సాగుతుంది. ఈ మూవీ మాస్ యాక్షన్, వినోదభరిత చిత్రంగా ఉండనున్నట్లు టీజర్(Teaser)ను చూస్తేనే అర్థమవుతోంది.
