Prabhas Kalki's new record
Kalki: ప్రభాస్ నటించిన కల్కి సినిమా నాలుగో వారం కూడా అదే జోరుతో కొనసాగిస్తోంది. భాషతో సంబంధం లేకుండా అన్ని ఏరియాల్లో బ్లాక్ బస్టర్ హిట్టయింది. ఇప్పుడు సరికొత్త రికార్డు సృష్టించింది. ఇప్పటికే వెయ్యి కోట్ల క్లబ్‌లోకి చేరిన ఈ సినిమా ఆర్ఆర్ఆర్ సినిమాను దాటేసింది. సినిమా ఎప్పుడో బ్రేక్ ఈవెన్ అయిన విషయం తెలిసిందే. ఇప్పుడు నిర్మాతలు, బయ్యర్లు కూడా చాలా లాభాలను అర్జించారు.
చదవండి:మహేష్ ప్రతీ ఏడాదీ 30 కోట్ల ఖర్చు… వారి కోసమే
తెలుగు రాష్ట్రాల్లో విడుదలైన 27 రోజుల్లో ఈ సినిమా 285 కోట్ల రూపాయల గ్రాస్ కలెక్ట్ చేసింది. ఈ వీకెండ్ కు ఈ సినిమా 300 కోట్ల గ్రాస్ చేసే అవకాశం ఉంది. ఇక ఇదే ఊపు కొనసాగితే, కల్కి సినిమా మరో అరుదైన రికార్డ్ సృష్టిస్తుంది. నైజాంలో ఈ సినిమా 100 కోట్ల రూపాయల షేర్ సాధించబోతుంది. ప్రస్తుతం ఈ సినిమా వసూళ్లు 90 కోట్ల రూపాయల మార్క్ దాటాయి. మరో 10 కోట్లు వసూళ్లు సాధిస్తే, నైజాంలో అత్యంత అరుదైన రికార్డ్ కల్కి సాధిస్తుంది. అలాగే ఉత్తరాంధ్ర, సీడెడ్ లో కూడా బయ్యర్లు పూర్తిగా రికవర్ అయ్యారు. ఈ సినిమాతో వైజయంతీ మూవీస్ మరోసారి తన ఘనత దక్కించుకుంది. భారీ బడ్జెట్‌తో అత్యంత రిస్కీ మూవీ తీసి, పెద్ద హిట్ కొట్టింది.
హిందీ ప్రాంతాల్లో సైతం కల్కీ మూవీ అదరహో అనిపిస్తున్నాయి. కొత్త కొత్త సినిమాలు రిలీజ్‌ అవుతున్నప్పటికీ కల్కీ ఇప్పటికి ఆడుతుంది. కేవలం హిందీలోనే రూ. 280 కోట్లు వసుళ్లు చేసింది.
చదవండి:Akash Puri: పేరు మార్చుకున్న పూరి తనయుడు
