BDK: ఉగాది, రంజాన్ పండుగల నేపథ్యంలో పలు కార్పొరేట్ కంపెనీల ఉద్యోగులు సొంతూళ్లకు వెళ్లేందుకు ప్లాన్ చేస్తున్నారు. గురువారం ఉగాది, శనివారం రంజాన్ సెలవు దినాలు కావడంతో శుక్రవారం ఒక్కరోజు లీవ్ పెడితే ఆదివారంతో కలిపి వరుసగా 4 రోజులు సెలవులు రానున్నాయి. ఇక పండుగ రద్దీ దృష్ట్యా 17, 18వ తేదీల్లో TGSRTC ప్రత్యేక బస్సులు నడపనున్నట్లు ప్రకటించింది.
KMM: మహాత్మా గాంధీ గ్రామీణ ఉపాధి హామీ చట్టాన్ని నీరుగార్చే విధంగా కేంద్ర ప్రభుత్వం వ్యవహరిస్తోందని అఖిల భారత ప్రగతిశీల వ్యవసాయ కార్మిక సంఘం ఖమ్మం జిల్లా ప్రధాన కార్యదర్శి హనుమంతరావు విమర్శించారు. రామ నరసయ్య విజ్ఞాన కేంద్రంలో జరిగిన సమావేశంలో ఆయన మండిపడ్డారు. ఉపాధి హామీ పథకం పేరు మార్చి మతాల మధ్య విద్వేషాలు చెలరేగేలా చేస్తున్నారని తెలిపారు.
ములుగు జిల్లా ఆసుపత్రిలో అడ్మినిస్ట్రేటివ్ ఆఫీసర్(ఏవో)గా మల్లెల ఉమ సోమవారం బాధ్యతలు స్వీకరించారు. ఈ పదవిని చేపట్టిన తొలి ఆదివాసి మహిళగా ఆమెను ఆదివాసి ఉద్యోగుల సంఘం, తుడుం దెబ్బ నాయకులు శాలువాతో సన్మానించారు. ఆరోగ్యశాఖలో జూనియర్ అసిస్టెంట్గా చేరిన ఉమ పలు పదోన్నతులు పొంది ఈ స్థాయికి చేరుకున్నారు. ఈ కార్యక్రమంలో ఆదివాసి నాయకులు, ఉద్యోగులు పాల్గొన్నారు.
ASF: పదవీ విరమణ పొందుతున్న హోంగార్డులను జిల్లా ఎస్పీ నితిక పంత్ జిల్లా పోలీస్ కార్యాలయంలో సోమవారం సత్కరించారు. కాగజ్నగర్ టౌన్ పోలీస్ స్టేషన్లో విధులు నిర్వహిస్తున్న 1984 బ్యాచ్కు చెందిన సూర్యం, 1989 బ్యాచ్కు చెందిన బిక్షపతి పదవీ విరమణ పొందారు. పదవి విరమణ అనంతరం శేష జీవితం ఆనందంగా గడపాలని SP కోరుకున్నారు.
KNR: అత్యుత్తమ విద్యా బోధనకు కేరాఫ్ అడ్రస్గా మహాత్మ జ్యోతిబాపూలే గురుకులాన్ని తీర్చిదిద్దాలని జిల్లా కలెక్టర్ చిత్రా మిశ్రా అధికారులకు సూచించారు. అత్యుత్తమ విద్యను బోధించాలని మంచి ఫలితాలు సాధించి గురుకులాన్ని టాప్లో నిలబెట్టాలని పేర్కొన్నారు. తిమ్మాపూర్లోని మహాత్మ జ్యోతిబాపూలే గురుకుల బాలికల పాఠశాల జిల్లా కలెక్టర్ సోమవారం ఆకస్మికంగా తనిఖీ చేశారు.
MNCL: అప్రమత్తతతోనే అగ్ని ప్రమాదాలను నివారించవచ్చని జన్నారం మండల ఫైర్ ఆఫీసర్ శ్రీనివాస్ అన్నారు. వేసవి నేపథ్యంలో జన్నారంలోని వివిధ పాఠశాలల ఉపాధ్యాయులకు, విద్యార్థులకు అగ్ని ప్రమాదాలు, వాటి నివారణపై అవగాహన కల్పించారు. ఇంటి పరిసరాలలో చెత్తాచెదారం, గడ్డివాములు ఉంటే ఎక్కువగా ప్రమాదాలు జరుగుతాయన్నారు. అగ్ని ప్రమాదాలు జరిగినప్పుడు సమాచారం ఇవ్వాలన్నారు.
MNCL: అప్రమత్తతతోనే అగ్ని ప్రమాదాలను నివారించవచ్చని జన్నారం మండల ఫైర్ ఆఫీసర్ శ్రీనివాస్ అన్నారు. వేసవి నేపథ్యంలో జన్నారంలోని వివిధ పాఠశాలల ఉపాధ్యాయులకు, విద్యార్థులకు అగ్ని ప్రమాదాలు, వాటి నివారణపై అవగాహన కల్పించారు. ఇంటి పరిసరాలలో చెత్తాచెదారం, గడ్డివాములు ఉంటే ఎక్కువగా ప్రమాదాలు జరుగుతాయన్నారు. అగ్ని ప్రమాదాలు జరిగినప్పుడు సమాచారం ఇవ్వాలన్నారు.
NZB: మండల ప్రత్యేక అధికారులు అందరూ తప్పనిసరిగా క్షేత్రస్థాయి సందర్శనలు జరపాలని కలెక్టర్ ఇలా త్రిపాఠి సూచించారు. సోమవారం కలెక్టరేట్లో అధికారులతో నిర్వహించిన సమీక్షలో ఆమె మాట్లాడారు. వచ్చే రెండు మూడు వారాలు ఎంతో కీలకమైనవన్నారు. ప్రతి అధికారి బాధ్యతాయుతంగా విధులు నిర్వర్తించాలన్నారు. మండల ప్రత్యేక అధికారులు తమ మండలాల పరిధిలోని గ్రామ సభలను సందర్శించన్నారు.
GDWL: డిజిటల్ క్రాఫ్ట్ సర్వే, ఫార్మర్ రిజిస్ట్రీ పక్కాగా నిర్వహించాలని గద్వాల కలెక్టర్ రిజ్వాన్ బాషా షేక్ వ్యవసాయ శాఖ అధికారులకు సూచించారు. సోమవారం మండలంలోని గోనుపాడు శివారులో పంట పొలాలు పరిశీలించారు. ఈ సందర్భంగా రైతులతో మాట్లాడి పంటల దిగుబడి ఎలా ఉందని అడిగి తెలుసుకున్నారు. మరో నెల రోజుల్లో అన్ని పంటలు చేతికి వస్తాయని రైతులు తెలిపారు.
GDWL: జిల్లాలో కొత్తగా ఏర్పడిన ఎర్రవల్లి మండల అభివృద్ధికి సహకరించాలని ఎర్రవల్లి మాజీ సర్పంచ్ జోగుల రవి, కాంగ్రెస్ మండల అధ్యక్షుడు వెంకటేష్ యాదవ్ పేర్కొన్నారు. సోమవారం గద్వాల కలెక్టర్ రిజ్వాన్ బాషా షేక్ను కలిసి శాలువాతో సన్మానించి శుభాకాంక్షలు తెలిపారు. ఎర్రవల్లి మండలంలో పూర్తిస్థాయిలో ప్రభుత్వ కార్యాలయాలు ఏర్పాటుచేయాలని కోరారు.
SRPT: అంగన్వాడీల హక్కుల పోరాటాన్ని అణచివేయడం సరికాదని యూనియన్ జిల్లా గౌరవ అధ్యక్షుడు వెంపటి గురూజీ అన్నారు. సోమవారం సూర్యాపేటలో అరెస్టయిన టీచర్లను పరామర్శించిన ఆయన.. ప్రభుత్వం నిర్బంధ పాలన సాగిస్తోందని మండిపడ్డారు. ముఖ్యమంత్రి రేవంత్ రెడ్డి ఇచ్చిన హామీ మేరకు కనీస వేతనం రూ.26 వేలు చెల్లించాలని, సర్పంచ్ల పెత్తనాన్ని రద్దు చేయాలని డిమాండ్ చేశారు.
KMM: అమరజీవి పొట్టి శ్రీరాములు జయంతి వేడుకలను సోమవారం చింతకాని మండలం నాగులవంచ గ్రామంలో జరిపారు. ఆర్యవైశ్య సభ్యులు పొట్టి శ్రీరాములు విగ్రహానికి పూలమాలవేసి నివాళులు అర్పించారు. అనంతరం వారి సేవలను కొనియాడారు. గ్రామ ఆర్యవైశ్య సంఘం ప్రెసిడెంట్ రాజేశ్వరరావు, కృష్ణారావు, మంగయ్య, లింగయ్య, నరేష్ పాల్గొన్నారు.
SRD: పటాన్ చెరువులో రైల్వే స్టేషన్ ఏర్పాటు, పలు అభివృద్ధి అంశాలపై దక్షిణ మధ్య రైల్వే డీజీఎంతో ఎంపీ రఘునందన్ రావు చర్చలు జరుపుతున్నారని పటాన్ చెరువు మాజీ కార్పొరేటర్ మెట్టు కుమార్ యాదవ్ తెలిపారు. ఇవాళ HITTV ప్రతినిధితో మాట్లాడుతూ.. రైల్వే లైన్ కారణంగా ఇళ్లు కోల్పోతున్న బాధితుల పక్షాన నిలుస్తామని, వారికి తగిన నష్టపరిహారం అందేలా చర్యలు తీసుకుంటామని చెప్పారు.
KMM: కలెక్టర్ అనుదీప్ దురిశెట్టి సోమవారం కొణిజర్ల ప్రభుత్వ ఉన్నత పాఠశాలలోని భవిత కేంద్రాన్ని ఆకస్మికంగా తనిఖీ చేశారు. అక్కడ నూతనంగా ఏర్పాటు చేసిన మౌలిక సదుపాయాలు, ఫిజియోథెరపీ, స్పీచ్ థెరపీ పరికరాలను పరిశీలించారు. ప్రత్యేక అవసరాలు కలిగిన పిల్లలకు నాణ్యమైన విద్యను అందిస్తూ, వారి మానసిక వికాసానికి కృషి చేయాలని అధికారులను ఆదేశించారు.
VKB: విద్యా కమిషన్ రిపోర్ట్ పూర్తిగా నిరుద్యోగులను టీచర్లను అవమానించేలా ఉందని గ్రాడ్యుయేట్ ఫెడరేషన్ వ్యవస్థాపక అధ్యక్షుడు నాగేందర్ గౌడ్ పేర్కొన్నారు. జిల్లా కేంద్రంలో తెలంగాణ ఎడ్యుకేషన్పై, ఆకునూరి మురళి కమిటీ ఇచ్చిన రిపోర్ట్పై మీడియా సమావేశం నిర్వహించారు. తక్షణమే ఆయన రిపోర్టును ఎలాంటి పరిగణలోకి తీసుకోవడంలేదని ఈ విషయాన్ని అసెంబ్లీలో సీఎం చెప్పాలని కోరారు.
