South Africa match won by New Zealand team 32nd match
ఐసీసీ వన్డే క్రికెట్ ప్రపంచ కప్ 2023లో ఈరోజు న్యూజిలాండ్‌తో జరిగిన మ్యాచులో దక్షిణాఫ్రికా జట్టు ఘన విజయం సాధించింది. పుణెలోని మహారాష్ట్ర క్రికెట్ అసోసియేషన్ స్టేడియంలో జరిగిన 32వ మ్యాచులో మొదట బ్యాటింగ్ చేసిన దక్షిణాఫ్రికా జట్టు నాలుగు వికెట్ల నష్టానికి 357 పరుగుల భారీ స్కోరు చేసింది. క్వింటన్ డి కాక్, రాస్సీ వాన్ డెర్ డస్సెన్ సెంచరీలు సాధించగా, డేవిడ్ మిల్లర్ అర్ధశతకం బాదాడు.
ఇక తర్వాత ఛేదనకు దిగిన కివీస్ ఆటగాళ్లు 167 పరుగులకే ఆలౌట్ అయ్యారు. దీంతో సౌతాఫ్రికా జట్టు 190 పరుగులతో విజయం సాధించింది. అయితే న్యూజిలాండ్ కెప్టెన్ టామ్ లాథమ్ టాస్ గెలిచి ఫీల్డింగ్ ఎంచుకున్నాడు. లాకీ ఫెర్గూసన్ గాయపడటంతో, టిమ్ సౌతీని బ్లాక్‌క్యాప్‌ల ప్లేయింగ్ 11లోకి తీసుకురాగా, తబ్రైజ్ షమ్సీ దక్షిణాఫ్రికా ప్లేయర్ 11లో రబాడకు అవకాశం కల్పించారు. ఇక ఈ ప్రపంచ కప్‌లో ఇప్పటివరకు నిలకడగా రాణించి ప్రత్యర్థులందరినీ మట్టికరిపించిన దక్షిణాఫ్రికా ఆటగాళ్లు చాలా ఆత్మవిశ్వాసంతో మైదానంలోకి అడుగుపెట్టారు. అదే జోరును కొనసాగిస్తూ విజయాల పరంపర కొనసాగిస్తున్నారు. ఈ మ్యాచ్ గెలుపుతో సౌతాఫ్రికా జట్టు పాయింట్ల పట్టికలో మొదటి స్థానానికి చేరుకోగా..ప్రస్తుతం భారత్ రెండో స్థానానికి వచ్చింది.
ఇక న్యూజిలాండ్ 2023 ప్రపంచ కప్‌ను అద్భుతంగా ప్రారంభించింది. వరుసగా నాలుగు విజయాలను సాధించింది. అయితే హిమాచల్ ప్రదేశ్ క్రికెట్ అసోసియేషన్ స్టేడియం, ధర్మశాల కివీస్‌కు అంత గొప్పగా కలిసిరాలేదు. తొలుత భారత్ న్యూజిలాండ్‌ను ఓడించి, ఆ తర్వాత ఆస్ట్రేలియా కూడా కివీస్‌ను థ్రిల్లర్‌లో ఓడించింది. ఈ క్రమంలోనే తాజాగా సౌతాఫ్రికా చేతిలో 167 పరుగులకే ఆలౌట్ అయ్యి ఓటమిపాలయ్యారు.
ఇది కూడా చూడండి: Wankhede స్పెషల్ అంటోన్న హిట్ మ్యాన్.. రేపు లంకతో టీమిండియా ఢీ
