VSP: సింహాచలం సింహాద్రి అప్పన్న ఆలయంలో రాపత్తు ఉత్సవాలు ఘనంగా జరిగాయి. ఆదివారం సాయంత్రం ఆలయ అర్చకులు శాస్త్రోక్తంగా స్వామివారికి శ్రీరామ అలంకరణ చేసి, శ్రీదేవి, భూదేవి సమేతంగా సింహగిరి మాడవీధుల్లో తిరువీధి నిర్వహించారు. ఆలయ స్థానాచార్యులు టి.పి. రాజగోపాల్ ఆధ్వర్యంలో జరిగిన ఈ కార్యక్రమానికి భక్తులు పెద్దఎత్తున పాల్గొని, స్వామివారిని దర్శించుకున్నారు.
VZM: రాష్ట్ర రోడ్డు రవాణా సంస్థ సొంతంగా సమకూర్చుకున్న 4 ఎక్స్‌ప్రెస్ బస్సులను రాష్ట్ర మంత్రి కొండపల్లి శ్రీనివాస్ ఆదివారం ప్రారంభించారు. స్థానిక ఆర్టీసీ డిపోలో జరిగిన ఈ కార్యక్రమంలో విజయనగరం -పార్వతీపురం రూట్‌లో రెండు, విజయనగరం- శ్రీకాకుళం రూట్‌లో రెండు బస్సులను మంత్రి ప్రారంభించారు. ఈ ఆరు నెలల్లో 14 బస్సులను ప్రారంభించామని మంత్రి తెలిపారు.
కోనసీమ: మండపేట నియోజకవర్గ ప్రజలకు, కూటమి కార్యకర్తలకు, నాయకులకు, అభిమానులకు భోగీ, సంక్రాంతి, కనుమ పండుగ శుభాకాంక్షలు రాష్ట్ర అంచనాల కమిటీ ఛైర్మన్, ఎమ్మెల్యే వేగుళ్ళ జోగేశ్వరరావు తెలిపారు. ప్రజల జీవితాల్లో సంక్రాంతి సుఖ సంతోషాలు నింపాలని ఆకాంక్షించారు. ప్రజలు సిరి సంపదలతో, భోగ భాగ్యాలతో తులతూగాలన్నారు. సంక్రాంతి పండగను ఆనందంగా జరుపుకోవాలన్నారు.
E.G: మూడేళ్ళ బాలుడు తప్పిపోయి రాజమండ్రిలోని మోరంపూడి గ్రామ స్విమ్మింగ్ ఫూల్ వద్ద తిరుగుతున్నాడు. తప్పిపోయిన బాలుడిని బొమ్మూరు పోలీసు స్టేషన్‌కి స్థానికుల సమాచారం మేరకు కానిస్టేబుల్ తీసుకువచ్చారు. ప్రస్తుతం బొమ్మూరు పోలీస్ స్టేషన్లో ఉన్నాడు. హిందీ మాట్లాడుతున్నాడు, తెలుగు రాదు. కావున బాలుడి వివరాలు తెలిసిన వారు సమాచారం అందించాలని పోలీసులు కోరారు.
NGKL: ఏఐసీసీ ప్రధాన కార్యదర్శి, వయనాడ్ ఎంపీ ప్రియాంక గాంధీని ఆదివారం నాగర్ కర్నూల్ ఎంపీ, రాష్ట్ర ఎంపీల ఫోరం కన్వీనర్ మల్లు రవి కలిశారు. ఈ సందర్భంగా ఆమెకు పుష్పగుచ్చం అందించి జన్మదిన శుభాకాంక్షలు తెలిపారు. అనంతరం రాష్ట్ర రాజకీయాలపై ఆమె ఆరా తీసినట్లు సమాచారం. అనంతరం పలువురు కాంగ్రెస్ నేతలు ఆమెకు జన్మదిన శుభాకాంక్షలు తెలిపారు.
VZM: బొబ్బిలి మండలం దిబ్బగుడ్డివలస గ్రామ శివార్లలో పేకాట ఆడుతున్న వారిపై బొబ్బిలి ఎస్సై రమేష్ ఆధ్వర్యంలో పోలీసులు దాడి చేసి, పేకాట ఆడుతున్న నలుగురిని అదుపులోకి తీసుకున్నారు. వారి వద్ద నుండి రూ. 35,200 నగదు, 4 మొబైల్ ఫోన్లను స్వాధీనం చేసుకుని, కేసు నమోదు చేసినట్లు ఎస్సై రమేశ్ వెల్లడించారు.
PPM: తెలుగు ప్రజల అతి పెద్ద పండగ సంక్రాంతి కాగా.. మూడు రోజుల సంక్రాంతి వేడుకల్లో తొలి వేడుక అయిన భోగి పండగ వేడుకలకు నియోజకవర్గ కూటమి నాయకులు, కార్యకర్తలు, అభిమానులు అంత హాజరుకావాలని ఎమ్మెల్యే విజయ్ చంద్ర కోరారు. సోమవారం ఉదయం 4 గంటలకు ఇంటి వద్ద భోగి వేడుకలు ఘనంగా నిర్వహించినున్నట్లు ఈ సందర్బంగా ఎమ్మెల్యే తెలిపారు.
GDWL: అక్రమంగా ఇసుక తరలిస్తున్న ట్రాక్టర్‌ను సుంకులమ్మమెట్టు సమీపంలో ఆదివారం సాయంత్రం గద్వాల పోలీసులు పట్టుకున్నారు. ఎస్సై కళ్యాణ్ కుమార్ తెలిపిన వివరాలు.. ఎలాంటి అనుమతిపత్రాలు లేకుండా గోనపాడు నుంచి అక్రమంగా ఇసుక తరలిస్తున్న ట్రాక్టర్‌ను పట్టుకొని సీజ్ చేసినట్లు తెలిపారు. ఈ ఘటనలో ట్రాక్టర్ డ్రైవర్ మదిలేటి, యజమాని కర్రెప్పలపై కేసు నమోదుచేసినట్లు తెలిపారు.
NRPT: తిరుమల తిరుపతిలో వైకుంఠ ఏకాదశి సందర్భంగా బిజ్వార్ గ్రామానికి చెందిన మహిళలు 5 రోజులు శ్రీ వెంకటేశ్వర స్వామి సేవలో పాల్గొన్నారు. ప్రతి రోజూ 6 గంటల పాటు శ్రీవారి సేవలో పాల్గొంటున్నామని, సేవకు అవకాశం లభించడం చాలా ఆనందంగా ఉందని అన్నారు. సేవలో పద్మమ్మ, సునీత, వసుందర, జయమ్మ, సత్యమ్మ, నర్మదా, మమత, సుశీలమ్మ, సుజాత పాల్గొన్నారు.
కృష్ణా: పామర్రు నియోజకవర్గంలో ఎమ్మెల్యే కుమార్ రాజా ఆదివారం పర్యటించారు. స్థానిక టౌన్ గగన్ మహల్లో డాకు మహారాజ్ సినిమా రిలీజ్ వేడుకలో ఆయన ముఖ్య అతిథిగా పాల్గొన్నారు. ఆయనతో పాటు కృష్ణా జిల్లా ప్రాజెక్ట్ కమిటీ వైస్ ఛైర్మన్ వల్లూరుపల్లి గణేశ్, కూటమి నాయకులు, కార్యకర్తలు, నందమూరి బాలకృష్ణ అభిమానులు పాల్గొన్నారు. ఈ సందర్భంగా థియేటర్ వద్ద కేకు కట్ చేశారు.
కృష్ణా: తెలుగు సంగీతాన్ని గాయకులు సుసంపన్నం చేస్తున్నారని సీనియర్ నాయకులు అన్నపరెడ్డి వెంకటస్వామి అన్నారు. సంక్రాంతి సంబరాలు పురస్కరించుకొని ఆదివారం అవనిగడ్డ గాంధీ క్షేత్రంలో నియోజకవర్గ యువ నాయకులు గ్రామీణ యువజన వికాస సమితి అధ్యక్షులు మండలి వెంకట్రామ్ ఆధ్వర్యంలో పాటల పోటీలు నిర్వహించారు. పలు గ్రామాలకు చెందిన గాయకులు పాటలు పాడి బహుమతులు పొందారు.
NTR: సీఎంఆర్ఎఫ్ నుంచి మంజూరైన చెక్కులను ఎమ్మెల్యే వసంత కృష్ణ ప్రసాద్ ఆదివారం రెడ్డిగూడెంలో లబ్ధిదారులకు అందజేశారు. 8 మంది లబ్ధిదారులకు మంజూరైన రూ.5.94 లక్షల చెక్కులను అందించారు. అనంతరం లబ్ధిదారుల ఆరోగ్యం గురించి ఆరా తీశారు. ఈ కార్యక్రమంలో టీడీపీ మండల అధ్యక్షుడు ముప్పిడి నాగేశ్వరరావు రెడ్డి, జనసేన నియోజకవర్గ ఇంఛార్జ్ గాంధీ తదితరులు పాల్గొన్నారు.
KMM: రఘునాథపాలెం మండలం ముంచుకొండలో సోమవారం మధ్యాహ్నం 3గంటలకు ఎత్తిపోతల పథకం శంకుస్థాపన సందర్భంగా నిర్వహిస్తున్న సభను జయప్రదం చేయాలని డీసీసీ అధ్యక్షుడు దుర్గాప్రసాద్ కోరారు. ఖమ్మం మంత్రి తుమ్మల క్యాంపు కార్యాలయంలో ఆయన మాట్లాడుతూ లిఫ్ట్ ఇరిగేషన్ పథకం శంకుస్థాపనకు డిప్యూటీ సీఎం భట్టి విక్రమార్క, మంత్రులు పొంగులేటి, తుమ్మల హాజరవుతారని తెలిపారు.
కృష్ణా: జనసేన పార్టీ 2025 నూతన క్యాలెండర్‌ను ఎమ్మెల్యే మండలి బుద్ధ ప్రసాద్, ప్రొఫెసర్ మూల్పూరి వెంకట్రావ్ అవనిగడ్డలోని గాంధీ క్షేత్రంలో ఆదివారం ఆవిష్కరించారు. కోసూరుపాలెం జనసేన యూత్ భోగి రెడ్డి సాంబశివరావు, కాగితాల సాంబశివరావు ఆధ్వర్యంలో పవన్ కళ్యాణ్ ఆశయాలతో జనసేన పార్టీ క్యాలెండర్‌ను రూపొందించారు.
కృష్ణా: రూ. 5 కోట్ల విలువైన బంగారం అపహరణ ఘటనలో కేసు నమోదు చేసినట్లు ఏసీపీ తిలక్ తెలిపారు. ఆదివారం ఆయన మీడియాతో మాట్లాడుతూ.. ఆరున్నర కేజీల బంగారం ఉన్న బ్యాగ్‌తో జితేశ్ అనే వ్యక్తి మునగచర్ల వరకు వచ్చి కారును అక్కడ వదిలివేసి ఆటోలో నందిగామ వైపు వచ్చినట్లు తెలిపారు. బాధితుల ఫిర్యాదు మేరకు రైల్వే స్టేషన్, బస్ స్టేషన్, చెక్ పోస్టుల వద్ద అతని కోసం గాలింపు చేశాస్తున్నారు.
