కృష్ణా: పామర్రు నియోజకవర్గంలో ఎమ్మెల్యే కుమార్ రాజా ఆదివారం పర్యటించారు. స్థానిక టౌన్ గగన్ మహల్లో డాకు మహారాజ్ సినిమా రిలీజ్ వేడుకలో ఆయన ముఖ్య అతిథిగా పాల్గొన్నారు. ఆయనతో పాటు కృష్ణా జిల్లా ప్రాజెక్ట్ కమిటీ వైస్ ఛైర్మన్ వల్లూరుపల్లి గణేశ్, కూటమి నాయకులు, కార్యకర్తలు, నందమూరి బాలకృష్ణ అభిమానులు పాల్గొన్నారు. ఈ సందర్భంగా థియేటర్ వద్ద కేకు కట్ చేశారు.
కృష్ణా: తెలుగు సంగీతాన్ని గాయకులు సుసంపన్నం చేస్తున్నారని సీనియర్ నాయకులు అన్నపరెడ్డి వెంకటస్వామి అన్నారు. సంక్రాంతి సంబరాలు పురస్కరించుకొని ఆదివారం అవనిగడ్డ గాంధీ క్షేత్రంలో నియోజకవర్గ యువ నాయకులు గ్రామీణ యువజన వికాస సమితి అధ్యక్షులు మండలి వెంకట్రామ్ ఆధ్వర్యంలో పాటల పోటీలు నిర్వహించారు. పలు గ్రామాలకు చెందిన గాయకులు పాటలు పాడి బహుమతులు పొందారు.
NTR: సీఎంఆర్ఎఫ్ నుంచి మంజూరైన చెక్కులను ఎమ్మెల్యే వసంత కృష్ణ ప్రసాద్ ఆదివారం రెడ్డిగూడెంలో లబ్ధిదారులకు అందజేశారు. 8 మంది లబ్ధిదారులకు మంజూరైన రూ.5.94 లక్షల చెక్కులను అందించారు. అనంతరం లబ్ధిదారుల ఆరోగ్యం గురించి ఆరా తీశారు. ఈ కార్యక్రమంలో టీడీపీ మండల అధ్యక్షుడు ముప్పిడి నాగేశ్వరరావు రెడ్డి, జనసేన నియోజకవర్గ ఇంఛార్జ్ గాంధీ తదితరులు పాల్గొన్నారు.
KMM: రఘునాథపాలెం మండలం ముంచుకొండలో సోమవారం మధ్యాహ్నం 3గంటలకు ఎత్తిపోతల పథకం శంకుస్థాపన సందర్భంగా నిర్వహిస్తున్న సభను జయప్రదం చేయాలని డీసీసీ అధ్యక్షుడు దుర్గాప్రసాద్ కోరారు. ఖమ్మం మంత్రి తుమ్మల క్యాంపు కార్యాలయంలో ఆయన మాట్లాడుతూ లిఫ్ట్ ఇరిగేషన్ పథకం శంకుస్థాపనకు డిప్యూటీ సీఎం భట్టి విక్రమార్క, మంత్రులు పొంగులేటి, తుమ్మల హాజరవుతారని తెలిపారు.
కృష్ణా: జనసేన పార్టీ 2025 నూతన క్యాలెండర్‌ను ఎమ్మెల్యే మండలి బుద్ధ ప్రసాద్, ప్రొఫెసర్ మూల్పూరి వెంకట్రావ్ అవనిగడ్డలోని గాంధీ క్షేత్రంలో ఆదివారం ఆవిష్కరించారు. కోసూరుపాలెం జనసేన యూత్ భోగి రెడ్డి సాంబశివరావు, కాగితాల సాంబశివరావు ఆధ్వర్యంలో పవన్ కళ్యాణ్ ఆశయాలతో జనసేన పార్టీ క్యాలెండర్‌ను రూపొందించారు.
కృష్ణా: రూ. 5 కోట్ల విలువైన బంగారం అపహరణ ఘటనలో కేసు నమోదు చేసినట్లు ఏసీపీ తిలక్ తెలిపారు. ఆదివారం ఆయన మీడియాతో మాట్లాడుతూ.. ఆరున్నర కేజీల బంగారం ఉన్న బ్యాగ్‌తో జితేశ్ అనే వ్యక్తి మునగచర్ల వరకు వచ్చి కారును అక్కడ వదిలివేసి ఆటోలో నందిగామ వైపు వచ్చినట్లు తెలిపారు. బాధితుల ఫిర్యాదు మేరకు రైల్వే స్టేషన్, బస్ స్టేషన్, చెక్ పోస్టుల వద్ద అతని కోసం గాలింపు చేశాస్తున్నారు.
KMM: అశ్వారావుపేట మండలంలో ఆర్ఎంపీ, పీఎంపీ మండల కమిటీ ఆధ్వర్యంలో నిర్వహించే తెలంగాణ స్టేట్ ఆర్ఎంపీ, పీఎంపీ అసోసియేషన్ 18వ వార్షికోత్సవ సభకు ముఖ్య అతిథిగా ఎమ్మెల్యే జారే ఆదినారాయణ పాల్గొన్నారు. నిరుపేదలకు మెరుగైన వైద్యం అందజేయాలని సూచించారు. అనంతరం యూనియన్ క్యాలెండర్ ఆవిష్కరించారు. కార్యక్రమంలో కాంగ్రెస్ నాయకులు తదితరులు పాల్గొన్నారు.
SKLM: ఆమదాలవలస మున్సిపల్ కార్యాలయంలో ఆదివారం సంక్రాంతి పండగ సందర్భంగా పారిశుద్ధ్య కార్మికులకు దుస్తులు, ఇతర సామాగ్రి పంపిణీ చేసే కార్యక్రమం కమిషనర్ బాలాజీ ప్రసాద్ ఆధ్వర్యంలో నిర్వహించారు. ఈ కార్యక్రమానికి ముఖ్యఅతిథిగా ఎమ్మెల్యే కూన రవికుమార్ పాల్గొని, కార్మికులకు దుస్తులు పంపిణీ చేశారు. ఆయన మాట్లాడుతూ.. పారిశుధ్య కార్మికుల సేవలను గుర్తించాలన్నారు.
BDK: కాంగ్రెస్ అభివృద్ధికి కృషి చేయ్యాలి అని ఎమ్మెల్యే జారే ఆదినారాయణ అన్నారు. అశ్వారావుపేట మండలంలోని వినాయకపురం చిలకలగండి ముత్యాలమ్మ ఆలయం వద్ద ఇటీవల నూతనంగా ఎన్నికైన టెలిఫోన్ అడ్వైజరీ కమిటీ సభ్యుడు పల్లెలే రామలక్ష్మయ్య, అశ్వారావుపేట మండల యూత్ కాంగ్రెస్ అధ్యక్షుడిగా ఎన్నికైన మోదంపరుపు నాగకిషోర్, యూత్ కాంగ్రెస్ రాష్ట్ర కార్యదర్శిగా ఎన్నికైన జూపల్లి కోదండ వెంకట రామారావును ఎమ్మెల్యే సత్కరించారు.
SKLM: ప్రధానమంత్రి నిర్దేశించిన వికసిత్ భారత లక్ష్యాన్ని చేరుకోవడానికి దేశ ప్రజలందరూ కృషి చేయాలని కేంద్ర మంత్రి కె. రామ్మోహన్ నాయుడు అన్నారు. నగరంలోని సూర్య మహల్ జంక్షన్‌లో నిర్వహించిన స్వామి వివేకానంద 162వ జయంతి ఉత్సవాలను ఆయన ప్రారంభించారు. యువతకు ఉద్యోగ కల్పనే లక్ష్యంగా మూలపేట పోర్టు అభివృద్ధి చేస్తున్నామని అన్నారు.
నిజామాబాద్: గాంధారి మండలంలోని పర్మల్లతండాలో ఆదివారం కాంగ్రెస్ నాయకులు ప్రచారం చేశారు. ఈ సందర్భంగా గడప గడపకూ తిరుగుతూ కాంగ్రెస్ ప్రభుత్వం అందిస్తున్న సంక్షేమ పథకాలు, జనవరి 26 నుంచి అందించే రైతు భరోసా గురించి వివరించారు. ఈ కార్యక్రమంలో మండల మాజీ అధ్యక్షుడు బాలయ్య, పార్టీ జిల్లా ప్రధాన కార్యదర్శి మదార్, నియోజకవర్గ యూత్ అధ్యక్షుడు సర్దార్ నాయక్, మాజీ సర్పంచ్లు ఉన్నారు.
SKLM: కోటబొమ్మాళిలోని నిమ్మాడలో రాష్ట్ర వ్యవసాయ శాఖ మంత్రి కింజరాపు అచ్చెన్నాయుడుని శనివారం ఆయన కార్యాలయంలో జిల్లా వైద్య ఆరోగ్యశాఖ అధికారి డా. టి.వి. బాలమురళీకృష్ణ మర్యాద పూర్వకంగా కలిశారు. పదవీ బాధ్యతలు స్వీకరించిన అనంతరం మంత్రిని కలిసి పుష్పగుచ్ఛం అందించారు. అనంతరం జిల్లాలోని పలు విషయాలను ఇరువురు కాసేపు చర్చించారు.
SKLM: ఆంధ్ర-ఒడిశా సరిహద్దు సిరాడ, తమిలిగూడ గ్రామాల్లో అక్రమంగా తయారు చేస్తున్న సారా తయారీ కేంద్రాలపై రెండు రాష్ట్రాల అబ్కారీ అధికారులు సంయుక్తంగా దాడులు నిర్వహించారు. ఆయా చోట్ల 7,400 లీటర్ల ఊట, 1,140 లీటర్ల నాటు సారాను స్వాధీనం చేసుకొని ధ్వంసం చేశారు. దాడుల్లో అబ్కారీ అధికారి తిరుపతి నాయుడు, తదితరులు పాల్గొన్నారు.
NLR: కావలి పట్టణంలో ఆదివారం స్వామి వివేకానంద జయంతి కార్యక్రమాన్ని ఏర్పాటు చేశారు. ఈ సందర్భంగా పట్టణంలోని ఆర్టీసీ బస్టాండ్ ఎదురుగా ఉన్న స్వామి విగ్రహానికి పూలమాలవేసి ఘనంగా నివాళులర్పించారు. ఈ కార్యక్రమంలో కావలి ఎమ్మెల్యే కావ్య కృష్ణారెడ్డి ముఖ్యఅతిథిగా పాల్గొన్నారు. ఆయన మాట్లాడుతూ… యువత వివేకానంద అడుగుజాడల్లో నడవాలన్నారు.
TG: ఇందిరమ్మ ఇళ్ల లబ్ధిదారుల ఎంపిక, కొత్తరేషన్ కార్డుల ప్రక్రియపై అధికారులతో మంత్రి పొన్నం సమీక్ష నిర్వహించారు. ‘గత ప్రభుత్వం రేషన్ కార్డులు ఇవ్వలేదు. ఈ నెల 16 నుంచి వెరిఫికేషన్, 20-24 మధ్య ప్రజాభిప్రాయ సేకరణ, 21-25 మధ్య డేటా ఎంట్రీ పూర్తి చేయాలి. ఈ నెల 26 నుంచి కొత్త రేషన్ కార్డులు వస్తాయి. ఇందిరమ్మ ఇళ్ల లబ్ధిదారుల ప్రకటన ఉంటుంది’ అని తెలిపారు.
