కృష్ణా: హంసలదీవి బీచ్ వద్ద సముద్ర స్నానం చేసేటప్పుడు పర్యాటకులు జాగ్రత్త వహించాలని మెరైన్ సీఐ సురేశ్ రెడ్డి తెలిపారు. ఆదివారం వివిధ ప్రాంతాల నుంచి హంసలదీవి బీచ్ వద్దకు వచ్చిన పర్యాటకులకు మెరైన్ సిబ్బంది తగు సూచనలు, సలహాలు అందించారు. సముద్ర తీరం వెంబడి ఎటువంటి అవాంఛనీయ ఘటనలు చోటు చేసుకోకుండా మెరైన్ ఎస్ఐ పూర్ణ మాధురి, పోలీస్ సిబ్బంది గస్తీ నిర్వహించారు.
BPT: బాపట్ల పట్టణంలోని రోటరీ కళ్యాణ మండపంలో ఆదివారం ముగ్గుల పోటీలు నిర్వహించారు. ఈ ముగ్గులు పోటీలలో మహిళలు పెద్ద ఎత్తున పాల్గొన్నారు. ఈ సందర్భంగా పోటీలలో గెలుపొందిన మహిళలకు రోటరీ అధ్యక్షుడు కోళ్లపూడి ఉపేంద్ర గుప్త బహుమతులు పంపిణీ చేశారు. ఈ కార్యక్రమంలో రోటరీ కార్యదర్శి వేజండ్ల శ్రీనివాసరావు, సర్వీస్ ప్రాజెక్ట్ డైరెక్టర్ జిట్టా శ్రీనివాసరావు ఉన్నారు.
BPT: కర్లపాలెం మండల పరిధిలోని యాజలి జిల్లా పరిషత్ ఉన్నత పాఠశాలలో పూర్వ విద్యార్థుల సమావేశం ఆదివారం జరిగింది. పాఠశాల పూర్వ విద్యార్థుల సంఘం అధ్యక్షుడు పెనుమెత్స నాగరాజు(చిన్న బాబు) ఆధ్వర్యంలో రెండు రోజులుగా పూర్వ విద్యార్థుల సమావేశం జరుగుతుంది. ఈ సమావేశంలో పూర్వ విద్యార్థులందరూ పాల్గొని అప్పటి తమ గురువులైన ఉపాధ్యాయులను ఘనంగా సన్మానించారు.
PLD: దేశాభివృద్ధిలో కీలకం యువత అని, అలాంటి శక్తికి స్ఫూర్తి స్వామి వివేకానంద అని ఎంపీ లావు శ్రీకృష్ణ దేవరాయలు తెలిపారు. సత్తెనపల్లి పట్టణంలోని స్వామి వివేకానంద విగ్రహం వద్ద జరిగిన జయంతి వేడుకల్లో ఎంపీ పాల్గొన్నారు. ఎంపీ మాట్లాడుతూ.. దేశ విదేశాల్లో ఉన్న భారతీయ యువతను ప్రసంగాలతో, రచనతో ఉత్తేజపరిచారని, ఎదిగే స్ఫూర్తిని రగిలింప చేశారన్నారు.
BPT: గ్రామాల్లో సంక్రాంతి పండుగ రెండు రోజులు ముందే వచ్చిందని, కూటమి ప్రభుత్వ హయాంలో పల్లెలు కళకళలాడుతున్నాయని ఎమ్మెల్యే నరేంద్ర వర్మ పేర్కొన్నారు. పిట్టలవానిపాలెం మండలం పోతనకట్టవారిపాలెంలో ఆదివారం నూతనంగా నిర్మించిన సీసీ రోడ్లను ఆయన ప్రారంభించారు. పట్టణాల నుండి గ్రామాలకు వస్తున్న వారు పల్లెల్లో నూతన రోడ్లు చూసి ఆనందం వ్యక్తం చేస్తున్నారని అన్నారు.
WGL: వరంగల్ నగరంలోని న్యూ శాయంపేట, ధోణ గుట్ట శ్రీ లక్ష్మీ నరసింహ స్వామి ఆలయ ఆవరణలో రూ. 54 లక్షలతో అంతర్గత రోడ్డు, సైడ్ డ్రైనేజీ, ఆలయ చుట్టూ గిరి ప్రదీక్షణ రోడ్డు నిర్మాణ పనులకు మంత్రి కొండా సురేఖ ఆదివారం శంకుస్థాపన చేశారు. వారు మాట్లాడుతూ.. నూతన రోడ్డు, డ్రైనేజీలతో స్థానికుల సమస్యలు తీరుతాయన్నారు. నాయిని రాజేందర్ రెడ్డి తదితరులున్నారు.
MNCL: శ్రీరాంపూర్ పోలీస్ స్టేషన్‌లో ఆదివారం రోడ్డు భద్రతపై అవగాహన సదస్సు నిర్వహించారు. ఈ సందర్బంగా సీఐ వేణు చందర్ మాట్లాడుతూ వాహనదారులు తప్పనిసరిగా రోడ్డు భద్రత నియమాలు పాటించాలని సూచించారు. మద్యం సేవించి వాహనాలు నడపవద్దని కోరారు. ఈ కార్యక్రమంలో ఎస్సైలు సంతోష్, ప్రసన్న, జిల్లా ఆటో యూనియన్ అధ్యక్షులు చెల్ల విక్రమ్ తదితరులు పాల్గొన్నారు.
MNCL: భీమారం మండల కేంద్రంలోని గోత్రాలగూడెం గ్రామంలో పోలీస్ ఉన్నతాధికారుల ఆదేశాల మేరకు, ఎస్సై కే.శ్వేత ఆధ్వర్యంలో పల్లెనిద్ర కార్యక్రమంను నిర్వహించారు. ఈ సందర్భంగా గ్రామంలోని ప్రజలతో మాట్లాడి వారి సమస్యలను అడిగి తెలుసుకున్నారు. ప్రస్తుత సమాజంలో జరుగుతున్న నేరాల గురించి అవగాహన కల్పించారు.
NRML: ఆత్మహత్యాయత్నానికి పాల్పడిన ఓ వివాహితను బ్లూ కోర్టు సిబ్బంది కాపాడిన ఘటన ఆదివారం నిర్మల్లోనీ కంచరోని చెరువు వద్ద చోటుచేసుకుంది. పోలీసుల వివరాల ప్రకారం కుటుంబ కలహాలతో వివాహిత ఆత్మహత్య చేసుకుంటున్నట్లు డయల్ 100కు ఫోన్ రాగా స్పందించిన సిబ్బంది గణేష్, తిలక్ సంఘటనా స్థలానికి వెళ్లి వివాహితను కాపాడి కుటుంబ సభ్యులకు అప్పగించారు.
MNCL: సంక్రాంతి పురస్కరించుకొని జన్నారం పట్టణంలో మహిళలకు నిర్వాహకులు ముగ్గుల పోటీలు ఏర్పాటు చేశారు. సంక్రాంతి సందర్భంగా ఆదివారం మధ్యాహ్నం జన్నారం పట్టణంలోని మైదానంలో మహిళలకు, యువతులకు నిర్వాహకులు ముగ్గుల పోటీలు నిర్వహించారు. ఈ సందర్భంగా జన్నారం పట్టణంతో పాటు పరిసర గ్రామాల నుండి మహిళలు, యువతులు తరలివచ్చి అందమైన ముగ్గులు వేస్తున్నారు.
NZB: నవీపేట్ పోలీస్ స్టేషన్ పరిధిలోని ఈ సంక్రాంతికి ఊరెళ్లే వారు తమ బంగారం, డబ్బును తమ వెంట తీసుకెళ్లాలని ఎస్సై వినయ్ కుమార్ సూచించారు. అలాగే ఊరికి వెళ్లే సమయంలో ఇరుగుపొరుగు వారికి సమాచారం ఇవ్వాలన్నారు. ఇంటి చుట్టుపక్కన ఎవరైనా అనుమానాస్పదంగా తిరిగితే 100 డయల్ చేసి సమాచారం ఇవ్వాలని పేర్కొన్నారు.
NRML: పాన్ ఇండియా సంస్థ సహకార భారతి 47వ ఆవిర్భావ దినోత్సవాన్ని సహకార భారతి నిర్మల్ జిల్లా కమిటీ, లోకమాన్య సహకార సంఘం ఆధ్వర్యంలో ఆదివారం నిర్మల్ పట్టణంలోని ఉమామహేశ్వర ఆలయంలో ఘనంగా నిర్వహించారు. విశ్వహిందూ పరిషత్ విభాగ ధర్మాచార్య సంపర్క రాజేందర్ మాట్లాడుతూ సహకార వాదాన్ని భారతీయులు అలవాటు చేసుకోవాలని అన్నారు. సహకార సంఘాలను బలోపేతం చేయాలని పిలుపునిచ్చారు.
అనంతపురం జిల్లా గుంతకల్లు కసాపురం శ్రీ నెట్టికంటి ఆంజనేయస్వామి ఆలయంలో ఆదివారం పుష్యర్కం సందర్భంగా ఆలయంలోని యాగశాలలో ఆలయ అర్చకులు వేద పండితుల ఆధ్వర్యంలో పంచసూక్తములు, మాన్య సూక్త హోమలు, నిర్వహించారు. ముందుగా వేకువజామున ఆలయంలో స్వామివారి మూలవిరాట్‌కు ప్రత్యేక పూజలు నిర్వహించారు. భక్తులు పెద్ద సంఖ్యలో పాల్గొని స్వామి వారిని దర్శించుకున్నారు.
VZM: స్వామి వివేకానంద జయంతి సందర్బంగా జిల్లా కేంద్ర గ్రంథాలయం ఆవరణలో ఉన్న ఆయన విగ్రహానికి లిఫ్టింగ్ హ్యాండ్స్ అన్నదాన ట్రస్ట్ చైర్మన్ రెయ్యి శంకర్ రెడ్డి ఆదివారం పూలమాలలు వేసి ఘన నివాళులర్పించారు. అనంతరం రామకృష్ణ సేవా సమితి ద్వారా ఎన్నో సేవా కార్యక్రమాలు చేస్తున్న జగన్నాధ రాజును దుస్సాలువతో ఘనంగా సత్కరించారు. కంది గౌరి శంకర్ పాల్గొన్నారు.
KNR: స్వామి వివేకానంద జయంతి సందర్భంగా హుజురాబాద్ పట్టణంలోని స్వామి వివేకానంద జయంతి విగ్రహానికి పూలమాల వేసి మున్సిపల్ ఛైర్‌పర్సన్ గందె రాధిక శ్రీనివాస్ నివాళులర్పించారు. అనంతరం ఆమె మాట్లాడుతూ.. వివేకానందుడు యువతకు స్ఫూర్తి ప్రధాత అని కొనియాడారు. ఈ జయంతిని జాతీయ యువజన దినోత్సవంగా జరుపుకుంటారని తెలిపారు.
