VSP: పీఎం పాలెం పోలీస్ స్టేషన్ పరిధిలో మధురవాడ హరితా అపార్ట్మెంట్లో ఆదివారం ఓ మహిళ మేడ పైనుంచి జారి పడి మృతి చెందింది. కొంజేటి సుధ(57) మధురవాడలో ఉంటున్న పెద్ద కుమారుడు ఇంటికి వచ్చింది. సుధా గత కొంతకాలంగా బీపీ, షుగర్, థైరాయిడ్, మోకాళ్ళ నొప్పులతో బాధపడుతుంది. ఈ నేపథ్యంలో ప్రమాదవశాత్తు ఆదివారం మేడ పైనుంచి జారి మృతి చెందింది.
పార్వతీపురం ఎమ్మెల్యే బోనెల విజయ్ చంద్ర నివాసం వద్ద సోమవారం ఘనంగా భోగి వేడుక ప్రారంభమయ్యాయి. ఈ సందర్భంగా నియోజకవర్గం ప్రజలుకు ఎమ్మెల్యే భోగి శుభాకాంక్షలు తెలిపారు. ఈ భోగి పండగ వేడుకలకు నియోజకవర్గ కూటమి నాయకులు, కార్యకర్తలు అభిమానులు పెద్ద సంఖ్యలో హాజరై ఆనందంగా పాల్గొన్నారు.
GNTR: గుంటూరు బొంగరాల బీడులోని రైల్వే డిపోలో సోమవారం ఉదయం భోగి పర్వదిన వేడుకల్లో భాగంగా భోగి మంటలు వేసి సందడి చేశారు. డిపో జనరల్ పీటీ. నాయక్ మాట్లాడుతూ.. పాత సంవత్సర సమస్యలు పోయి కొత్తగా అన్ని సవ్యంగా జరగాలన్నారు. ఈ కార్యక్రమంలో కోచింగ్ ఇంఛార్జ్ కోటేశ్వరరావు, సౌత్ సెంట్రల్ రైల్వే మజ్దాూర్ యూనియన్ ప్రైమ్ మెంబర్ వినోద్ కుమార్, తదితరులు పాల్గొన్నారు.
HYD: నగరంలో సోమవారం నుంచి మూడు రోజుల పాటు పరేడ్ గ్రౌండ్స్‌లో కైట్ ఫెస్టివల్ జరగనుంది. ఈ వేడుకలకు 16 దేశాల నుంచి 47 మంది కైట్ ప్లేయర్లు, 14 రాష్ట్రాల నుంచి కైట్ క్లబ్ సభ్యులు హాజరుకానున్నారు. దీంతో పాటు స్వీట్ ఫెస్టివల్‌ను నిర్వహిస్తున్నారు. జాతీయ, అంతర్జాతీయ స్వీట్లను, పిండి వంట‌ల‌ు ఇక్కడి స్టాళ్ల‌లో ప్రదర్శిస్తారని మంత్రి కృష్ణారావు తెలిపారు.
HYD: హెచ్‌సీయూలోని అఖిల భారత విద్యార్థి పరిషత్ (ఏబీవీపీ) నూతన కార్యవర్గాన్ని ఎన్నుకున్నారు. ఏబీవీపీ హెచ్‌సీయూ శాఖ ఇద్దరు పరిశోధక విద్యార్థులను అధ్యక్ష, కార్యదర్శులుగా నియమించారు. ఆదివారం ఏబీవీపీ జాతీయ సెంట్రల్ యూనివర్సిటీల విభాగం కన్వీనర్ బాలకృష్ణ వివరాలను తెలిపారు. అధ్యక్షుడుగా అనిల్ కుమార్, కార్యదర్శిగా ఆయుష్ మార్సింగ్‌లను ఎంపిక చేసినట్లు ఆయన తెలిపారు.
HYD: ఉస్మానియా యూనివర్సిటీలో పీహెచ్‌డీ ప్రవేశాలకు నోటిఫికేషన్ విడుదలైంది. ఈ సందర్భంగా అభ్యర్థులు ఈనెల 24 నుంచి ఫిబ్రవరి 23వ తేదీ వరకు దరఖాస్తు చేసుకోవాలని అధికారులు సూచించారు. ఫిబ్రవరి 24 నుంచి మార్చి 5 వరకు అపరాధ రుసుముతో దరఖాస్తు చేసుకోవచ్చని పేర్కొన్నారు. మరిన్ని వివరాలకు www.ouadmissions.com, www.osmania.ac.in వెబ్‌సైట్‌‌ను సంప్రదించాలి.
PLD: పల్నాడు జిల్లా కలెక్టరేట్లో జరిగే ప్రజా సమస్యల పరిష్కార వేదిక కార్యక్రమం రద్దు చేస్తున్నట్లు కలెక్టర్ అరుణ్ బాబు తెలిపారు. భోగి పండగ సందర్భంగా ప్రభుత్వ కార్యాలయాలకు ప్రభుత్వం సెలవు ప్రకటించిందన్నారు. ఈ సందర్భంగా కలెక్టరేట్లో ప్రతి సోమవారం నిర్వహించే ప్రజా సమస్యల పరిష్కార వేదిక కార్యక్రమం రద్దు చేస్తున్నట్లు వివరించారు. ప్రజలందరూ సహకరించాలని కోరారు.
VZM: జంరూవతి సాగునీటి ప్రాజెక్టు పూర్తి చేసే వరకు పోరాటం తప్పదని ఉత్తరాంధ్ర చెరువుల పరిరక్షణ సమితి అధ్యక్షుడు మరిశర్ల కృష్ణమూర్తి ఆదివారం హెచ్చరించారు. ఈ మేరకు పార్వతీపురం మార్కెట్‌ యార్హులో వివేకానంద విగ్రహం వద్ద బైక్‌ ర్యాలీ ప్రారంభించారు. చెరువులు, సాగునీటి ప్రాజెక్టులు పరిరక్షణ భావితరాలకు భవిష్యత్తని ఈ సందర్భంగా ఆయన అన్నారు.
GNTR: నగరంలో జరుగుతున్న నరెడ్కో ప్రాపర్టీ షోని నర్సరావుపేట ఎంపీ లావు శ్రీకృష్ణ దేవరాయలు, వినుకొండ శాసనసభ్యుడు జీవీ ఆంజనేయులు ఆదివారం సందర్శించారు. స్థిరాస్తి రంగ సంస్థలు ఏర్పాటు చేసిన స్టాల్స్‌ని పరిశీలించారు. వారు రాష్ట్ర అభివృద్ధి కోసం ఇటువంటి ప్రదర్శనలు దోహదపడతాయని అన్నారు. రాష్ట్ర అభివృద్ధిలో భాగస్వామ్యమైన స్టాల్స్ యజమానులను వారు ప్రత్యేకంగా అభినందించారు.
NLG: తెలంగాణ గెజిటెడ్ అధికారుల సంఘం జిల్లా శాఖ అసోసియేషన్ భవనానికి స్థలాన్ని కేటాయించాలని కోరుతూ ఆదివారం TGO జిల్లా కార్యవర్గ సభ్యులు రాష్ట్ర రోడ్‌లో భవనాల శాఖ మంత్రి కోమటిరెడ్డి వెంకటరెడ్డిని కలిసి వినతిపత్రాన్ని అందజేశారు. ఈ కార్యక్రమంలో TGO జిల్లా అధ్యక్షులు శ్రీనివాసులు, ఉపాధ్యక్షులు, జనరల్ సెక్రటరీ, సెక్రటరీలు, కార్యవర్గ సభ్యులు పాల్గొన్నారు.
PLD: మాచర్ల నియోజకవర్గ ప్రజలందరికీ ఎమ్మెల్యే జూలకంటి బ్రహ్మానందరెడ్డి భోగి, మకర సంక్రాంతి, కనుమ పండగ శుభాకాంక్షలు తెలిపారు. మాచర్ల నియోజకవర్గ ప్రజలందరూ సుఖసంతోషాలతో, పాడిపంటలతో, ఆయురారోగ్యాలతో బాగుండాలని ఆ భగవంతుణ్ణి కోరుకుంటున్నానని ఎమ్మెల్యే తెలిపారు.
VZM: ప్రజలందరూ భోగ భాగ్యాలతో, సుఖ సంతోషాలతో ఉండాలని, జీవితాల్లో ఆనందం వెల్లివిరియాలన్నదే కూటమి ప్రభుత్వం ఆశయమని అన్నారు. గ్రామాల్లో పాడి సంపద అభివృద్ధి చెంది, ఆయురారోగ్యాలతో సుభిక్షంగా ఉండాలని ఆకాంక్షించారు. అన్ని రంగాలు ప్రగతి బాటలో పయనించాలని కోరారు. ప్రజలకు భోగి, సంక్రాంతి, కనుమ పండుగ శుభాకాంక్షలని ఆదివారం తెలిపారు.
TG: నాగర్‌కర్నూలు మాజీ ఎంపీ మంద జగన్నాథం మృతి చెందారు. గత కొంతకాలంగా అనారోగ్యంతో బాధపడుతున్న ఆయన నిమ్స్ ఆసుపత్రిలో చికిత్స పొందుతూ కన్నుమూశారు. కాగా 1996లో తొలిసారి టీడీపీ నుంచి నాగర్‌కర్నూలు ఎంపీగా విజయం సాధించారు. ఆ తర్వాత వరుసగా 1999, 2004, 2009లో గెలుపొందారు. 2014లో బీఆర్ఎస్‌లో చేరిన ఆయన 2023లో బీఆర్ఎస్‌ను వీడి కాంగ్రెస్‌లో చేరారు.
VZM: ఇటీవల తిరుపతి తొక్కిసలాట బాధితులకు ప్రభుత్వం ఇచ్చిన మాటప్రకారం ఎస్ కోట ఎమ్మెల్యే కోళ్ల లలిత కుమారి చెక్కులు పంపిణీ చేశారు. గాయపడిన కొత్తవలస మండలం GSN రాజు నగర్‌కి చెందిన బి. శ్రీనివాసరావుకు విశాఖపట్నం విమానాశ్రయంలో రూ. 2,00,000 లక్షలు ప్రభుత్వం నుండి అందజేశారు. ఈ కార్యక్రమంలో టీటీడీ బోర్డు మెంబర్ ఎంఎస్ రాజు, ఎమ్మెల్సీ చిరంజీవి తదితరులు పాల్గొన్నారు.
KMM: మధిర పట్టణంలోని సుందరయ్య నగర్ నందు ఆదివారం సంక్రాంతి పండుగ సందర్భంగా నిర్వహించిన ముగ్గుల పోటీలకు తెలుగు సినీ కమెడియన్ శ్రీనివాసరెడ్డి ఆధ్వర్యంలో పలువురు టీవీ ఛానల్ ఆర్టిస్టులు హాజరయ్యారు. అనంతరం ముగ్గుల పోటీల విజేతలకు బహుమతులను అందజేశారు.
