మెగా పవర్ స్టార్ రామ్ చరణ్.. స్టార్ డైరెక్టర్ శంకర్ కాంబోలో తెరకెక్కుతున్న ఆర్సీ 15 గురించి రోజుకో వార్త హల్ చల్ చేస్తోంది. దాంతో స్వయంగా శంకర్‌నే రంగంలోకి దిగి.. పుకార్లకు చెక్ పెట్టాడు. ఈ క్రమంలో ఈ ప్రాజెక్ట్‌కు ఫైనల్ టచ్ ఇవ్వబోతున్నారని తెలుస్తోంది. ఆచార్య వంటి ఫ్లాప్ తర్వాత.. చరణ్ అప్ కమింగ్ ఫిల్మ్ పై భారీ ఆశలే పెట్టుకున్నారు మెగాభిమానులు. అది కూడా దిల్ రాజు నిర్మాణంలో 50 సినిమాగా.. అత్యంత ప్రతిష్టాత్మకంగా తెరకెక్కుతుండడంతో.. ఆర్సీ 15 పై భారీ అంచనాలు ఏర్పడ్డాయి. ఇప్పటికే జెట్ స్పీడ్‌లో షూటింగ్ జరుపుకుంది ఈ చిత్రం. అయితే సడెన్‌గా ఇండియన్ 2 లైన్లోకి రావడంతో.. ఆర్సీ 15 మరింత లేట్ అయ్యే ఛాన్స్ ఉందనుకున్నారు. కానీ అటు ఇండియన్ 2, ఇటు ఆర్సీ 15ను ఒకేసారి సమాంతరంగా తెరకెక్కించనున్నట్టు తెలిపాడు శంకర్.
సెప్టెంబర్ ఫస్ట్ వీక్‌లో ఆర్సీ 15 కొత్త షెడ్యూల్ స్టార్ట్ చేస్తున్నట్టు ప్రకటించాడు. ఈ షెడ్యూల్‌ను వైజాగ్, హైదరాబాద్‌లో భారీగా ప్లాన్ చేస్తున్నారు. అయితే ఆర్సీ 15కు ఇదే లాస్ట్ షెడ్యూల్ అని తెలుస్తోంది. దీంతో ఈ సినిమా చిత్రీకరణ దాదాపు కంప్లీట్ అవనుందని సమాచారం. ఇక ఆ తర్వాత పోస్ట్ ప్రొడక్షన్ పనులపై ఫుల్‌గా ఫోకస్ పెట్టనున్నట్టు తెలుస్తోంది. ఈ క్రమంలో.. త్వరలోనే ఆర్సీ15 ఫస్ట్ లుక్‌తో పాటు.. రిలీజ్ డేట్ విషయంలోను ఓ క్లారిటీ వచ్చే ఛాన్స్ ఉందంటున్నారు. అయితే శంకర్ ‘ఇండియన్2’ని తిరిగి స్టార్ట్ చేయడంతో.. కాస్త టెన్షన్ ఫీల్ అయ్యారు మెగాఫ్యాన్స్. కానీ ఇప్పుడు ఈ సినిమా షూటింగ్ లాస్ట్ స్టేజ్‌లో ఉందనే న్యూస్.. మెగా ఫ్యాన్స్‌కు ఫుల్ కిక్ ఇస్తోంది. అందుకే శంకర్ ‘ఇండియన్2’ని తిరిగి టేకప్ చేశాడని అంటున్నారు. ఇక కియారా అద్వానీ హీరోయిన్‌గా నటిస్తున్న ఈ సినిమాకు ఎస్ఎస్ థమన్ సంగీతం అందిస్తున్నాడు.
