చాలా కాలం లవర్ బాయ్‌గా రాణించిన తరుణ్.. ప్రస్తుం సినిమాలకు దూరంగా ఉన్న సంగతి తెలిసిందే. అయితే తాజాగా ఇప్పుడు రీ ఎంట్రీ ఇవ్వబోతున్నాడని తెలుస్తోంది. అది కూడా సూపర్ స్టార్ మహేష్ బాబు అప్ కమింగ్ ఫిల్మ్‌తో అని సమాచారం. మాటల మాంత్రికుడు త్రివిక్రమ్‌తో మహేష్ 28వ ప్రాజెక్ట్ చేయబోతున్న సంగతి తెలిసిందే. ఇటీవలే, ఈ చిత్రాన్ని వచ్చే ఏడాది ఏప్రిల్ 28న విడుదల చేయనున్నట్లు ప్రకటించారు మేకర్స్. అయితే ఇంకా ఈ సినిమా షూటింగ్‌ మాత్రం మొదలు కాలేదు. కానీ సెప్టెంబర్ రెండవ వారం నుండి ఈ చిత్రం రెగ్యులర్ షూట్‌ను స్టార్ట్ చేయబోతున్నట్టు తెలుస్తోంది. ఇక పూజా హెగ్డే హీరోయిన్‌గా నటిస్తున్న ఈ సినిమాలో.. భారీ స్టార్ క్యాస్టింగ్‌ తీసుకుబోతున్నట్టు చాలా రోజులుగా వినిపిస్తోంది. ఇప్పటికే ఓ మళయల స్టార్ హీరోని సంప్రదించినట్టు టాక్. ఇక ఇప్పుడు మాజీ లవర్ బాయ్ తరుణ్.. ఈ సినిమాలో ఫిక్స్ అయ్యాడనే న్యూస్ వినిపిస్తోంది.
తరుణ్ నటించిన నువ్వే నువ్వే సినిమాతో మెగా ఫోన్ పట్డాడు త్రివిక్రమ్. అయితే ఆ తర్వాత మళ్లీ ఈ ఇద్దరి కాంబినేషన్ సెట్ కాలేదు. కాని ఇప్పుడు తరుణ్‌ను ఎస్ఎస్ఎంబీ 28 ప్రాజెక్ట్‌తో రీ ఎంట్రీ చేయించాలనే ఆలోచనలో ఉన్నాడట త్రివిక్రమ్. ఇదే నిజమైతే దాదాపు 20 ఏళ్ల తర్వాత మళ్లీ త్రివిక్రమ్ డైరెక్షన్లో తరుణ్ నటించబోతున్నాడని చెప్పొచ్చు. అయితే ఇందులో నిజమెంత అనేది తెలియాల్సి ఉంది. ఇక పుష్కర కాలం తర్వాత సెట్ అయింది మహేష్, త్రివిక్రమ్ కాంబినేషన్. పైగా ఈసారి యాక్షన్ ఎంటర్టైర్‌గా ప్లాన్ చేస్తున్నారని టాక్. అందుకే ఈ సినిమా కోసం మహేష్ మేకోవర్ సరికొత్తగా ఉంటుందని తెలుస్తోంది. దాంతో ఈ క్రేజీ ప్రాజెక్ట్ పై భారీ అంచనాలున్నాయి. హారిక, హాసిని క్రియేషన్స్ బ్యానర్ పై భారీ బడ్జెట్‌తో తెరకెక్కనున్న ఈ సినిమాకు.. థమన్ సంగీతం అందిస్తున్నాడు.
