Family Star movie directed by Vijay Deverakonda and Parusharam is a complete copy
Family Star: విజయ్ దేవరకొండ నటిస్తున్న లేటెస్ట్ ఫిల్మ్ ఫ్యామిలీ స్టార్. మృణాల్ ఠాకూర్ హీరోయిన్‌గా నటిస్తున్న ఈ సినిమాను దిల్ రాజు నిర్మిస్తుండగా.. పరశురామ్ దర్శకత్వం వహిస్తున్నాడు. గీతా గోవిందం కాంబో రిపీట్ అవుతుండడంతో ఫ్యామిలీ స్టార్ పై మంచి అంచనాలే ఉన్నాయి. ఇప్పటి వరకు రిలీజ్ అయిన టీజర్‌, సాంగ్స్‌కు కూడా మంచి రెస్పాన్స్ వచ్చింది. అయితే.. ఈ సినిమా టీజర్‌లో దోశ వేసే షాట్ విషయంలో.. ఓ రేంజ్‌లో ట్రోలింగ్ జరిగింది. ఆ తర్వాత సాంగ్స్ విషయంలో జరుగుతోంది. గీత గోవిందం సినిమాకు సూపర్ హిట్ ఆల్బమ్ ఇచ్చాడు మ్యూజిక్ డైరెక్టర్ గోపి సుందర్.. దీంతో అదే కాంబోని రిపీట్ చేస్తూ పరుశురాం, విజయ్ దేవరకొండ ఫ్యామిలీ స్టార్ సినిమా చేస్తున్నారు.
చదవండి:Ram Charan: రామ్ చరణ్, సుకుమార్ బిగ్ అనౌన్స్.. ఈసారి మామూలుగా ఉండదు!
అయితే.. గోపీ సుందర్ ఈ సినిమాకి మంచి మ్యూజిక్ ఇస్తాడని అనుకుంటే.. మొదటి పాటతో కాపీ క్యాట్ అనిపించుకున్నాడు. ఫస్ట్ సింగిల్ నంద నందనా సాంగ్ తమిళ డబ్బింగ్ అనంతపురం ట్యూన్‌ని పోలినట్టుగా ఉందని తేల్చేశారు. తర్వాత వచ్చిన కళ్యాణి వచ్చా వచ్చా సాంగ్.. అరుంధతి సినిమాలో డోలారే డోలారే డం ట్యూన్‌లా ఉందని పట్టేశారు. ఇక ఇప్పుడు ఫ్యామిలీ స్టార్ నుంచి మరో సాంగ్ రిలీజ్ చేశారు. ‘మధురము కదా ప్రతొక నడక నీతో కలిసి..’ అంటూ సాగే లిరికల్ సాంగ్ రిలీజ్ చేశారు. ఈ పాటని శ్రీమణి రాయగా గోపి సుందర్ సంగీతం అందించారు.. శ్రేయ ఘోషల్ పాడింది. ప్రస్తుతం ఈ సాంగ్ యూట్యూబ్‌లో ట్రెండ్ అవుతుంది. అయితే.. ఈ సాంగ్ షారుఖ్, ఖాన్ ప్రీతి జంట జంటగా నటించిన దిల్సే సినిమాలోని జియా జలే సాంగ్ ట్యూన్‌ నుంచి కాపీ కొట్టినట్టుగా ఉందని అంటున్నారు. దీంతో మళ్లీ దొరికేశారు అంటూ కామెంట్స్ చేస్తున్నారు నెటిజన్స్.
చదవండి:Tillu Square: టిల్లు స్క్వేర్.. రన్ టైమ్ ఎంతో తెలుసా?
