ఒంటిగంట షో నుంచే సలార్‌కు సాలిడ్ హిట్ టాక్ రావడంతో.. బాక్సాఫీస్ దగ్గర వసూళ్ల వర్షం కురుస్తోంది. ప్రభాస్ దెబ్బకు ఈజీగా రోజుకు వంద కోట్లు లేస్తున్నాయ్. డే వన్ 178 కోట్లకు పైగా గ్రాస్ రాబట్టిన సలార్.. సెకండ్ డే 117 కోట్లు కొల్లగొట్టి.. రెండు రోజుల్లో 295 కోట్లకు పైగా రాబట్టి సెన్సేషన్ క్రియేట్ చేసింది. రెండు రోజుల్లోనే 300 కోట్ల మార్క్‌ దగ్గరికి వచ్చిన సలార్.. మూడు రోజుల్లో 400 కోట్లు క్రాస్ చేసి సెన్సేషన్ క్రియేట్ చేసింది. సండే రోజు బుకింగ్స్‌ భారీగా ఉండడంతో.. మొత్తంగా మూడు రోజుల్లో రోజుకి వంద కోట్లకు పైగా కలెక్ట్ చేసి.. 400 కోట్లతో బాక్సాఫీస్‌ను షేక్ చేస్తోంది సలార్. మండే రోజు క్రిస్మస్ హాలిడే ఉంది కాబట్టి.. భారీ ఫిగర్ నమోదయ్యే ఛాన్స్ ఉంది.
చదవండి: Prabhas ఇంత కష్టపడ్డాడా.. సలార్ మేకింగ్ వీడియో
మండేతో సలార్ 500 కోట్ల క్లబ్ లోకి చేరుకుంటుందని అంచనా వేస్తున్నారు. వరుసగా మూడు ఫ్లాప్‌లు పడ్డా కూడా ప్రభాస్ క్రేజ్‌ ఏ మాత్రం తగ్గలేదు కదా.. రోజు రోజుకి పెరుగుతుంది అనడానికి ఈ లెక్కలు జస్ట్ శాంపిల్ మాత్రమేనని చెప్పాలి. సౌత్ లోనే కాదు నార్త్ లోనూ ‘సలార్’ హవా నడుస్తోంది. సాహో సినిమా యావరేజ్ టాక్ తోనే హిందీలో 100 కోట్ల కలెక్షన్స్ రాబట్టింది. ఇక ఇప్పుడు సలార్ హిందీ ట్రేడ్ వర్గాలకు షాక్ ఇస్తోంది. షారుఖ్ ఖాన్ డంకీ థియేటర్లో ఉన్నా కూడా ప్రభాస్ దెబ్బకు బాక్సాఫీస్ బద్దలవుతోంది.
చదవండి:Rebel star Prabhas: సలార్‌కు ఓకే చెప్పడానికి కారణం ఇదే!
కేవలం హిందీ బెల్ట్ లోనే ఫస్ట్ వీకెండ్‌లో 50 కోట్లకు పైగా నెట్, 100 కోట్లకు పైగా గ్రాస్ రాబట్టింది. క్రిస్మస్ హాలిడేస్ కూడా కలిసొస్తుంది కాబట్టి.. వసూళ్లు మరింత ఎక్కువ రాబట్టే ఛాన్స్ ఉంది. మరోవైపు షారుఖ్ ఖాన్ డంకీ సినిమా రిలీజ్ అయి నాలుగు రోజులు అవుతున్నా.. సలార్ డే వన్ కలెక్షన్స్‌ను రాబట్టడానికే నానా తంటాలు పడుతోంది. ఏదేమైనా.. సలార్ బాక్సాఫీస్ దగ్గర సెన్సేషన్ క్రియేట్ చేస్తోంది.
