Car Discounts: కొత్త కార్లు కొనుక్కోవాలని అనుకునేవారికి ఇదే మంచి సమయం. ప్రముఖ వాహన తయారీ సంస్థ మారుతీ సుజుకీ తన ఫేమస్‌ కార్లపై పెద్ద ఎత్తున డిస్కౌంట్లు ప్రకటించింది. మారుతి సుజుకి ఇండియా అరేనా షోరూమ్‌లలో అందుబాటులో ఉన్న ఆల్టో, ఆల్టో కే10, ఎస్‌-ప్రెస్సో, వ్యాగనార్‌, సెలెరియో, స్విఫ్ట్, డిజైర్ కార్లపై మార్చి నెలలో భారీ డిస్కౌంట్లు ఇచ్చింది. ఆ వివరాలేంటో చూసేద్దాం.
మారుతీ సుజుకీ ఫేమస్‌ పాసింజర్‌ కార్‌ స్విఫ్ట్ కు ఎప్పుడూ డిమాండ్‌ తగ్గదు. దీన్ని కస్టమర్లు ఇప్పుడు రూ.54వేల డిస్కౌంట్‌తో కొనుగోలు చేయవచ్చు. ఈ ఆఫర్‌లో రూ. 30,000 క్యాష్ డిస్కౌంట్, రూ. 20,000 ఎక్స్ఛేంజ్ బోనస్, రూ. 4,000 కార్పొరేట్ డిస్కౌంట్ ఉన్నాయి.
ఎస్‌-ప్రెస్సో వెహికల్‌పై కంపెనీ రూ. 49,000 వరకు డిస్కౌంట్ అందిస్తోంది. ఈ ఆఫర్లలో క్యాష్ డిస్కౌంట్ రూ. 30,000, ఎక్స్ఛేంజ్ బోనస్ రూ. 15,000 ఉన్నాయి. అలాగే కార్పొరేట్ డిస్కౌంట్ కింద రూ. 4,000 వరకు ధర తగ్గొచ్చు. సంస్థలో అత్యధికంగా అమ్ముడవుతున్న కారుగా పేరొందిన వ్యాగన్ఆర్‌పై రూ.64వేల వరకు డిస్కౌంట్ పొందవచ్చు. కస్టమర్లు రూ. 40,000 క్యాష్ డిస్కౌంట్, రూ. 20,000 ఎక్స్ఛేంజ్ బోనస్, రూ. 4,000 కార్పొరేట్ డిస్కౌంట్ ఉంది. సెలెరియో వెహికల్‌పై మొత్తం రూ.44,000 వరకు డిస్కౌంట్ ఉంది. ఇందులో రూ. 25,000 క్యాష్ డిస్కౌంట్, రూ. 15,000 ఎక్స్ఛేంజ్ బోనస్, రూ. 4,000 కార్పొరేట్ డిస్కౌంట్ ఉన్నాయి.స్విఫ్ట్ డిజైర్ పై రూ. 10,000, ఆల్టో కే10పై రూ. 49,000 వరకు, ఆల్టోపై రూ. 38,000 వరకు డిస్కౌంట్లు ఉన్నాయి.
