జనసేన అధినేత పవన్ కళ్యాణ్ పై వైసీపీ నేత వైవీ సుబ్బారెడ్డి విమర్శల వర్షం కురిపించారు. పవన్ కి ఒంటరిగా పోటీ చేసే సత్తా లేక.. చంద్రబాబుతో, ఇతర పార్టీలతో పొత్తులు పెట్టుకోవాలని అనుకుంటున్నారని ఆయన అన్నారు. పవన్ ఎవరితో పొత్తు పెట్టుకున్నా.. తమకు ఎలాంటి ఇబ్బంది లేదని ఆయన అన్నారు. సంక్షేమ పథకాలే జగన్ ను మళ్లీ సీఎంను చేస్తాయన్నారు. జగన్‌ను మూడు ముక్కల సీఎం అనడం సరికాదన్నారు. రాష్ట్రంలో ఉన్న మూడు ప్రాంతాల సమగ్ర అభివృద్ది కోసమే ముఖ్యమంత్రి జగన్ కట్టుబడి ఉన్నారన్నారు.
తిరుమలలో సామాన్య భక్తులకు అవసరమైన రూముల ధరలు పెంచలేదని, వీఐపీల రూముల ధరలు మాత్రమే పెరిగాయని వైవీ సుబ్బారెడ్డి స్పష్టం చేశారు. రూ. 120 కోట్లు ఖర్చు చేసి రూములు రీ మోడలింగ్ చేశామని తెలిపారు. సాధారణ గదులు రీ మోడలింగ్ చేసి ఆ మేరకు మాత్రమే రేట్లు పెంచామని వైవీ సుబ్బారెడ్డి తెలిపారు.
