మెగా పవర్ స్టార్ రామ్ చరణ్ తేజ్(Ramcharan Tej), యూవీ క్రియేషన్స్‌లో ఒకరైన విక్రమ్ రెడ్డితో కలిసి కొత్తగా ‘వి మెగా పిక్చర్స్’ బ్యానర్ స్థాపించారు. ఈ బ్యానర్లో ఫస్ట్ సినిమా అక్కినేని అఖిల్(Akkineni Akhil)తో ఉంటుందని జోరుగా ప్రచారం జరిగింది. చరణ్ బ్యానర్లో సినిమా అంటే.. చరణ్ సపోర్ట్‌తో పాటు మెగా ఫ్యాన్స్ సపోర్ట్ అఖిల్‌కు కలిసొస్తుందని అంతా అనుకున్నారు. కానీ ఈ నయా అప్డేట్ బయటికొచ్చాక.. అక్కినేని అభిమానులే కాదు, మెగా ఫ్యాన్స్ కూడా తీవ్ర నిరాశకు గురయ్యారు. ఊహించని విధంగా అఖిల్ ప్లేస్‌లో నిఖిల్‌ను హీరోగా ‘ది ఇండియా హౌస్’ అంటూ భారీ ప్రాజెక్ట్ అనౌన్స్ చేశారు.
చదవండి: Director Teja: షకీలాను అలా చూసి ఆఫర్ ఇచ్చా.. తేజ కామెంట్స్ వైరల్!
ఈ ప్రాజెక్ట్‌లో అభిషేక్ అగ‌ర్వాల్ ఆర్ట్స్‌ కూడా నిర్మాణ భాగస్వామిగా ఉంది. ‘కార్తికేయ 2’తో పాన్ ఇండియా రేంజ్‌ పాపులారిటీ సొంతం చేసుకున్నాడు నిఖిల్. అభిషేక్ అగర్వాల్‌తో నిఖిల్‌కు మంచి పరిచయం ఉంది. అందుకే ఈ ప్రాజెక్ట్‌లో నిఖిల్ హీరోగా ఫిక్స్ అయిపోయాడు. ఈ సినిమాతో రామ్ వంశీ కృష్ణ దర్శకుడిగా పరిచయం కాబోతున్నాడు. ‘ది ఇండియా హౌజ్’ స్వాతంత్ర సమరయోధుడు ‘వీర్ సావర్కర్’ కథతో తెరకెక్కబోతోంది. అందుకే వీర్‌సావార్కర్‌ 140వ జయంతి సందర్భంగా సినిమాను అనౌన్స్ చేశారు.
Agniveer Notification: 1365 అగ్నివీర్‌ల ఉద్యోగాలకు నోటిఫికేషన్‌ విడుదల
1905 బ్యాక్ డ్రాప్‌లో లండన్‌ నేపథ్యంలో ఈ సినిమాను తెరకెక్కిస్తున్నారు. ఈ సినిమాలో బాలీవుడ్‌ సీనియర్‌ యాక్టర్‌ అనుపమ్‌ ఖేర్‌ కీ రోల్‌ ప్లే చేస్తున్నాడు. కార్తికేయ-2 సినిమాతో నిఖిల్, అనుపమ్‌ ఖేర్‌కు పాన్ ఇండియా లెవెల్‌లో మంచి క్రేజ్‌ వచ్చింది. అందుకే ఈ కాంబినేషన్ ఇంట్రెస్టింగ్‌గా మారింది. పైగా పాన్ ఇండియా స్టార్ రామ్ చరణ్ బ్యానర్ కావడంతో.. ‘ది ఇండియా హౌజ్’ అనౌన్స్మెంట్ నుంచే భారీ హైప్ క్రియేట్ చేస్తోంది.
ఇవీ చదవండి:
Araku Coffee: అరకు కాఫీకి అంతర్జాతీయ గుర్తింపు
OLA: ఓలా క్యాబ్స్ సరికొత్త సర్వీస్..!
Missouri: నాలుగేళ్లయినా చెక్కుచెదరని శవం..అక్కడికి క్యూకడుతున్న జనం!
