ap dgp clarity on ap go number one
ఏపీలో ప్రస్తుతం జీవో నెంబర్ 1 గురించి సర్వత్రా చర్చ నడుస్తున్న విషయం తెలిసిందే. ఇటీవల టీడీపీ సభలో జరిగిన పలు ఘటనలు మళ్లీ పునరావృతం కాకుండా ఉండేందుకు ఏపీలోని రోడ్ల మీద ర్యాలీలు, సభలు నిర్వహించకుండా ఏపీ ప్రభుత్వం జీవో నెంబర్ 1 ను తీసుకొచ్చింది. అయితే.. దీనిపై ప్రతిపక్షాలు గగ్గోలు పెట్టాయి. జీవో పేరుతో ప్రతిపక్ష పార్టీలను ఎలాంటి సమావేశాలు నిర్వహించుకోకుండా ప్రభుత్వం కక్షపూరితమైన చర్యలను పాల్పడుతోందంటూ మండిపడ్డాయి. దీనిపై తాజాగా ఏపీ డీజీపీ కసిరెడ్డి రాజేంద్రనాథ్ రెడ్డి క్లారిటీ ఇచ్చారు. జీవో నెంబర్ 1 గురించి ఆందోళన వద్దన్నారు. ఈ జీవోతో ఎవరినీ బ్యాన్ చేయడం లేదన్నారు. రాజకీయ పార్టీల సభలకు అనుమతి ఇచ్చామన్నారు. ఎవరైనా పాదయాత్రలు చేయాలంటే జిల్లా హెడ్ క్వార్టర్స్ లో ముందే అనుమతి తీసుకోవాలని డీజీపీ తెలిపారు.
