నందమూరి నటసింహం బాలకృష్ణ హీరోగా.. గోపీచంద్ మలినేని దర్శకత్వంలో తెరకెక్కిన ‘వీర సింహారెడ్డి’ రిలీజ్ టైం దగ్గర పడింది. ప్రపంచ వ్యాప్తంగా భారీ ఎత్తున.. ఈ నెల 12న సంక్రాంతి కానుకగా ప్రేక్షకుల ముందుకు రాబోతున్నాడు రెడ్డిగారు. ఇటీవల జరిగిన ప్రీ రిలీజ్ ఈవెంట్.. ట్రైలర్.. మాస్ మొగుడు సాంగ్ ఈ సినిమాపై ఎక్స్‌పెక్టేషన్స్ ఓ రేంజ్‌లో పెంచేశాయి. తాజాగా ఈ సినిమా సెన్సార్ కార్యక్రమాలు కంప్లీట్ చేసుకుంది. సెన్సార్ బోర్డు ఈ సినిమాకు యూ/ఎ సర్టిఫికెట్ జారీ చేసింది. వాల్తేరు వీరయ్యకు కూడా యూ/ఎ సర్టిఫికేట్‌ ఇచ్చిన సంగతి తెలిసిందే. ఇక సెన్సార్ బోర్డు సభ్యుల నుండి ఈ సినిమాకు పాజిటివ్ రెస్పాన్స్ వచ్చినట్టు సమాచారం. అయితే వీరసింహారెడ్డిలో ఎమోషనల్ సీన్స్ కాస్త హెవీగా ఉన్నట్టు తెలుస్తోంది. ఫస్ట్ హాఫ్‌లో యాక్షన్‌తో పాటు ఓ రేంజ్‌లో ఎంటర్టైన్ చేసిన వీరసింహుడు.. సెకండ్ హాఫ్‌లో ఎమోషనల్‌గా కట్టినపడేసినట్టు సమాచారం. ఒక్క మాటలో చెప్పాలంటే.. వీరసింహారెడ్డి బ్లాక్ బస్టర్ ఖాయమంటున్నారు. అఖండ తర్వాత బాలయ్య నుంచి ఎలాంటి సినిమా అయితే ఎక్స్‌పెక్ట్ చేస్తున్నారో.. అలాంటి సినిమా అని తెలుస్తోంది. దాంతో వీరసింహారెడ్డి పై అంచనాలు పెరుగుతునే ఉన్నాయి. ఇక ఈ సినిమాలో శృతి హాసన్ హీరోయిన్‌గా నటిస్తుండగా.. వరలక్ష్మీ శరత్ కుమార్ కీలక పాత్రలో నటిస్తోంది. కన్నడ హీరో దునియా విజయ్ విలన్‌గా నటిస్తున్నాడు. ఆయన ముసలి మడుగు ప్రతాప్‌ రెడ్డిగా కనిపించబోతున్నాడు. చంద్రికా రవి మా బావ మనోభావాలు స్పెషల్ సాంగ్‌లో బాలయ్యతో చిందేసింది.
