‘కొత్త బంగారు లోకం’ సినిమాతో ప్రేమ కథల్లో మరో కొత్త లోకాన్ని పరిచయం చేశాడు శ్రీకాంత్ అడ్డాల. ఆ తర్వాత ‘సీతమ్మ వాకిట్లో’ సిరిమల్లె చెట్టు అంటూ.. మహేష్‌ బాబు, వెంకటేష్‌లతో కలిసి మల్టీస్టారర్‌ మూవీ చేశాడు. ఈ రెండు సినిమాలతో శ్రీకాంత్ టాలీవుడ్ టాప్ చైర్‌లో కూర్చుంటారని ఫిక్స్ అయిపోయారు అంతా. కానీ ఆ తర్వాత వచ్చిన సినిమాలతో ఏ మాత్రం మెప్పించలేకపోయాడు శ్రీకాంత్. ముఖ్యంగా మహేష్‌ బాబు మరో ఛాన్స్ ఇచ్చిన కూడా.. ‘బ్రహ్మోత్సవం’ సినిమాతో డిజాస్టర్ ఇచ్చాడు. అప్పటి నుంచి శ్రీకాంత్ అడ్డాల మళ్లీ కోలుకోలేదు.
చదవండి: Narakasura Movie: ‘నరకాసుర’ ఫస్టు గ్లింప్స్ రిలీజ్
అయితే కరోనా సమయంలో వెంకటేష్‌తో కలిసి తమిళ్ ‘అసురన్’ మూవీని తెలుగులో ‘నారప్ప’గా రీమేక్ చేశాడు. కానీ ఈ సినిమా ఓటిటికే పరిమితమైంది. ఇక ఇప్పుడు నారప్ప తర్వాత మరో కొత్త ప్రాజెక్ట్ అనౌన్స్ చేశాడు. నందమూరి బాలకృష్ణ తో అఖండ సినిమాను నిర్మించిన ద్వారక క్రియేషన్స్ పై మిర్యాల రవీందర్ రెడ్డి నిర్మాణంలో ఓ సినిమా ప్రకటించాడు. అయితే ఈ సినిమాలో హీరో ఎవరు? ఎలాంటి సినిమా? టైటిల్ ఏంటి? అనే క్లారిటీ మాత్రం ఇవ్వలేదు. జూన్ 2వ తేదీన ఉదయం 11 గంటల 39 నిమిషాలకు టైటిల్ అండ్ నటీనటుల వివరాలు తెలియనున్నాయయని ప్రకటించారు.
చదవండి: Godhra Teaser: ఆసక్తిరేపుతోన్న ‘గోద్రా’ టీజర్‌..మరో కాంట్రవర్షల్ మూవీ
అయితే ఈ సినిమా అనౌన్స్మెంట్‌ పోస్టర్ మాత్రం.. శ్రీకాంత్ అడ్డాల నుంచి ఊహించని మాస్ సినిమా రాబోతున్నట్టు చెబుతోంది. అయితే ఈ సినిమా హీరో ఎవరనేది సస్పెన్స్‌గా మారింది. చాలా రోజులుగా మిర్యాల రవిందర్ రెడ్డి ఫ్యామిలీ నుంచి కొత్త హీరోని లాంచ్ చేసేందుకు ప్లాన్ చేస్తున్నట్టు వార్తలొస్తున్నాయి. దాంతో అతను ఎవరనేది త్వరలోనే క్లారిటీ రానుంది.
