'Prabhas-Maruti' Movie Music Update!
‘Prabhas-Maruti’ Movie: ముందుగా మారుతి సినిమాను వద్దన్న అభిమానులే.. ఇప్పుడు కావాలనే పరిస్థితి ఏర్పడుతోంది. ఎందుకంటే.. ఇప్పటి వరకు ప్రభాస్‌ను చూపించని విధంగా చూపించబోతున్నాడు మారుతి. ఇప్పటికే ఈ మూవీ జెట్ స్పీడ్‌లో షూటింగ్ జరుపుకుంటోంది. కానీ అఫిషీయల్ అనౌన్స్మెంట్ మాత్రం ఇవ్వడం లేదు. ఈ మూవీ నుంచి అప్డేట్ ఎప్పుడు బయటకి వస్తుందా.. అని ఈగర్‌గా వెయిట్ చేస్తున్నారు అభిమానులు. కానీ ఇప్పటి వరకు ఎలాంటి అప్డేట్ లేదు. కానీ మధ్యలో వచ్చిన లీకేజీలు మాత్రం మారుతి సినిమాకు మంచి పాజిటివ్ వైబ్ తీసుకొచ్చింది. ఈ సినిమాలో ప్రభాస్ కలర్ ఫుల్ చెక్స్ షర్ట్, రగ్గడ్ లుక్‌లో, ఫుల్ గడ్డంతో కనపించబోతున్నట్టు లీక్డ్ ఫోటోలు చెప్పేశాయి.
చదవండి: Adipurush నుంచి రామ్ సీతా రామ్ ఫుల్ సాంగ్ రిలీజ్
సైలెంట్‌గా షూటింగ్ జరుపుకుంటున్న ఈ సినిమాకు త్వరలోనే మ్యూజిక్ సిట్టింగ్స్ స్టార్ట్ కానున్నట్టు తెలుస్తోంది. ముందు నుంచి ఈ సినిమాకు తమన్ మ్యూజిక్ ఇస్తున్నాడనే వార్తలొచ్చాయి. ఈ మధ్యలో కాంతార మ్యూజిక్ డైరెక్టర్ అజనీష్ లోక్‌నాథ్ పేరు వినిపించింది. లేటెస్ట్ అప్డేట్ ప్రకారం.. తమనే ఈ సినిమాకు ఫైనల్ అయినట్టు సమాచారం. జూన్ ఫస్ట్ వీక్ నుంచి రంగంలోకి దిగబోతున్నాడట తమన్. ప్రస్తుతం టాలీవుడ్‌లో తెరకెక్కుతున్న టాప్ మూవీస్‌ అన్నింటికీ తమనే సంగీతం అందిస్తున్నాడు. ఇక ఇప్పుడు ప్రభాస్ కోసం అదిరిపోయే ట్యూన్స్ ఇవ్వడానికి రెడీ అవుతున్నాడు. పీపుల్ మీడియా ఫ్యాక్టరీ నిర్మిస్తున్న ఈ సినిమాలో.. ప్రభాస్ ముగ్గురు హీరోయిన్లతో రొమాన్స్ చేయనున్నాడు. మరి ఈ ప్రాజెక్ట్ అఫిషీయల్ అనౌన్స్మెంట్ ఎప్పుడుంటుందో చూడాలి.
