»Identification Of 15 Rare Minerals In Ap Anantapur By Hyd Ngri
NGRI : AP అనంతపురంలో 15 అరుదైన ఖనిజాల గుర్తింపు
ఆంధ్రప్రదేశ్లోని అనంతపురం(Anantapur) జిల్లాలో 15 అరుదైన ఎర్త్ ఎలిమెంట్స్ (REE) నిక్షేపాలను హైదరాబాద్కు చెందిన నేషనల్ జియోఫిజికల్ రీసెర్చ్ ఇన్స్టిట్యూట్(NGRI) కనుగొంది. వాటిని సెల్ఫోన్లు, టెలివిజన్లు, కంప్యూటర్లు, ఆటోమొబైల్స్ వంటి అనేక ఎలక్ట్రానిక్ పరికరాలలో ఉపయోగించుకోవచ్చని పేర్కొన్నారు. దీంతో ఆయా ఖనిజ ప్రాంతాలపై ఒక్కసారిగా డిమాండ్ ఏర్పడినట్లు తెలుస్తోంది.
ఏపీ(AP)లో సరికొత్త ఖనిజాలు గుర్తించినట్లు హైదరాబాద్కు చెందిన నేషనల్ జియోఫిజికల్ రీసెర్చ్ ఇన్స్టిట్యూట్ (NGRI) ఇటీవల తెలిపింది. అనంతపురం జిల్లాలో 15 అరుదైన ఎర్త్ ఎలిమెంట్స్ (REE) నిక్షేపాలను కనుగొన్నట్లు ఓ రిపోర్ట్ వెల్లడించింది. అయితే వాటిని మన దైనందిన జీవితంలో సెల్ఫోన్లు, టెలివిజన్లు, కంప్యూటర్లు, ఆటోమొబైల్స్ లో ఉపయోగించుకోవచ్చని పేర్కొన్నారు. వీటిని వివిధ పారిశ్రామిక అనువర్తనాల్లో ఉపయోగించే అనేక ఎలక్ట్రానిక్ పరికరాలలో లాంతనైడ్ సిరీస్లోని REE ప్రధానంగా వాడుకోవచ్చని వెల్లడించారు.
అనంతపురంలో సైనైట్ వంటి సాంప్రదాయేతర శిలల కోసం ఎన్జీఆర్ఐ(NGRI) శాస్త్రవేత్తలు సర్వే నిర్వహిస్తున్నక్రమంలో గుర్తించినట్లు ప్రకటించారు. గుర్తించబడిన ప్రధాన REEలలో అలనైట్, సెరియేట్, థోరైట్, కొలంబైట్, టాంటలైట్, అపాటైట్, జిర్కాన్, మోనాజైట్, పైరోక్లోర్ యుక్సనైట్, ఫ్లోరైట్ ఉన్నాయని తెలిపారు. దీంతోపాటు వివిధ ఆకృతులు కల్గిన జిర్కాన్ను కూడా గుర్తించినట్లు ఎన్జిఆర్ఐ శాస్త్రవేత్త పీవీ సుందర్ రాజు చెప్పారు.
ఈ REEల గురించి మరింత తెలుసుకోవడానికి డీప్-డ్రిల్లింగ్ ద్వారా మరిన్ని సాధ్యాసాధ్యాల అధ్యయనాలు నిర్వహిస్తామని రాజు తెలిపారు. ఈ మూలకాలు క్లీన్ ఎనర్జీ, ఏరోస్పేస్, డిఫెన్స్, శాశ్వత అయస్కాంతాల తయారీలో కూడా ఉపయోగించబడతాయని అన్నారు. దీంతోపాటు ఆధునిక ఎలక్ట్రానిక్స్ లలో కీలక భాగమైన విండ్ టర్బైన్లు, జెట్ ఎయిర్క్రాఫ్ట్, అనేక ఇతర ఉత్పత్తులలో కూడా విరివిగా వాడతారని తెలిపారు.
ఈ REE బేరింగ్ ఖనిజాలు ప్రధానంగా అవకాశం ఉన్న కేంద్రాలు దంచెర్ల, పెద్దవడుగూరు, దండువారిపల్లె, రెడ్డిపల్లె చింతలచెర్వు, అనంతపురం, చిత్తూరు జిల్లాల్లోని పులికొండ కాంప్లెక్స్ ప్రాంతాల్లో ఉన్నట్లు వెల్లడించారు. ప్రధాన దంచెర్ల ప్రదేశం 18sqkm విస్తీర్ణంతో ఓవల్ ఆకారంలో ఉంటుందని తెలిపారు. ఇవి ఆల్కలీన్ కాంప్లెక్స్లు అనంతపురం జిల్లాలో పాలియోప్రొటెరోజోయిక్ కడప బేసిన్కు పశ్చిమ, నైరుతి దిశలో ఉన్నాయని చెప్పారు.