గత కొన్ని రోజులుగా గీత గోవిందం మూవీ కాంబో మళ్లీ రిపీట్ కానుందని వస్తున్న వార్తలపై ఈరోజు శ్రీ వెంకటేశ్వర బ్యానర్స్ ఓ క్లారిటీ ఇచ్చింది. పరశురాం-విజయ్ దేవరకొండ బ్లాక్ బాస్టర్ కాంబోలో మూవీ చేయనున్నట్లు ప్రకటించడానికి చాలా సంతోషంగా ఉందని ట్విట్టర్ వేదికగా ఓ ఫోటోను పోస్ట్ చేస్తూ ప్రకటించింది. మరిన్ని వివరాలు త్వరలో వెల్లడిస్తామని తెలిపింది. ఆ ఫోటోలో విజయ్, దిల్ రాజు, డైరెక్టర్ పరుశురాం నవ్వుతూ కనిపిస్తున్నారు.
అయితే ఇప్పుడు రానున్న మూవీ సరికొత్త స్టోరీతో తెరకెక్కించనున్నట్లు తెలుస్తోంది. మరోవైపు విజయ్ ప్రస్తుతం శివ నిర్వాణ దర్శకత్వంలో ఖషి మూవీలో నటిస్తున్నాడు. దీంతోపాటు గౌతమ్ తిన్ననూరి స్టోరీకి కూడా విజయ్ గ్రీన్ సిగ్నల్ ఇచ్చాడు. 2018లో విజయ్ దేవరకొండ-పరశురాం కాంబోలో వచ్చిన గీత గోవిందం మూవీ బ్లాక్ బాస్టర్ హిట్టుగా నిలిచింది. దీంతో ఈ సినిమాపై మరింత అంచనాలు పెరిగాయి. ఇప్పటికే పరశురాం మహేష్ బాబుతో సర్కారువారి పాట చిత్రంతో హిట్టుకొట్టి మంచి జోరు మీద ఉన్నాడని చెప్పవచ్చు.
చదవండి: NTR 30 : ఈనెలలో లాంచ్.. మార్చిలో షూటింగ్ స్టార్ట్.. 2024 ఏప్రిల్ 5 న రిలీజ్
