Prabhas Kalki 2898 AD Trailer : భారీ బడ్జెట్‌ సినిమాగా భారీ అంచనాలతో ఉన్న సినిమా ‘కల్కి 2898 ఏడీ’. నాగ్‌ అశ్విన్‌ డైరెక్షన్‌లో సైన్స్‌ ఫిక్షన్‌ సినిమాగా ఈ చిత్రం తెరకెక్కిన సంగతి తెలిసిందే. అయితే ఎన్నికల హడావిడి నేపథ్యంలో ఈ చిత్రం విడుదల తేదీ పలు మార్లు మారుతూ వచ్చింది. అయితే దీనికి సంబంధించిన ప్రభాస్‌ పోస్టర్లు, బుజ్జి వెహికిల్‌, యానిమేషన్‌ సిరీస్‌ తదితరాలను చూసిన ప్రేక్షకులు దీనిపై భారీగా అంచనాలను పెట్టుకున్నారు.
చదవండి : ఒడిశాలో ముగిసిన నవీన్ పట్నాయక్ శకం.. ఫస్ట్ టైం బీజేపీ ప్రభుత్వం
కల్కి 2898 ఏడీ(Kalki 2898 AD) సినిమా విడుదల దగ్గర పడుతుండటంతో దీని ట్రైలర్‌ని త్వరలో విడుదల చేయనున్నట్లు మూవీ టీం వెల్లడించింది. ఈ సినిమా ట్రైలర్‌ని జూన్‌ 10న విడుదల చేయనున్నట్లు ప్రకటించింది. దీంతో ప్రభాస్‌(Prabhas) ఫ్యాన్స్‌ ఫుల్‌ ఖుషీగా ఉన్నారు. అశ్వినీదత్‌ ఈ సినిమాని రూ.500 కోట్ల భారీ వ్యయంతో తెరకెక్కించిన విషయం అందరికీ తెలిసిందే. ప్రభాస్‌ సరసన దీపిక పదుకొణే, దిశా పటానీలు నటించారు. అలాగే బిగ్‌బీ అమితాబ్‌ బచ్చన్‌, కమల్‌హాసన్‌ లాంటి పెద్ద నటులు కూడా ఈ చిత్రంలో మెరిశారు.
చదవండి : సెలవులపై విదేశాలకు సీఐడీ చీఫ్‌, పారిపోతున్నారంటూ భారీగా ట్రోల్స్‌
ఈ భారీ బడ్జెట్‌ చిత్రాన్ని తొలుత మే 9న విడుదల చేయాలని అనుకున్నారు. అయితే ఆలోగా ఎన్నికల నోటిఫికేషన్‌ రావడంతో దాని తేదీ పోస్ట్‌పోన్‌ అవుతూ వచ్చింది. దీంతో ఇప్పుడు ఈ సినిమాని చివరికి జూన్‌ 27వ తేదీన థియేటర్లలో విడుదల చేస్తామని చిత్ర బృందం ప్రకటించింది.
